സുല്ത്താന് ബത്തേരി: ലോക ആദിവാസി ദിനത്തോട് അനുബന്ധിച്ച് ആദിവാസി ഗോത്ര മഹാസഭയുടെയും അംബേദ്ക്കറൈറ്റ് ഡെമോക്രാറ്റിക് ഫ്രണ്ടിന്റെയും നേതൃത്വത്തില് മുത്തങ്ങ നീതി സംഗമവും ആദിവാസി ദളിത് ഐക്യദാര്ഢ്യ സമ്മേളനവും നടത്തി.
സമ്മേളനത്തിന്റെ ഭാഗമായി ആദിശക്തി സമ്മര് സ്കൂളിന്റെ നേതൃത്വത്തില് സാംസ്കാരിക ഘോഷയാത്രയും ഉണ്ടായിരുന്നു. മുത്തങ്ങ സമരത്തില് പങ്കെടുത്ത ഏറ്റവും പ്രായംകൂടിയ ബൊമ്മിയമ്മ സംഗമം ഉദ്ഘാടനം ചെയ്തു. ജോഗിയുടെ മകന് ശിവന്ജോഗി അധ്യക്ഷത വഹിച്ചു. മുത്തങ്ങ സമരത്തില് പങ്കെടുത്തവര് അനുഭവങ്ങള് പങ്കുവച്ചു.
തുടര്ന്നുനടന്ന പൊതുസമ്മേളനം അംബേദ്കറേറ്റ് ഡെമോക്രാറ്റിക്ക് ഫ്രണ്ട് സംസ്ഥാന വര്ക്കിംഗ് ചെയര്മാന് കെ. അംബുജാക്ഷന് ഉദ്ഘാടനം ചെയ്തു. പൊതുസമ്മേളനത്തില് ആദിവാസി ഗോത്ര മഹാസഭ സംസ്ഥാന ജനറല് സെക്രട്ടറി പി.ജി. ജനാര്ദ്ദനന് ജോഗിയുടെ മരണം നീതിയുക്തമായി അന്വേഷിക്കണമെന്നും മുത്തങ്ങയില് നടന്ന മനുഷ്യാവകാശ ലംഘനങ്ങളെക്കുറിച്ച് സമഗ്രമായി അന്വേഷിക്കണമെന്ന ദേശീയ മനുഷ്യാവകാശ കമ്മീഷന് അംഗം നിര്മല ദേശ് പാണ്ഡെയുടെ ഉത്തരവ് നടപ്പാക്കണമെന്നും അക്രമത്തിന് ഇരയായ മുഴുവന് ആളുകള്ക്കും അര്ഹമായ നഷ്ടപരിഹാരം നല്കണമെന്നും അവകാശപ്പെടുന്ന പ്രമേയം അവതരിപ്പിച്ചു.
സാംസ്കാരിക ഘോഷയാത്ര അട്ടപ്പാടി സൊറിയന് മൂപ്പനന് ഉദ്ഘാടനം ചെയ്തു. വിവിധ ദളിത്, ആദിവാസി സമൂഹ്യ സംഘടനകള് പങ്കെടുത്ത യോഗത്തില് കെ.ആര്. രേഷ്മ, ശ്രീരാമന് കൊയ്യോന്, ഐ.ആര്. സദാനന്ദന്, എബി ആര്. നീലംപേരൂര് തുടങ്ങിയവര് പ്രസംഗിച്ചു.
Deepika
E-paper LOGIN
LOGIN
