കൊട്ടാരക്കര: എൽഡിഎഫിന് ഡീൽ ഉള്ളത് ജനങ്ങളുമായി മാത്രമാണെന്ന്മുഖ്യമന്ത്രി പിണറായി വിജയൻ.കൊട്ടാരക്കരയിൽ എൽഡിഎഫ് സ്ഥാനാർഥി കെ.എൻ. ബാലഗോപാലിന്റെ തെരഞ്ഞെടുപ്പ് കൺവൻഷൻ ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം.
അവസരവാദ രാഷ്ട്രീയത്തിന് തെരഞ്ഞെടുപ്പിൽ പരിഹാരം ഉണ്ടാകും. എൽഡിഎഫിന്റെ തുടർ ഭരണം കേരള ജനത ആഗ്രഹിക്കുകയാണ്. 2016ൽ എൽഡിഎഫിന് ഭരണം ലഭിച്ചപ്പോൾ നമ്മുടെ നാട് മാറ്റത്തിന് അനുസരിച്ചു മുന്നോട്ട് പോകുന്നില്ല എന്നായിരുന്നു മുഖ്യ പരാതി. എന്നാൽ ഭരണം ലഭിച്ചപ്പോൾ കാലാനുസൃതമായ മാറ്റം കേരളത്തിൽ അനുഭവപ്പെട്ടു തുടങ്ങിയതായി മുഖ്യമന്ത്രി പറഞ്ഞു.
എ.മന്മഥൻ നായർ അധ്യക്ഷനായിരുന്നു. മുൻമന്ത്രി മുല്ലക്കര രത്നാകരൻ, ജോർജ് മാത്യു, എസ്. സുദേവൻ, കെ.രാജഗോപാൽ, സ്ഥാനാർഥി കെ.എൻ. ബാലഗോപാൽ, എ.ഷാജു, ആർ.രഞ്ജിത്, സൂസൻ കോടി, വി.സുമലാൽ എന്നിവർ പ്രസംഗിച്ചു