18

അറ്റ്ലാന്‍റാ: പ്രശസ്ത സംഗീതസംവിധായകനും വചന പ്രഘോഷകനും വേൾഡ് പീസ് മിഷൻ സ്ഥാപക ചെയർമാനുമായ ഡോ. സണ്ണി സ്റ്റീഫൻ നയിക്കുന്ന ആത്മീയ ധ്യാനപരിപാടി അറ്റ്ലാന്റയിൽ സെപ്റ്റംബർ ആദൃവാരം വിപുലമായ ഒരുക്കത്തോടെ സംഘടിപ്പിക്കുന്നു. സെപ്റ്റംബർ 4,5,6 തീയതികളിലാണ് (വെള്ളി, ശനി ഞായർ) ധ്യാനം. വേൾഡ് പീസ് മിഷൻ അറ്റ്ലാന്റായിലാണ് ധ്യാനം ക്രമീകരിച്ചരിക്കുന്നത്. 

ദൈവവചനവും പ്രാർഥനയും സംഗീതവും ആത്മീയ ചിന്തകളും സമന്വയിപ്പിച്ചുള്ള ധ്യാനമാണ് ഡോ. സണ്ണി സ്റ്റീഫൻ നേതൃത്വം നൽകുന്നത്. ജീവിതത്തിലെ തിരക്കുകൾക്കും സമ്മർദ്ദങ്ങൾക്കും നടുവിൽ ആത്മീയമായ നവീകരണവും സമാധാനവും കണ്ടെത്തുന്നതിനും കുടുംബബന്ധങ്ങൾ ശക്തിപ്പെടുത്തുന്നതിനും വിശ്വാസജീവിതത്തിൽ
ആഴപ്പെടുന്നതിനുമുള്ള സന്ദേശങ്ങളാണ് ധ്യാനത്തിൽ പ്രധാനമായും പങ്കുവയ്ക്കുന്നത്.

സംഗീതത്തെ ആത്മീയ ശുശ്രൂഷയുടെ ശക്തമായ മാധ്യമമായി കാണുന്ന ഡോ. സണ്ണി സ്റ്റീഫൻ, ദൈവവചനത്തിലൂടെ മനസ്സിനും ആത്മാവിനും സമാധാനവും നവോന്മേഷവും പകരുക എന്ന ലക്ഷ്യത്തോടെയാണ് അമേരീക്കയിൽ വിവിധ ധ്യാനപരിപാടികൾക്ക് നേതൃത്വം നൽകുന്നത്. അടുത്തിടെ ടെക്സസിലെ ഓസ്റ്റിനിൽ അദ്ദേഹം നേതൃത്വം നൽകിയ ധ്യാന പരിപാടിയും ശ്രദ്ധേയമായിരുന്നു.

എല്ലാവർക്കും പങ്കെടുക്കാവുന്ന ഈ പ്രത്യേക ധ്യാനപരിപാടിയിലേക്ക് വിശ്വാസികളെയും ആത്മീയാന്വേഷകരെയും കുടുംബങ്ങളെയും സ്നേഹപൂർവ്വം ക്ഷണിക്കുന്നതായി യു.ഏസ് വേൾഡ് പീസ് മിഷൻ പ്രസിഡന്റ് എബ്രഹാം മാത്യു അറിയിച്ചു.


കൂടുതൽ വിവരങ്ങൾക്ക്: