ആഗ്ര: മുഖ്യ തെരഞ്ഞെടുപ്പു കമ്മിഷണർ ഗ്യാനേഷ് കുമാറിന്റെ യുപി ആഗ്രയിലെ വീടിന്റെ മതിൽ വികൃതമാക്കിയതിന്റെ പേരിൽ രണ്ടു കോൺഗ്രസ് നേതാക്കൾ അറസ്റ്റിൽ.
ഗ്യാനേഷ് കുമാറിന്റെ വിജയ് നഗറിലെ വീട്ടിലേക്കു പ്രതിഷേധ മാർച്ച് നടത്തിയ കോൺഗ്രസ് പ്രവർത്തകർ പ്രധാന ഗേറ്റിലും മതിലിലും സ്പ്രേ പെയിന്റുകൊണ്ട് ഗ്യാനേഷ് രാജ്യദ്രോഹി, ഗ്യാനേഷ് കള്ളൻ എന്ന് എഴുതുകയായിരുന്നു.
തുടർന്ന് പൊലിസ് കേസ് രജിസ്റ്റർ ചെയ്തു. കോൺഗ്രസ് നേതാക്കളായ മുകേഷ് ധാൻഗർ, അനിൽ യാദവ് എന്നിവരെ അറസ്റ്റ് ചെയ്തു.