പനമരം: കൂളിവയലിൽ തിങ്കളാഴ്ച രാത്രി കൂളിവയലിനു സമീപം വാഹനാപകടത്തിൽ മരിച്ച രണ്ടാമൻ വെസ്റ്റ് ബംഗാൾ ഉത്തർ ദിനാജ്പുർ ബാജർഗാവ് സ്വദേശി അബ്ദുൾ അൻസാരിയാണെന്ന്(28)തിരിച്ചറിഞ്ഞു.
അപകടത്തിൽ മരിച്ച കോഴിക്കോട് കോടഞ്ചേരി കല്ലന്തറമേട് വെള്ളാങ്കൽ രഞ്ജു മാത്യുവിനെ(38) നേരത്തേ തിരിച്ചറിഞ്ഞിരുന്നു. അപകടത്തിൽ പരിക്കേറ്റ അതിഥി തൊഴിലാളി അൻവർ ചികിത്സയിലാണ്. രഞ്ജു മാത്യുവും അതിഥി തൊഴിലാളികളും സഞ്ചരിച്ച കാർ കൂളിവയൽ ഹെൽത്ത് സെന്ററിനടുത്ത് വളവിൽ കഐസ്ആർടിസി ബസുമായി കൂട്ടിയിടിച്ചായിരുന്നു അപകടം.
അഗ്നി-രക്ഷാസേനയുടെ നേതൃത്വത്തിലാണ് രക്ഷാപ്രവർത്തനം നടത്തിയത്. അപകടത്തിൽപ്പെട്ടവരെ കാർ വെട്ടിപ്പൊളിച്ചാണ് പുറത്തെടുത്തത്.