കോല്ക്കത്ത: ബംഗാളിലെ പ്രശസ്ത ചലച്ചിത്ര സംവിധായകന് അനിക് ദത്തയെ ടെറസില്നിന്നു വീണ് മരിച്ചനിലയില് കണ്ടെത്തി. ഇന്നലെ ദക്ഷിണ കോല്ക്കത്തയിലെ അദേഹത്തിന്റെ വീട്ടില്വച്ചാണ് സംഭവം.
അപകടത്തിന് പിന്നാലെ ഇദ്ദേഹത്തെ ധാക്കൂരിയയ്ക്കു സമീപമുള്ള സ്വകാര്യ ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ലെന്ന് പോലീസ് ഉദ്യോഗസ്ഥന് അറിയിച്ചു. വിവരമറിഞ്ഞ് നിരവധി നടീനടന്മാരും സംവിധായകരും ബംഗാളി ചലച്ചിത്ര മേഖലയിലെ പ്രമുഖരും ആശുപത്രിയില് എത്തിച്ചേര്ന്നു.
2012ല് പുറത്തിറങ്ങിയ ‘ഭൂതര് ഭവിഷ്യത്’ എന്ന ചിത്രത്തിലൂടെയാണ് അനിക് ദത്ത ശ്രദ്ധേയനാകുന്നത്.
ഹൊറര് പശ്ചാത്തലത്തില് രാഷ്ട്രീയ-സാമൂഹിക വിമര്ശനങ്ങള് കോര്ത്തിണക്കിയ ഈ ചിത്രം ബംഗാളി സിനിമയിലെ ഒരു നാഴികക്കല്ലായിട്ടാണ് വിലയിരുത്തപ്പെടുന്നത്. ‘ആശ്ചര്യ പ്രദീപ്’, ‘അപരാജിതോ’, ‘മേഘ്നാദ്ബോധ് രഹസ്യ’, ‘ബരുണ്ബാബുര് ബോന്ധു’തുടങ്ങിയ ചിത്രങ്ങളും അദ്ദേഹം സംവിധാനം ചെയ്തിട്ടുണ്ട്.
Deepika
E-paper LOGIN
LOGIN
