അടുത്തകാലതായി പല സർവകലാശാലകളും എംഎ എഡ്യുക്കേഷൻ എന്ന ഒരു പ്രോഗ്രാം നൽകുന്നുണ്ട്. ഈ പ്രോഗ്രാം എംഎഡ് (എഡ്യുക്കേഷൻ)ന് തുല്യമാണോ? ഇതു തമ്മിൽ എന്തെങ്കിലും വ്യത്യാസമുണ്ടോ? എംഎ എഡ്യുക്കേഷൻ എംഎഡിനു തുല്യമായ ഇക്വലിൻസി സർട്ടിഫിക്കറ്റ് സർവകലാശാലകൾ നൽകുമോ?
അജേഷ് നാരായണൻ, ഇടുക്കി
എംഎ എഡ്യുക്കേഷനും എംഎഡും തമ്മിൽ വലിയ വ്യത്യാസമുണ്ട്.
കോഴ്സിന്റെ സ്വഭാവത്തിലുള്ള വ്യത്യാസം തന്നെയാണ് ഒന്നാമത്തേത്.
എംഎഡ് യൂണിവേഴ്സിറ്റി ഗ്രാൻഡ്സ് കമ്മീഷനും (യുജിസി) നാഷണൽ കൗണ്സിൽ ഫോർ ടീച്ചർ എഡ്യുക്കേഷനു (എൻസിടിഇ) അംഗീകരിച്ചിട്ടുള്ള സ്കൂൾ അധ്യാപകരാകുന്നതിനുള്ള ബാച്ചിലർ ഓഫ് എഡ്യുക്കേഷൻ എന്നതിന്റെ ബിരുദാനന്തര ബിരുദമാണ്. ആയതിനാൽ ഇതൊരു പ്രഫഷണൽ ബിരുദാനന്തര ബിരുദവും ആണ്.
എംഎഡ് പ്രായോഗിക അധ്യാപനവുമായി ബന്ധപ്പെട്ട് പ്രായോഗിക പരിശീലനം നൽകുന്നതിലും അതിന് ആവശ്യമായ കരിക്കുലവും പഠന-പരീക്ഷാ സന്പ്രദായങ്ങളും ക്രമീകരിച്ചിരിക്കുന്ന ഒരു പ്രഫഷണൽ പ്രോഗ്രാം ആണ്.
നവീന ആശയങ്ങളിൽ ഉള്ള ഗവേഷണങ്ങളും വിദ്യാഭ്യാസത്തിന്റെ ആകെക്കൂടിയുള്ള രീതികളെ ഒക്കെ സമഗ്രമായി പഠിക്കുന്ന പഠനപ്രക്രിയയാണ് എംഎഡിലുള്ളത്.
എംഎ എഡ്യുക്കേഷൻ എന്നത് ഒരു നോണ് പ്രഫഷണൽ ബിരുദാനന്തര ബിരുദമാണ്. ഈ ബിരുദാനന്തര ബിരുദം വിദ്യാഭ്യാസവുമായി ബന്ധപ്പെട്ട് നടക്കുന്ന പുതിയ പരീക്ഷണങ്ങളെയും മുന്നേറ്റങ്ങളെയും മാറ്റങ്ങളെയും ഒക്കെ ഉൾക്കൊള്ളുന്ന കരിക്കുലമുള്ള പ്രോഗ്രാമാണ്. യുജിസിയുടെ അംഗീകാരമുണ്ടാകും. എന്നാൽ, ടീച്ചർ എഡ്യുക്കേഷനെ നിയന്ത്രിക്കുന്ന നാഷണൽ കൗണ്സിൽ ഫോർ ടീച്ചർ എഡ്യുക്കേഷൻ എന്ന അപെക്സ് ബോഡിയുടെ അംഗീകാരം ആവശ്യമില്ലാത്തതാണ് ഈ പ്രോഗ്രാം.
എംഎ എഡ്യുക്കേഷൻ, അധ്യാപനത്തിലെ പഴയതും പുതിയതുമായ തിയറികൾ, പുതുതായി അധ്യാപന മേഖലയിൽ രൂപപ്പെട്ടിട്ടുള്ള പ്രവണതകൾ, അതെങ്ങനെ പുതിയ വിദ്യാഭ്യാസ രീതിയിൽ ഉൾച്ചേർക്കാം എന്നതിനെ സംബന്ധിക്കുന്ന കൂടുതലും തിയറികളായ പഠനമാണ്. പ്രായോഗിക പരിശീലനം കുറവുമാണ്. എന്നാൽ ചില സർവകലാശാലകൾ പ്രായോഗിക പരിശീലനവും കൊടുത്ത് കാണുന്നുണ്ട്.
നമ്മുടെ രാജ്യത്തെ, പ്രത്യേകിച്ചും കേരളത്തില ഒട്ടുമിക്ക സർവകലാശാലകളും എംഎ എഡ്യുക്കേഷനെ എംഎഡ് (എഡ്യുക്കേഷൻ) നു തുല്യമായ ഒരു പ്രോഗ്രാം ആയി അംഗീകരിക്കുന്നില്ല.
അഡ്വ. ബാബു പള്ളിപ്പാട്ട്
കരിയർ ഗൈഡ്
9496181703
([email protected])
Deepika
E-paper LOGIN
LOGIN
