3

മ്യൂ​ണി​ക്ക്: ആ​ഗോ​ള വാ​ഹ​ന നി​ർ​മാ​ണ ഭീ​മ​നാ​യ ജ​ർ​മ​നി​യു​ടെ ബി​എം​ഡ​ബ്ല്യു ചെ​ല​വു​ചു​രു​ക്ക​ൽ ന​ട​പ​ടി​ക​ൾ കൂ​ടു​ത​ൽ ക​ർ​ശ​ന​മാ​ക്കു​ന്നു. ക​ന​ത്ത ലാ​ഭ​യി​ടി​വി​നെ​ത്തു​ട​ർ​ന്ന് ക​മ്പ​നി​യു​ടെ ഉ​ന്ന​ത മാ​നേ​ജ്‌​മെ​ന്‍റ് ത​സ്തി​ക​ക​ൾ വെ​ട്ടി​ച്ചു​രു​ക്കാ​നും വി​പ​ണി​യി​ൽ ലാ​ഭ​ക​ര​മ​ല്ലാ​ത്ത കാ​ർ മോ​ഡ​ലു​ക​ളു​ടെ നി​ർ​മാ​ണം അ​വ​സാ​നി​പ്പി​ക്കാ​നും തീ​രു​മാ​നി​ച്ചു.

2027 പ​കു​തി​യോ​ടെ മാ​നേ​ജ്‌​മെ​ന്‍റ് വി​ഭാ​ഗ​ത്തി​ലെ അ​ഞ്ചി​ലൊ​ന്ന് ത​സ്തി​ക​ക​ളും ഇ​തി​ന് തൊ​ട്ടു​താ​ഴെ​യു​ള്ള പ്ര​ധാ​ന ത​സ്തി​ക​ക​ളും ഒ​ഴി​വാ​ക്കു​മെ​ന്ന് ക്യാ​പി​റ്റ​ൽ മാ​ർ​ക്ക​റ്റ് ഡേ​യി​ൽ ക​മ്പ​നി ഔ​ദ്യോ​ഗി​ക​മാ​യി പ്ര​ഖ്യാ​പി​ച്ചു.

ആ​ഗോ​ള​ത​ല​ത്തി​ൽ ക​മ്പ​നി ന​ട​പ്പി​ലാ​ക്കു​ന്ന 8,000 ജീ​വ​ന​ക്കാ​രു​ടെ വെ​ട്ടി​ച്ചു​രു​ക്ക​ലി​ന്‍റെ ഭാ​ഗ​മാ​യാ​ണ് ഉ​ന്ന​ത​ത​ല ഭ​ര​ണ​സം​വി​ധാ​ന​ത്തി​ലെ ഈ ​പു​നഃ​സം​ഘ​ട​ന.

ലാ​ഭ​ത്തി​ൽ 45 ശ​ത​മാ​ന​ത്തി​ന്‍റെ വ​ൻ ഇ​ടി​വ്

മ​റ്റ് ജ​ർ​മ​ൻ വാ​ഹ​ന നി​ർ​മാ​താ​ക്ക​ളെ അ​പേ​ക്ഷി​ച്ച് ജീ​വ​ന​ക്കാ​രെ പി​രി​ച്ചു​വി​ടു​ന്ന​തി​ൽ ബി​എം​ഡ​ബ്ല്യു ഏ​റെ​ക്കാ​ലം സം​യ​മ​നം പാ​ലി​ച്ചി​രു​ന്നു. എ​ന്നാ​ൽ 2026-ന്‍റെ ആ​ദ്യ പ​കു​തി​യി​ൽ ക​മ്പ​നി നേ​രി​ട്ട ക​ന​ത്ത സാ​മ്പ​ത്തി​ക തി​രി​ച്ച​ടി​യാ​ണ് അ​ടി​യ​ന്ത​ര ന​ട​പ​ടി​ക​ളി​ലേ​ക്ക് ന​യി​ച്ച​ത്.

കാ​ർ നി​ർ​മാ​ണ വി​ഭാ​ഗ​ത്തി​ലെ പ്ര​വ​ർ​ത്ത​ന ലാ​ഭ​ത്തി​ൽ 45.6 ശ​ത​മാ​ന​ത്തി​ന്‍റെ ക​ന​ത്ത ഇ​ടി​വ് രേ​ഖ​പ്പെ​ടു​ത്തി. ലാ​ഭം കേ​വ​ലം ര​ണ്ട് ബി​ല്യ​ൺ യൂ​റോ​യാ​യി ചു​രു​ങ്ങി. ലാ​ഭ​വി​ഹി​ത നി​ര​ക്ക് 6.2 ശ​ത​മാ​ന​ത്തി​ൽ നി​ന്ന് 3.6 ശ​ത​മാ​ന​ത്തി​ലേ​ക്ക് കൂ​പ്പു​കു​ത്തി.

2024 അ​വ​സാ​നം 1,59,104 ജീ​വ​ന​ക്കാ​രു​ണ്ടാ​യി​രു​ന്ന ക​മ്പ​നി​യി​ൽ 2025 അ​വ​സാ​ന​ത്തോ​ടെ ഇ​ത് 1,54,540 ആ​യി കു​റ​ഞ്ഞി​രു​ന്നു. ആ​ഗോ​ള ബി​സി​ന​സ് മോ​ഡ​ൽ ത​ന്നെ​യാ​ണ് വി​ജ​യ​ത്തി​ന്‍റെ അ​ടി​ത്ത​റ.

എ​ന്നാ​ൽ മ​ത്സ​ര​ക്ഷ​മ​ത നി​ല​നി​ർ​ത്താ​ൻ ക​മ്പ​നി​യു​ടെ ചെ​ല​വു​ക​ളും ഘ​ട​ന​യും അ​ടി​മു​ടി ഉ​ട​ച്ചു​വാ​ർ​ക്കേ​ണ്ട​തു​ണ്ട് എ​ന്ന് ബിഎംഡ​ബ്ല്യു മേ​ധാ​വി മി​ല​ൻ നെ​ഡെ​ൽ​കോ​വി​ച്ച് വ്യ​ക്ത​മാ​ക്കി.

ഇസഡ്4 റോ​ഡ്‌​സ്റ്റ​റും ആ​ക്ടീ​വ് ടൂ​റ​റും ഒ​ഴി​വാ​ക്കു​ന്നു. വ​രു​ന്ന​ത് പു​തി​യ പ്ലാ​നു​ക​ൾ പോ​ർ​ട്ട്‌​ഫോ​ളി​യോ​യി​ലെ ചെ​ല​വേ​റി​യ​തും ലാ​ഭ​മി​ല്ലാ​ത്ത​തു​മാ​യ വേ​രി​യ​ന്‍റു​ക​ളും മോ​ഡ​ലു​ക​ളും പൂ​ർ​ണ​മാ​യി ഒ​ഴി​വാ​ക്കാ​നാ​ണ് തീ​രു​മാ​നം:

യു​വാ​ക്ക​ളു​ടെ പ്രി​യ​പ്പെ​ട്ട സ്പോ​ർ​ട്സ് കാ​റാ​യ റോ​ഡ്‌​സ്റ്റ​ർ ഇസഡ്4 ഇ​തോ​ടെ വി​പ​ണി​യി​ൽ നി​ന്ന് പി​ൻ​വാ​ങ്ങും; ഇ​തി​ന് പ​ക​ര​ക്കാ​ര​ൻ ഉ​ണ്ടാ​കി​ല്ല.

കു​ടും​ബ​ങ്ങ​ൾ​ക്കി​ട​യി​ൽ പ്ര​ചാ​ര​മു​ള്ള ബിഎംഡബ്ല്യുസീ​രീ​സ് ആ​ക്ടീ​വ് ടൂ​റ​ർ മോ​ഡ​ലി​നും പു​തി​യ ത​ല​മു​റ പ​തി​പ്പു​ക​ൾ നി​ർ​മി​ക്കി​ല്ല.

അ​തേ​സ​മ​യം, ഉ​യ​ർ​ന്ന വ​രു​മാ​നം ഉ​റ​പ്പു​ന​ൽ​കു​ന്ന പു​തി​യ സെ​ഗ്‌​മെ​ന്‍റു​ക​ളി​ലേ​ക്ക് ക​മ്പ​നി ശ്ര​ദ്ധ തി​രി​ക്കു​ക​യാ​ണ്. 2027ൽ ബിഎംഡ​ബ്ല്യു ആ​ൽ​പി​ന ബ്രാ​ൻ​ഡി​ൽ നി​ന്നു​ള്ള ആ​ദ്യ മോ​ഡ​ൽ വി​പ​ണി​യി​ലെ​ത്തും.

യുഎ​സ് വി​പ​ണി​ക്കാ​യി എക്സ്7-നേ​ക്കാ​ൾ വ​ലി​യ എ​സ്‌യുവി​യും യൂ​റോ​പ്യ​ൻ വി​പ​ണി​ക്കാ​യി 2028-ൽ ​പു​തി​യ സ​മ്പൂ​ർ​ണ ഇ​ല​ക്ട്രി​ക് കോം​പാ​ക്റ്റ് മോ​ഡ​ലും അ​വ​ത​രി​പ്പി​ക്കാ​ൻ ക​മ്പ​നി പ​ദ്ധ​തി​യി​ടു​ന്നു.

നി​ർ​മി​ത ബു​ദ്ധി​യും പു​തി​യ ല​ക്ഷ്യ​ങ്ങ​ളും

ചെ​ല​വു​ക​ൾ പ​ര​മാ​വ​ധി കു​റ​യ്ക്കു​ന്ന​തി​നും പ്ര​വ​ർ​ത്ത​ന​ക്ഷ​മ​ത വ​ർ​ധി​പ്പി​ക്കു​ന്ന​തി​നു​മാ​യി ആ​ർ​ട്ടി​ഫി​ഷ്യ​ൽ ഇ​ന്‍റ​ലി​ജ​ൻ​സ് (എഐ) വ്യാ​പ​ക​മാ​യി പ്ര​യോ​ജ​ന​പ്പെ​ടു​ത്തും.

ദൈ​നം​ദി​ന ജോ​ലി​ക​ൾ ഓ​ട്ടോ​മേ​റ്റ് ചെ​യ്യാ​നും നി​ർ​മാ​ണ - ​വി​ക​സ​ന ഘ​ട്ട​ങ്ങ​ളി​ലെ കാ​ല​താ​മ​സം ഒ​ഴി​വാ​ക്കാ​നും എഐ ഉ​പ​യോ​ഗി​ക്കും.

ഈ ​പു​നഃ​സം​ഘ​ട​ന​യി​ലൂ​ടെ 2028-ഓ​ടെ പ്ര​വ​ർ​ത്ത​ന ലാ​ഭ​നി​ര​ക്ക് മൂ​ന്ന് മു​ത​ൽ അ​ഞ്ച് ശ​ത​മാ​നം വ​രെ​യാ​ക്കാ​നും 2030-ക​ളു​ടെ തു​ട​ക്ക​ത്തി​ൽ ഇ​ത് എ​ട്ട് മു​ത​ൽ പ​ത്ത് ശ​ത​മാ​ന​ത്തി​ലേ​ക്ക് ഉ​യ​ർ​ത്താ​നു​മാ​ണ് ക​മ്പ​നി ല​ക്ഷ്യ​മി​ടു​ന്ന​ത്.

ജ​ർമൻ ഓ​ട്ടോ​മൊ​ബൈ​ൽ വ്യ​വ​സാ​യ രം​ഗം നേ​രി​ടു​ന്ന ക​ടു​ത്ത മാ​ന്ദ്യ​ത്തിന്‍റെ ഏ​റ്റ​വും പു​തി​യ തെ​ളി​വാ​ണ് ബി​എം​ഡ​ബ്ല്യു​വി​ന്‍റെ ഈ ​ക​ടു​ത്ത ന​ട​പ​ടി​ക​ൾ.