25

ന്യൂഡൽഹി: മുഖ്യ തെരഞ്ഞെടുപ്പ് കമ്മിഷണർ ഗ്യാനേഷ് കുമാർ രാജിവയ്ക്കണമെന്ന് ആവശ്യപ്പെട്ട് സിജെപി സ്ഥാപകൻ അഭിജീത് ദിപ്‌കെ രംഗത്ത്. ശനിയാഴ്ചയ്ക്കുള്ളിൽ രാജി സമർപ്പിച്ചില്ലെങ്കിൽ ഒക്ടോബർ രണ്ട് മുതൽ മുംബൈയിൽ നിന്ന് രാജ്യവ്യാപക പ്രതിഷേധം ആരംഭിക്കുമെന്ന് അദ്ദേഹം എക്‌സിലൂടെ മുന്നറിയിപ്പ് നൽകി.

പ്രക്ഷോഭം ഇന്ത്യയിലെമ്പാടുമുള്ള നഗരങ്ങളിലേക്ക് വ്യാപിപ്പിക്കുമെന്നും, ഈ ഗാന്ധി ജയന്തി ദിനത്തിൽ ജനാധിപത്യത്തെ സംരക്ഷിക്കാമെന്ന് നമുക്ക് പ്രതിജ്ഞ ചെയ്യാമെന്നും അദ്ദേഹം കുറിച്ചു.

തെരഞ്ഞെടുപ്പ് പ്രക്രിയകളിൽ ക്രമക്കേട് നടക്കുന്നതായി വിശ്വസിക്കുന്നുണ്ടെങ്കിൽ പ്രതിപക്ഷ പാർട്ടികൾ തെരഞ്ഞെടുപ്പിൽ പങ്കാളികളാകുന്നത് അവസാനിപ്പിക്കണമെന്നും അഭിജീത് ദിപ്‌കെ ആവശ്യപ്പെട്ടു.

പിഴവുകളുള്ള ഒരു സംവിധാനത്തിൽ പ്രതിപക്ഷം പങ്കെടുക്കുന്നത് അതിന് അംഗീകാരം നൽകുന്നതിന് തുല്യമാണെന്നും അഭിജീത് എക്സിലെ മറ്റൊരു കുറിപ്പിൽ വ്യക്തമാക്കി.