4

കോ​ൽ​ക്ക​ത്ത: ഐ​പി​എ​ല്ലി​ൽ‌ ത​ങ്ങ​ളു​ടെ ആ​ദ്യ വി​ജ​യം ആ​ഘോ​ഷ​മാ​ക്കി സ​ൺ​റൈ​സേ​ഴ്‌​സ് ഹൈ​ദ​രാ​ബാ​ദ്. വ്യാ​ഴാ​ഴ്ച കോ​ൽ​ക്ക​ത്ത​യി​ലെ ഈ​ദ​ൻ ഗാ​ർ​ഡ​ൻ​സി​ൽ ന​ട​ന്ന ആ​വേ​ശ പോ​രാ​ട്ട​ത്തി​ൽ കോ​ൽ​ക്ക​ത്ത നൈ​റ്റ് റൈ​ഡേ​ഴ്‌​സി​നെ 65 റ​ൺ​സി​നാ​ണ് ഹൈ​ദ​രാ​ബാ​ദ് പ​രാ​ജ​യ​പ്പെ​ടു​ത്തി​യ​ത്. ഹൈ​ദ​രാ​ബാ​ദ് ഉ​യ​ർ​ത്തി​യ 227 റ​ൺ​സ് എ​ന്ന കൂ​റ്റ​ൻ ല​ക്ഷ്യം പി​ന്തു​ട​ർ​ന്ന കോ​ൽ​ക്ക​ത്ത​യ്ക്ക് 16 ഓ​വ​റി​ൽ 161 റ​ൺ​സെ​ടു​ക്കാ​നേ സാ​ധി​ച്ചു​ള്ളൂ.

ആ​ദ്യം ബാ​റ്റ് ചെ​യ്ത ഹൈ​ദ​രാ​ബാ​ദി​നാ​യി ഓ​പ്പ​ണ​ർ​മാ​രാ​യ ട്രാ​വി​സ് ഹെ​ഡും(46) അ​ഭി​ഷേ​ക് ശ​ർ​മ​യും (48) ചേ​ർ​ന്ന് വെ​ടി​ക്കെ​ട്ട് തു​ട​ക്ക​മാ​ണ് ന​ൽ​കി​യ​ത്. ഹെ​ഡി​നെ കാ​ർ​ത്തി​ക് ത്യാ​ഗി​യും അ​ഭി​ഷേ​കി​നെ മു​സ​റ​ബാ​നി​യും പു​റ​ത്താ​ക്കി. തു​ട​ർ​ന്ന് ക്രീ​സി​ലെ​ത്തി​യ വി​ക്ക​റ്റ് കീ​പ്പ​ർ ബാ​റ്റ​ർ ഹെ​ൻ​റി​ച്ച് ക്ലാ​സ​ൻ (52) അ​ർ​ധ​സെ​ഞ്ചു​റി​യു​മാ​യി ഇ​ന്നിം​ഗ്‌​സ് ന​യി​ച്ചു. നി​ശ്ചി​ത 20 ഓ​വ​റി​ൽ 8 വി​ക്ക​റ്റ് ന​ഷ്ട​ത്തി​ൽ 226 റ​ൺ​സാ​ണ് ഹൈ​ദ​രാ​ബാ​ദ് അ​ടി​ച്ചു​കൂ​ട്ടി​യ​ത്.

കോ​ൽ​ക്ക​ത്ത​യ്ക്ക് വേ​ണ്ടി ബ്ലെ​സിം​ഗ് മു​സ​റ​ബാ​നി നാ​ല് വി​ക്ക​റ്റു​ക​ൾ വീ​ഴ്ത്തി തി​ള​ങ്ങി. മ​റു​പ​ടി ബാ​റ്റിം​ഗി​നി​റ​ങ്ങി​യ കോ​ൽ​ക്ക​ത്ത​യു​ടെ തു​ട​ക്കം ത​ന്നെ ത​ക​ർ​ച്ച​യോ​ടെ​യാ​യി​രു​ന്നു. ഡേ​വി​ഡ് പെ​യ്‌​ൻ എ​റി​ഞ്ഞ ആ​ദ്യ ഓ​വ​റി​ൽ ഫി​ൻ അ​ല​ൻ 25 റ​ൺ​സ് അ​ടി​ച്ചെ​ടു​ത്തെ​ങ്കി​ലും, അ​ടു​ത്ത ഓ​വ​റി​ൽ ഹ​ർ​ഷ് ദു​ബെ അ​ല​നെ (28) പു​റ​ത്താ​ക്കി. അ​ജി​ങ്ക്യ ര​ഹാ​നെ (8) ഒ​രി​ക്ക​ൽ കൂ​ടി ജ​യ്ദേ​വ് ഉ​ന​ദ്ക​ട്ടി​ന് മു​ന്നി​ൽ കീ​ഴ​ട​ങ്ങി. യു​വ​താ​രം അം​ഗ്രി​ഷ് ര​ഘു​വം​ശി​യും (52) റി​ങ്കു സിം​ഗും (35) ചേ​ർ​ന്ന് ഒ​രു കൂ​ട്ടു​കെ​ട്ട് പ​ടു​ത്തു​യ​ർ​ത്താ​ൻ ശ്ര​മി​ച്ചെ​ങ്കി​ലും റ​ണ്ണൗ​ട്ടി​ലൂ​ടെ ര​ഘു​വം​ശി പു​റ​ത്താ​യ​ത് കോ​ൽ​ക്ക​ത്ത​യ്ക്ക് തി​രി​ച്ച​ടി​യാ​യി. കാ​മ​റൂ​ൺ ഗ്രീ​നും (2) സ​മാ​ന​മാ​യ രീ​തി​യി​ൽ റ​ണ്ണൗ​ട്ടാ​യി മ​ട​ങ്ങി.

ഹൈ​ദ​രാ​ബാ​ദി​നാ​യി ജ​യ്ദേ​വ് ഉ​ന​ദ്ക​ട്ട് മൂ​ന്ന് വി​ക്ക​റ്റു​ക​ൾ വീ​ഴ്ത്തി. ഓ​ൾ​റൗ​ണ്ട് പ്ര​ക​ട​നം പു​റ​ത്തെ​ടു​ത്ത നി​തീ​ഷ് കു​മാ​ർ റെ​ഡ്ഡി, റി​ങ്കു സിം​ഗി​നെ​യും അ​നു​കൂ​ൽ റോ​യി​യെ​യും പു​റ​ത്താ​ക്കി ഹൈ​ദ​രാ​ബാ​ദി​ന്‍റെ വി​ജ​യം ഉ​റ​പ്പി​ച്ചു.