ന്യൂഡല്ഹി: രാജ്യത്തു പ്രതിവര്ഷം ഒരുലക്ഷത്തിലധികം ആളുകളെ ദുരിതത്തിലാക്കുന്ന ഡെങ്കിപ്പനിയെ പ്രതിരോധിക്കാന് ആദ്യ അംഗീകൃത വാക്സിന് വിപണിയിലെത്തുന്നു.
ഡെങ്കിപ്പനി വാക്സിനായ ‘ക്യുദെംഗ’ അടുത്തവര്ഷം രാജ്യത്തെ സ്വകാര്യ വിപണിയിലെത്തിക്കാനാണു ശ്രമം. ഇതുസംബന്ധിച്ച് ക്യുദെംഗ വാക്സിന് നിര്മിക്കുന്ന ജപ്പാനിലെ ടോക്കിയോ ആസ്ഥാനമായുള്ള ആഗോള ഫാര്മസ്യൂട്ടിക്കല് കമ്പനിയായ താകദെയും ഹൈദരാബാദ് ആസ്ഥാനമായ ഡോ. റെഡ്ഢീസ് ലബോറട്ടറീസും കരാറില് ഒപ്പുവച്ചു.
രാജ്യത്തെ ആദ്യത്തെ അംഗീകൃത ഡെങ്കിപ്പനി വാക്സിനായ ക്യുദെംഗ, നാലുമുതല് 60 വയസ് വരെയുള്ളവര്ക്കായി ഉപയോഗിക്കുന്നതിന് 2026 ജൂലൈയില് സെന്ട്രല് ഡ്രഗ്സ് സ്റ്റാന്ഡേര്ഡ് കണ്ട്രോള് ഓര്ഗനൈസേഷന് വിപണനാനുമതി നല്കിയിരുന്നു.
രാജ്യത്ത് ഡെങ്കിപ്പനി ഒരു പ്രധാന പൊതുജനാരോഗ്യ വെല്ലുവിളിയാണെന്നും സാര്വത്രിക പ്രതിരോധകുത്തിവയ്പ് പരിപാടിയില് ഡെങ്കിപ്പനി വാക്സിന് ഉള്പ്പെടുത്തുന്നത് പരിഗണിക്കണമെന്നും നേരത്തേ പാര്ലമെന്റിന്റെ ആരോഗ്യസമിതി ശിപാര്ശ നൽകിയിരുന്നു.
Deepika
E-paper LOGIN
LOGIN
