നെടുങ്കണ്ടം: നെടുങ്കണ്ടം വിദ്യാഭ്യാസ ഉപജില്ലയിലെ സ്കൂള് പാചകത്തൊഴിലാളികള് മാറ്റുരച്ച പാചക മത്സരത്തില് നെടുങ്കണ്ടം എസ്എസ് യുപിഎസിലെ കെ.വി. വിജിതയ്ക്ക് ഒന്നാം സ്ഥാനം. വലിയതോവാള സിആര്എച്ച്എസിലെ ബിന്ദു വര്ഗീസ്, നെടുങ്കണ്ടം എസ്എസ് യുപിഎസിലെ ലിസി ബിജു എന്നിവര് യഥാക്രമം രണ്ടും മൂന്നും സ്ഥാനങ്ങള് നേടി.
നെടുങ്കണ്ടം ഉപജില്ലാ വിദ്യാഭ്യാസ ഓഫീസര് ജെന്സിമോള് സി. മാങ്കോട്ടില് ഉദ്ഘാടനം ചെയ്തു. എം.എം. മണി എംഎൽഎ സമ്മാനങ്ങൾ വിതരണം ചെയ്തു. നെടുങ്കണ്ടം പഞ്ചായത്ത് യുപി സ്കൂളില് നടന്ന പാചകമത്സരം പ്രധാനമന്ത്രി പോഷന് പദ്ധതിയുടെ ഭാഗമായാണ് നടന്നത്. മത്സരത്തില് ഏഴു തൊഴിലാളികള് പങ്കെടുത്തു. പച്ചക്കറികളും ഇലകളും നാട്ടു കാര്ഷികോത്പന്നങ്ങളും ഉള്പ്പെടെ ഉപയോഗിച്ചാണ് മത്സരാര്ഥികള് പോഷക സമ്പുഷ്ടമായ വിഭവങ്ങള് ഒരുക്കിയത്.
സ്കൂള് ഉച്ചഭക്ഷണ പദ്ധതി കൂടുതല് പോഷകസമൃദ്ധമാക്കാനാണ് പാചകമത്സരം സംഘടിപ്പിച്ചത്. അധ്യാപക-വിദ്യാര്ഥി പ്രതിനിധികള്, ന്യൂട്രീഷന്, പാചക വിദഗ്ധന് എന്നിവരടങ്ങിയ നാലംഗ പാനലാണ് വിധി നിര്ണയിച്ചത്.
Deepika
E-paper LOGIN
LOGIN
