കൊച്ചി: സിറ്റി പോലീസ് കമ്മീഷണര് കാളിരാജ് മഹേഷ്കുമാറിനെതിരെ നടി അന്സിബ കോടതിയില്. സ്ത്രീത്വത്തെ അപമാനിച്ചു എന്ന പരാതി നല്കിയിട്ടും കേസെടുത്തില്ല എന്നാണ് അന്സിബയുടെ പരാതി.
നടി ലക്ഷമിപ്രിയക്ക് എതിരെ നല്കിയ പരാതിയിലാണ് സംഭവം. പാലാരിവട്ടം എസ്എച്ച്ഒയ്ക്കെതിരെയും നടപടി വേണമെന്നാണ് അന്സിബയുടെ ആവശ്യം.
എറണാകുളം ജുഡീഷല് മജിസ്ട്രേറ്റ് കോടതിയിലെത്തി സ്വകാര്യ അന്യായത്തില് നടി മൊഴി നല്കി. ഹര്ജിയില് കോടതി മേലുദ്യോഗസ്ഥരുടെ വിശദീകരണം തേടി. ഹര്ജി ഓഗസ്റ്റ് അഞ്ചിനു പരിഗണിക്കും.
സ്ത്രീത്വത്തെ അപമാനിച്ചുവെന്ന ഗുരുതര പരാതി നല്കിയിട്ടും പോലീസ് ഉദ്യോഗസ്ഥര് നടപടി സ്വീകരിച്ചില്ല. ഉദ്യോഗസ്ഥരുടെ ഭാഗത്തു നിന്നും കൃത്യവിലോപം ഉണ്ടായി എന്നാണ് അന്സിബയുടെ ആരോപണം.
ലക്ഷ്മിപ്രിയക്കെതിരെ അന്സിബ നല്കിയ കേസില് വിധി വരാനിരിക്കെയാണ് സിറ്റി പോലീസ് കമ്മീണര്ക്കെതിരെ നടി പരാതി നല്കിയത്.
E-paper LOGIN
LOGIN
