23

റി​യാ​ദ്: ഹൂ​തി ആ​ക്ര​മ​ണ​ങ്ങ​ളു​ടെ പ​ശ്ചാ​ത്ത​ല​ത്തി​ൽ സൗ​ദി​യി​ലെ അ​രാം​കോ എ​ണ്ണ​ക്ക​ന്പ​നി​യു​ടെ ദ​ഹ്റാ​നി​ലെ ഹെ​ഡ്ക്വാ​ട്ടേ​ഴ്സി​ൽ​നി​ന്നു ജീ​വ​ന​ക്കാ​രെ ഒ​ഴി​പ്പി​ച്ചു മാ​റ്റു​ന്ന​താ​യി റി​പ്പോ​ർ​ട്ട്. സൗ​ദി സ​ർ​ക്കാ​രോ അ​രാം​കോ​യോ ഇ​ക്കാ​ര്യം ഔ​ദ്യോ​ഗി​ക​മാ​യി സ്ഥി​രീ​ക​രി​ക്കാ​ൻ ത​യാ​റാ​യി​ല്ല.

എ​ന്നാ​ൽ, ജീ​വ​ന​ക്കാ​ർ ഓ​ഫീ​സ് ഒ​ഴി​ഞ്ഞ് ഓ​ൺ​ലൈ​ൻ പോ​ലു​ള്ള ഇ​ത​ര മാ​ർ​ഗ​ങ്ങ​ളി​ൽ ജോ​ലി ചെ​യ്യാ​ൻ നി​ർ​ദേ​ശം ന​ല്കി​യെ​ന്നാ​ണു ചി​ല വൃ​ത്ത​ങ്ങ​ൾ പ​റ​ഞ്ഞ​ത്.

ഇ​റാ​ന്‍റെ പി​ന്തു​ണ​യു​ള്ള യെ​മ​നി​ലെ ഹൂ​തി വി​മ​ത​ർ അ​ടു​ത്ത​കാ​ല​ത്ത് സൗ​ദി​യി​ലെ എ​ണ്ണ​യു​ത്പാ​ദ​ന കേ​ന്ദ്ര​ങ്ങ​ളും വി​മാ​ന​ത്താ​വ​ള​ങ്ങ​ളും ല​ക്ഷ്യ​മി​ട്ട് ആ​ക്ര​മ​ണം വ​ർ​ധി​പ്പി​ച്ചി​രി​ക്കു​ക​യാ​ണ്. ബു​ധ​നാ​ഴ്ച ദ​മാ​മി​ലെ വി​മാ​ന​ത്താ​വ​ള​ത്തി​ലു​ണ്ടാ​യ ഹൂ​തി ആ​ക്ര​മ​ണ​ത്തി​ൽ ഇ​ന്ത്യ​ക്കാ​ര​ന​ട​ക്കം ര​ണ്ടു​പേ​ർ കൊ​ല്ല​പ്പെ​ട്ടി​രു​ന്നു.

ചെ​ങ്ക​ട​ൽ തീ​ര​ത്ത് യാ​ൻ​ബു​വി​ലു​ള്ള അ​രാം​കോ കേ​ന്ദ്ര​ത്തി​ലും റി​യാ​ദി​ലെ സൗ​ദി പ്ര​തി​രോ​ധ​മ​ന്ത്രാ​ല​യ​ത്തി​ലും ആ​ക്ര​മ​ണം ന​ട​ത്തി​യ​താ​യി ഹൂ​തി​ക​ൾ വ്യാ​ഴാ​ഴ്ച അ​വ​കാ​ശ​പ്പെ​ട്ടി​രു​ന്നു. എ​ന്നാ​ൽ, സൗ​ദി ഇ​ക്കാ​ര്യം സ്ഥി​രീ​ക​രി​ച്ചി​ല്ല. അ​തേ​സ​മ​യം, റി​യാ​ദി​നും പു​ണ്യ​ന​ഗ​ര​മാ​യ മ​ദീ​ന​യ്ക്കും മു​ക​ളി​ൽ ഡ്രോ​ണു​ക​ൾ വെ​ടി​വ​ച്ചി​ട്ട​താ​യി സൗ​ദി പ​റ​ഞ്ഞു.

ഈ​മാ​സം ആ​ദ്യം ദ​ഹ്റാ​നി​ലെ അ​രാം​കോ ആ​സ്ഥാ​ന​ത്ത് ഹൂ​തി​ക​ൾ ന​ട​ത്തി​യ ആ​ക്ര​മ​ണ​ത്തി​ൽ വ​ലി​യ നാ​ശ​മു​ണ്ടാ​യി​രു​ന്നു. യെ​മ​നി​ൽ വ്യോ​മാ​ക്ര​മ​ണം ന​ട​ത്തി​യാ​ണ് സൗ​ദി തി​രി​ച്ച​ടി​ച്ച​ത്. സൗ​ദി​യു​ടെ പി​ന്തു​ണ​യു​ള്ള യെ​മ​നി​ലെ ഔ​ദ്യോ​ഗി​ക ഭ​ര​ണ​കൂ​ട​സേ​ന​യും ഹൂ​തി​ക​ൾ​ക്കെ​തി​രേ യു​ദ്ധം തു​ട​ങ്ങി​യി​ട്ടു​ണ്ട്.