4

വ്യാ​ഴാ​ഴ്ച രാ​വി​ലെ പ​ത്ത​ര​യോ​ടെ എ​റ​ണാ​കു​ളം വൈ​റ്റി​ല​യി​ലെ വീ​ടി​നു മു​ക​ളി​ൽ കേ​ട്ട ഇ​ര​മ്പ​ൽ ഏ​തു വി​മാ​ന​ത്തി​ന്‍റേ​താ​യി​രു​ന്നു എ​ന്ന​റി​യാ​ൻ വി​മാ​ന ട്രാ​ക്കിം​ഗ് സൈ​റ്റാ​യ ഫ്ളൈ​റ്റ്റ​ഡാ​ർ 24 ഒ​ന്നു റീ​പ്ലേ ചെ​യ്തു നോ​ക്കി​യ​പ്പോ​ഴാ​ണ് നി​ന​ച്ചി​രി​ക്കാ​തെ ഒ​രു ദു​രൂ​ഹ​ത​യു​ടെ തു​മ്പ് ഉ​യ​ർ​ന്നു​വ​ന്ന​ത്.

രാ​വി​ലെ ഒ​ന്പ​തി​നും പ​ത്തി​നും പ​തി​നൊ​ന്നി​നു​മൊ​ന്നും വൈ​റ്റി​ല​യ്ക്കു മു​ക​ളി​ൽ ഒ​രു വി​മാ​ന​വും താ​ഴ്ന്നു പ​റ​ന്നി​ട്ടി​ല്ലെ​ന്നു മ​ന​സി​ലാ​യ തെ​ര​ച്ചി​ലി​നി​ടെ​യാ​ണ്, പ​ത്തേ​കാ​ലോ​ടെ ചെ​റാ​യി​ക്കു സ​മീ​പം അ​യ്യ​മ്പി​ള്ളി സെ​ന്‍റ് കു​ര്യാ​ക്കോ​സ് ചാ​പ്പ​ലി​നു കി​ഴ​ക്ക്, ര​ണ്ടാ​യി​രം അ​ടി​പ്പൊ​ക്ക​ത്തി​ൽ മ​ണി​ക്കൂ​റി​ൽ 229 കി​ലോ​മീ​റ്റ​ർ വേ​ഗ​ത്തി​ൽ തെ​ക്കോ​ട്ടു പ​റ​ന്ന ചെ​റു​വി​മാ​നം ക​ണ്ണി​ൽ​പ്പെ​ട്ട​ത്.
റ​ജി​സ്ട്രേ​ഷ​ൻ അ​മേ​രി​ക്ക​നാ​ണ് എ​ൻ3939​ജി. 1967ൽ ​നി​ർ​മി​ച്ച സെ​സ്ന ട​ർ​ബോ സൂ​പ്പ​ർ സ്കൈ​വാ​ഗ​ൺ.

10.18ന് ​അ​മ​രാ​വ​തി റോ​ഡ് കു​റു​കെ ക​ട​ക്കു​ന്ന​തി​നി​ടെ ഒ​ന്ന് അ​പ്ര​ത്യ​ക്ഷ​മാ​യി. പി​ന്നെ ഒ​രു മ​ണി​യോ​ടെ ത​ല​യാ​ഴ​ത്തി​നും ക​ല്ല​റ​യ്ക്കു​മി​ട​യി​ൽ വീ​ണ്ടും പ്ര​ത്യ​ക്ഷ​മാ​യി പ​ന​ങ്ങാ​ടി​നും കു​മ്പ​ള​ത്തി​നു​മെ​ല്ലാം മീ​തേ വീ​ണ്ടും വ​ട​ക്കോ​ട്ടു​പ​റ​ന്ന് 1.12ന് ​ഇ​ട​ക്കൊ​ച്ചി​ക്കും കു​മ്പ​ള​ത്തി​നു​മി​ട​യി​ലെ കാ​യ​ലി​നു​മു​ക​ളി​ൽ വീ​ണ്ടും കാ​ണാ​താ​യ വി​മാ​ന​ത്തെ​പ്പ​റ്റി കൂ​ടു​ത​ൽ അ​റി​യാ​ൻ ശ്ര​മി​ച്ച​തി​ന്‍റെ പ്ര​ധാ​ന കാ​ര​ണം അ​മേ​രി​ക്ക​ൻ ര​ജി​സ്ട്രേ​ഷ​ൻ ത​ന്നെ​യാ​യി​രു​ന്നു.

57 കൊ​ല്ലം പ​ഴ​ക്ക​മു​ള്ള, ആ​റു സീ​റ്റു​ള്ള ഈ ​ചെ​റു വി​ദേ​ശ​വി​മാ​നം കൊ​ച്ചി​യി​ൽ ര​ണ്ടാ​യി​രം അ​ടി​പ്പൊ​ക്ക​ത്തി​ൽ ചു​റ്റി​ക്ക​റ​ങ്ങു​ന്ന​തെ​ന്തി​നാ​യി​രി​ക്കു​മെ​ന്ന ചെ​റി​യൊ​രു കൗ​തു​ക​വും. അ​ങ്ങ​നെ ത​പ്പി​യെ​ടു​ത്ത, വി​മാ​ന​ത്തി​ന്‍റെ ക​ഴി​ഞ്ഞ ഒ​രു കൊ​ല്ല​ത്തെ പ​റ​ക്ക​ൽ​രേ​ഖ​ക​ളി​ലു​ണ്ടാ​യി​രു​ന്ന​ത് സ​മാ​ന്യം കൊ​ള്ളാ​വു​ന്ന ഒ​രു സ​മ​സ്യ.

കൊ​ച്ചി​യി​ൽ ചു​റ്റി​യ​ടി​ക്കു​ന്ന​തി​നു നാ​ലു​ദി​വ​സം മു​മ്പ്, ത​മി​ഴ്നാ​ട്ടി​ലെ ഡി​ണ്ടി​ഗ​ലി​ലും മ​ധു​ര​യി​ലും, ജ​നു​വ​രി 21ന് ​ചെ​ന്നൈ​യി​ലും ഈ​റോ​ഡി​ലും 19ന് ​ബം​ഗ​ളു​രു​വി​ലും പ​രി​സ​ര​ത്തും പ​തി​നെ​ട്ടി​ന് ഗു​ജ​റാ​ത്തി​ലെ ഭാ​വ്ന​ഗ​ർ മു​ത​ൽ ന​വി​മും​ബൈ​യ്ക്ക് കി​ഴ​ക്കു​ഭാ​ഗം വ​രെ​യും റോ​ന്തു ചു​റ്റി​യി​രു​ന്ന വി​മാ​ന​ത്തി​ന്‍റെ ക​ഴി​ഞ്ഞ കൊ​ല്ല​ത്തെ അ​വ​സാ​ന​ത്തെ പ​റ​ക്ക​ൽ ഗു​ജ​റാ​ത്തി​ലെ ഭാ​വ്ന​ഗ​റി​നും ഭാ​രു​ച്ചി​നും ഇ​ട​യി​ലു​ള്ള പ്ര​ദേ​ശ​ത്താ​യി​രു​ന്നു. ന​വം​ബ​ർ 16ന്. ​അ​തി​നു ര​ണ്ടു​ദി​വ​സം മു​മ്പ്, ന​വം​ബ​ർ 14ന് ​വി​മാ​നം അ​മേ​രി​ക്ക​യി​ലാ​യി​രു​ന്നു.

വി​മാ​ന​മ​ല്ലേ, പ​റ​ക്കു​ക​യ​ല്ലേ എ​ന്നൊ​ക്കെ ആ​ദ്യം തോ​ന്നി​യെ​ങ്കി​ലും, ര​ണ്ടു​ദി​വ​സം​കൊ​ണ്ട് ഈ ​ഇ​ത്തി​രി​ക്കു​ഞ്ഞ​ന് അ​മേ​രി​ക്ക​യി​ൽ​നി​ന്ന് ഇ​ന്ത്യ​യി​ലെ​ത്താ​ൻ ക​ഴി​യു​മോ എ​ന്ന സം​ശ​യം​കൊ​ണ്ട് ചെ​റി​യൊ​രു ഗ​വേ​ഷ​ണം ന​ട​ത്തി​നോ​ക്കി. സെ​സ്ന ട​ർ​ബോ സൂ​പ്പ​ർ സ്കൈ​വാ​ഗ​ണ് നി​ർ​ത്താ​തെ പ​റ​ക്കാ​ൻ ക​ഴി​യു​ന്ന പ​ര​മാ​വ​ധി ദൂ​രം 1350 കി​ലോ​മീ​റ്റ​റാ​ണ്. ഡെ​ൻ​വ​റി​ൽ​നി​ന്ന് ഗു​ജ​റാ​ത്തി​ലേ​ക്കു​ള്ള ഏ​ക​ദേ​ശ​ദൂ​രം 12960 കി​ലോ​മീ​റ്റ​റും. വി​മാ​ന​ത്തി​ന്‍റെ പ​ര​മാ​വ​ധി വേ​ഗം മ​ണി​ക്കൂ​റി​ൽ 268 കി​ലോ​മീ​റ്റ​ർ.

ഡെ​ൻ​വ​ർ, അ​ലാ​സ്ക, റ​ഷ്യ, ക​സാ​ഖി​സ്ഥാ​ൻ, പാ​ക്കി​സ്ഥാ​ൻ വ​ഴി, ഇ​ന്ധ​നം നി​റ​യ്ക്കാ​ൻ ഇ​ട​യ്ക്ക് 10-12 സ്ഥ​ല​ത്ത് ഇ​റ​ങ്ങി, വി​മാ​നം ഗു​ജ​റാ​ത്തി​ലെ​ത്താ​ൻ 65 മ​ണി​ക്കൂ​റെ​ങ്കി​ലും വേ​ണ​മെ​ന്നാ​ണ് ഈ ​ക​ണ​ക്കു​ക​ളു​ടെ അ​ർ​ഥം.

എ​ന്നാ​ൽ ഫ്ളൈ​റ്റ് റ​ഡാ​ർ പ്ര​കാ​രം, 14ന് ​വൈ​കി​ട്ട് ആ​റി​ന് (രാ​ജ്യാ​ന്ത​ര സ​മ​യം) വി​മാ​നം ഡെ​ൻ​വ​റി​ലു​ണ്ടാ​യി​രു​ന്നു. പി​ന്ന കാ​ണു​ന്ന​ത് പ​തി​നാ​റി​ന് വെ​ളു​പ്പി​നെ ര​ണ്ടു മ​ണി​ക്ക്. വി​മാ​ന​ത്തി​ന് ഇ​ന്ത്യ​യി​ലെ​ത്താ​ൻ കി​ട്ടി​യ പ​ര​മാ​വ​ധി സ​മ​യം 32 മ​ണി​ക്കൂ​ർ. വി​മാ​നം അ​മേ​രി​ക്ക​യി​ൽ​നി​ന്ന് ഇ​ങ്ങ​നെ പ​റ​ന്ന് ഇ​വി​ടെ എ​ത്തി​യി​ട്ടി​ല്ല എ​ന്ന് വ്യ​ക്ത​മാ​യ​തോ​ടെ, 2025ലെ ​ബാ​ക്കി പ​റ​ക്ക​ൽ വി​വ​ര​ങ്ങ​ൾ കൂ​ടി എ​ന്താ​യാ​ലും പ​രി​ശോ​ധി​ക്കാ​മെ​ന്നു ക​രു​തി.

അ​വി​ടെ​യാ​ണ് അ​ടു​ത്ത അ​ത്ഭു​തം കാ​ത്തി​രു​ന്ന​ത്. ട്രാ​ക്കിം​ഗ് രേ​ഖ​ക​ൾ പ്ര​കാ​രം, ഈ ​വി​മാ​നം 2025 ന​വം​ബ​ർ പ​ത്തി​ന് രാ​വി​ലെ ഏ​ഴേ​കാ​ലി​ന് ബം​ഗ​ളു​രു​വി​ൽ​നി​ന്ന് പ​റ​ന്നു​യ​ർ​ന്നി​ട്ടു​ണ്ട്. വൈ​കി​ട്ട് നാ​ലു​മ​ണി​യോ​ടെ ഗു​ജ​റാ​ത്ത് ധൊ​ലേ​റ വി​മാ​ന​ത്ത​വ​ള​ത്തി​ലെ​ത്തി. എ​ന്നാ​ൽ വെ​റും ഒ​ൻ​പ​തേ​കാ​ൽ മ​ണി​ക്കൂ​റി​നു​ശേ​ഷം, പ​തി​നൊ​ന്നി​നു രാ​ത്രി ഒ​ന്നേ​കാ​ലി​ന്, വി​മാ​നം അ​മേ​രി​ക്ക​യി​ലെ ഡെ​ൻ​വ​ർ രാ​ജ്യാ​ന്ത​ര വി​മാ​ന​ത്ത​വ​ള​ത്തി​ൽ ഇ​റ​ങ്ങി​യി​ട്ടു​മു​ണ്ട്.

കു​മ്പി​ടി?
വി​മാ​ന​ത്തി​ന്‍റെ പേ​രി​ൽ ഒ​രു "സൂ​പ്പ​ർ’ ഉ​ണ്ടെ​ങ്കി​ലും ഈ ​വി​മാ​ന​ത്തി​ന് അ​മാ​നു​ഷി​ക ശ​ക്തി​ക​ളൊ​ന്നു​മി​ല്ലെ​ന്ന ഉ​റ​പ്പു​ള്ള​തു​കൊ​ണ്ട് വീ​ണ്ടും ന​ട​ത്തി​യ അ​ന്വേ​ഷ​ണം കൊ​ണ്ടെ​ത്തി​ച്ച​ത് വി​മാ​ന ട്രാ​ക്കിം​ഗി​ലെ പ​ല​ത​രം ക​ൺ​കെ​ട്ടു​ക​ളി​ലേ​ക്കാ​ണ്.

ആ​ദ്യം വ്യ​ക്ത​മാ​യ കാ​ര്യം, കൊ​ച്ചി​യി​ൽ വ്യാ​ഴാ​ഴ്ച​യും അ​തി​നും മു​ന്നേ​യു​ള്ള ആ​ഴ്ച​ക​ളി​ലും മാ​സ​ങ്ങ​ളി​ലു​മൊ​ക്കെ ക​ർ​ണാ​ട​ക​യി​ലും ത​മി​ഴ്നാ​ട്ടി​ലും ഗു​ജ​റാ​ത്തി​ലും മ​ഹാ​രാ​ഷ്ട്ര​യി​ലു​മൊ​ക്കെ ചു​റ്റി​യ​ടി​ക്കു​ന്ന​താ​യി ക​ണ്ട വി​മാ​ന​വും, ട്രാ​ക്കിം​ഗ് സൈ​റ്റു​ക​ൾ കാ​ണി​ച്ചു​ത​ന്ന, എ​ൻ3939​ജി എ​ന്ന അ​മേ​രി​ക്ക​ൻ ര​ജി​സ്ട്രേ​ഷ​നു​ള്ള സെ​സ്ന ട​ർ​ബോ സൂ​പ്പ​ർ സ്കൈ​വാ​ഗ​ൺ വി​മാ​ന​വും ര​ണ്ടാ​ണ് എ​ന്ന​താ​ണ്.
ഡെ​ൻ​വ​റി​ൽ റ​ജി​സ്റ്റ​ർ ചെ​യ്ത ത്രീ ​ന​യ​ന​ർ ഗ​ൾ​ഫ് എ​ന്ന ക​മ്പ​നി​യു​ടേ ഉ​ട​മ​സ്ഥ​ത​യി​ലു​ള്ള സെ​സ്ന വി​മാ​നം മി​ക്ക​വാ​റും ഒ​രി​ക്ക​ൽ​പോ​ലും ഇ​ന്ത്യ​യി​ൽ എ​ത്തി​യി​ട്ടു​ണ്ടാ​വി​ല്ല. അ​പ്പോ​ൾ പി​ന്നെ കൊ​ച്ചി​യി​ൽ ആ ​പേ​രി​ൽ ഒ​രു വി​മാ​നം പ​റ​ന്ന​തോ‍?

വി​മാ​നം നി​ർ​മി​ച്ചു പു​റ​ത്തി​റ​ക്കു​മ്പോ​ൾ​ത​ന്നെ അ​തി​നു​ന​ൽ​കു​ന്ന 24 ബി​റ്റ് ഹെ​ക്സ്കോ​ഡ് എ​ന്ന തി​രി​ച്ച​റി​യ​ൽ രേ​ഖ​യാ​ണ് ഇ​തി​ന്‍റെ അ​ടി​സ്ഥാ​ന കാ​ര​ണം. റ​ജി​സ്ട്രേ​ഷ​നു​ക​ൾ മാ​റി​വ​ന്നാ​ലും ഈ ​കോ​ഡ് സ്ഥി​ര​മാ​യ​തി​നാ​ൽ, ട്രാ​ക്കിം​ഗ് സൈ​റ്റു​ക​ൾ വി​മാ​ന​ത്തെ തി​രി​ച്ച​റി​യാ​ൻ ഇ​താ​ണ് പ്രാ​ഥ​മി​ക​മാ​യി ഉ​പ​യോ​ഗി​ക്കു​ക.

എ49188 ​എ​ന്ന​താ​യി​രു​ന്നു ന​മ്മു​ടെ വി​മാ​നം കാ​ണി​ച്ചി​രു​ന്ന ഹെ​ക്സ് കോ​ഡ്. ഏ​തെ​ങ്കി​ലും വി​മാ​ന​ത്തി​ന്‍റെ ട്രാ​ൻ​സ്പോ​ണ്ട​ർ, എ​ന്തെ​ങ്കി​ലും കാ​ര​ണ​ത്താ​ൽ ത​ന്‍റേ​ത​ല്ലാ​ത്ത ഹെ​ക്സ്കോ​ഡ് പ്ര​ക്ഷേ​പ​ണം ചെ​യ്താ​ൽ ട്രാ​ക്കിം​ഗ് സൈ​റ്റു​ക​ളെ​ല്ലാം വി​മാ​ന​ത്തെ തെ​റ്റാ​യി മ​ന​സി​ലാ​ക്കു​ക​യേ​യു​ള്ളു.
ന​മ്മു​ടെ വി​മാ​നം ട്രാ​ൻ​സ്മി​റ്റ് ചെ​യ്തി​രു​ന്ന എ49188 ​ഹെ​ക്സ്കോ​ഡു​മാ​യി ലി​ങ്കു ചെ​യ്തി​ട്ടു​ള്ള​ത് അ​മേ​രി​ക്ക​യി​ലെ ഒ​രു സെ​സ്‌​ന വി​മാ​ന​മാ​യ​തി​നാ​ൽ, കൊ​ച്ചി​യി​ൽ പ​റ​ക്കു​ന്ന​താ​യി ട്രാ​ക്കിം​ഗ് സൈ​റ്റു​ക​ൾ ആ ​വി​മാ​നം​ത​ന്നെ കാ​ണി​ച്ചു​ത​രി​ക​യാ​യി​രു​ന്നു.
അ​പ്പോ​ൾ ശ​രി​ക്കു​മു​ള്ള വി​മാ​നം ഏ​താ​യി​രു​ന്നു, ആ​രു​ടേ​താ​യി​രു​ന്നു എ​ന്ന ചോ​ദ്യ​ങ്ങ​ൾ ശേ​ഷി​ക്കു​ന്നു​ണ്ട്.

വി​മാ​നം ഇ​ന്ത്യ​യി​ൽ പ​റ​ക്കു​ന്ന​താ​യി ക​ണ്ട സ്ഥ​ല​ങ്ങ​ളും, വി​മാ​നം താ​ഴ്ന്നു പ​റ​ന്നു​കൊ​ണ്ടി​രു​ന്ന​തും (2000- 3000 അ​ടി), എ​ല്ലാ പ​റ​ക്ക​ൽ പാ​ത​ക​ളു​ടെ അ​ടു​ത്തും വി​മാ​ന​ത്താ​വ​ള​ങ്ങ​ളു​ണ്ടാ​യി​രു​ന്ന​തും, ഇ​ത് വി​മാ​ന​ത്താ​വ​ള അ​ഥോ​റി​റ്റി​യു​ടെ സ​ർ​വേ, കാ​ലി​ബ്രേ​ഷ​ൻ വി​മാ​ന​മാ​യി​രു​ന്നി​രി​ക്കാ​നു​ള്ള സാ​ധ്യ​ത​യി​ലേ​ക്ക് വി​ര​ൽ​ചൂ​ണ്ടു​ന്നു​ണ്ട്. അ​ങ്ങ​നെ​യാ​ണെ​ങ്കി​ൽ, എ​എ​ഐ​യു​ടെ കിം​ഗ് എ​യ​ർ 350, കിം​ഗ് എ​യ​ർ 360ഇ​ആ​ർ, ഡോ​ണി​യ​ർ 228 എ​ന്നീ കാ​ലി​ബ്രേ​ഷ​ൻ വി​മാ​ന​ങ്ങി​ലേ​തെ​ങ്കി​ലു​മൊ​ന്നാ​യി​രി​ക്കാം, അ​മേ​രി​ക്ക​യി​ലെ സെ​സ്ന ട​ർ​ബോ സൂ​പ്പ​ർ സ്കൈ​വാ​ഗ​ൺ ച​മ​ഞ്ഞ് പ​റ​ന്നു​കെ​ണ്ടി​രു​ന്ന​ത്.
.