ന്യൂഡൽഹി: റഷ്യ-യുക്രെയ്ൻ യുദ്ധത്തിന്‍റെ പശ്ചാത്തലത്തിൽ സിവിലിയൻ കപ്പലുകൾക്കും ഊർജനിലയങ്ങൾക്കും നേരേയുള്ള ആക്രമണങ്ങൾ ഉടനടി അവസാനിപ്പിക്കണമെന്ന് ഇരുരാജ്യങ്ങളോടും ഇന്ത്യ ആവശ്യപ്പെട്ടതായി വിദേശകാര്യമന്ത്രി എസ്. ജയ്ശങ്കർ വ്യക്തമാക്കി.
അറ്റ്‌ലാന്‍റയിൽ നടന്ന ജി20 വിദേശകാര്യമന്ത്രിമാരുടെ യോഗത്തിലാണ് അദ്ദേഹം രാജ്യത്തിന്‍റെ നിലപാട് വ്യക്തമാക്കിയത്.
റഷ്യ, യുക്രെയ്ൻ കൂടാതെ യൂറോപ്യൻ രാജ്യങ്ങളുമായും ഇന്ത്യ നിരന്തരം ചർച്ചകൾ നടത്തുന്നുണ്ട്. യുദ്ധത്തെത്തുടർന്ന് തടസപ്പെട്ട കരിങ്കടൽ വഴിയുള്ള ധാന്യ കയറ്റുമതി പുനഃസ്ഥാപിക്കുക എന്നതാണ് ഇന്ത്യയുടെ പ്രധാന നയതന്ത്ര ലക്ഷ്യങ്ങളിലൊന്ന്.
ആഗോള ഭക്ഷ്യസുരക്ഷയെ ബാധിക്കുന്ന രീതിയിൽ കരിങ്കടൽ വഴിയുള്ള ചരക്കുഗതാഗതം തടസപ്പെട്ടിരിക്കുകയാണ്. ലോകവിപണിയിലേക്കു ധാന്യങ്ങൾ പ്രധാനമായും കയറ്റി അയക്കുന്ന റഷ്യയിൽനിന്നും യുക്രെയ്നിൽനിന്നുമുള്ള വിതരണം പുനഃസ്ഥാപിക്കാൻ അടിയന്തര നടപടി വേണമെന്ന് ഇന്ത്യ ആവശ്യപ്പെട്ടു.സിവിലിയൻ കപ്പലുകൾക്കും നാവികർക്കും നേരേ ആക്രമണം ഉണ്ടാകരുതെന്നും ഇന്ത്യ ഇരുപക്ഷത്തോടും നിർദേശിച്ചു.
Deepika
Corehub Solutions
E-paper LOGIN
LOGIN
