കോൽക്കത്ത: ബംഗാളിലെ നന്ദിഗ്രാമിലെ അറസ്റ്റിലായ കോൺഗ്രസ് സ്ഥാനാർഥി മിലൻ പ്രധാനെ മത്സരിക്കാൻ അനുവദിക്കണമെന്ന് കൽക്കട്ട ഹൈക്കോടതി. ഹൈക്കോടതിയിലെ രണ്ടു ബെഞ്ചുകളാണ് പ്രധാന്റെ ജാമ്യഹർജി പരിഗണിച്ചത്. നാലു കേസുകളാണ് പ്രധാനെതിരേ ചുമത്തിയിട്ടുള്ളത്.
ഒക്ടോബർ ആറിനു നടക്കുന്ന തെരഞ്ഞെടുപ്പിൽ മിലൻ പ്രധാനെ മത്സരിക്കാൻ അനുവദിക്കണമമെന്ന് ജസ്റ്റീസ് തീർഥാങ്കർ ഘോഷ് പറഞ്ഞു. ജസ്റ്റീസ് സൗഗത ഭട്ടാചാര്യയുടെ ബെഞ്ചും ഇതേ അഭിപ്രായം രേഖപ്പെടുത്തി.
19 വർഷം മുന്പുള്ള ക്രിമിനൽ കേസുകളുടെ പേരിലാണ് മിലൻ പ്രധാനെ 18-ാം തീയതി അറസ്റ്റ് ചെയ്തത്. ഭൂമി ഏറ്റെടുക്കലിനെതിരേ നടന്ന പ്രക്ഷോഭങ്ങളുടെ പേരിലായിരുന്നു കേസുകൾ രജിസ്റ്റർ ചെയ്തത്.
Deepika
E-paper LOGIN
LOGIN
