കണ്ണൂർ: പ്രമുഖ സൗരോർജ സംരംഭകരായ ജെപ്സ് സോളാറിന്റെ കസ്റ്റമർ മീറ്റും മെഗാ ലക്കി ഡ്രോ നറുക്കെടുപ്പും പുതിയതെരു മാഗ്നറ്റ് ഹോട്ടലിൽ നടന്നു. കെ.വി. സുമേഷ് എംഎൽഎ ഉദ്ഘാടനം ചെയ്തു. ജെപ്സ് ഗ്രൂപ്പ് ഓഫ് കന്പനീസ് മാനേജിംഗ് ഡയറക്ടർ സി.വി.നിധീഷ് അധ്യക്ഷത വഹിച്ചു.
കേരള വിഷൻ മാനേജിംഗ് ഡയറക്ടർ പ്രജേഷ് അച്ചാണ്ടി മുഖ്യാതിഥിയായിരുന്നു. ഉപയോക്താക്കൾക്കായി സംഘടിപ്പിച്ച മെഗാ ലക്കി ഡ്രോയിൽ ഒന്നാം സമ്മാനമായ ടാറ്റ ടിയാഗോ കാർ കണ്ണൂർ ചേലേരി സ്വദേശി എം. വത്സരാജിന് ലഭിച്ചു. രണ്ടാം സമ്മാനമായ ടിവിഎസ് ജൂപ്പിറ്റർ സ്കൂട്ടറിന് മൊറാഴ സ്വദേശി രാജിവൻ ആയിക്കൽ അർഹനായി.
മൂന്നാം സമ്മാനമായ എയർകണ്ടീഷണറുകൾ ചെങ്ങളായിലെ കെ. അഫ്സത്ത്, പായത്തെ സതീഷ്, എറണാകുളത്തെ പി. പ്രകാശൻ, ചെക്കുക്കുളത്തെ കെ. രാജീവൻ, ഇടുക്കിയിലെ ജയൻ സക്കറിയ എന്നിവർക്ക് ലഭിച്ചു. കൂടാതെ 25 പേർക്കുള്ള സ്വർണനാണയങ്ങളുടെ നറുക്കെടുപ്പും നടന്നു.
കന്പനിയുടെ സാമൂഹിക പ്രതിബദ്ധതാ പദ്ധതിയായ ജെപ്സ് സ്പർശത്തിന്റെ ഉദ്ഘാടനവും എംഎൽഎ നിർവഹിച്ചു. ഇതിന്റെ ഭാഗമായി ടിഎസ്എസ്എസ് പെയിൻ ആൻഡ് പാലിയേറ്റിവ് കെയറിന് രണ്ടു ലക്ഷം രൂപയും കൂത്തുപറന്പ് സിംഹാൻസ് ആശുപത്രി പാലിയേറ്റിവ് കെയർ യൂണിറ്റ്, കെപിസി ഹയർസെക്കൻഡറി സ്കൂൾ, തരുവണത്തെരു യുപി സ്കൂൾ, അഞ്ചരക്കണ്ടി എച്ച്എസ്എസ് എന്നീ സ്ഥാപനങ്ങൾക്ക് 50,000 രൂപ വീതവും സിഎസ്ആർ ഫണ്ടിൽനിന്നു കൈമാറി.
ചടങ്ങിൽ ടിഎസ്എസ്എസ് ഡയറക്ടർ ഫാ. ബിപിൻ വരന്പകത്ത്, ദീപിക കണ്ണൂർ റസിഡന്റ് മാനേജർ ഫാ. വിപിൻ വെമ്മേനിക്കട്ടയിൽ, ജെപ്സ് സോളാർ ഡയറക്ടർ ശ്രീനാഥൻ കാവുങ്കൽ, റീജണൽ മാനേജർമാരായ വൈഷ്ണവ് കെ. ബാലചന്ദ്രൻ, കെ.വി. ഷിനിൽ, പി.എസ്. പ്രണവ്, എന്നിവർ പങ്കെടുത്തു. വിവിധ കലാപരിപാടികളും നടന്നു.
Deepika
E-paper LOGIN
LOGIN
