കോട്ടയം: പെസഹാ വ്യാഴം, ഈസ്റ്റര് ദിനങ്ങളിൽ എന്ജിനിയറിംഗ് (ജെഇഇ) പ്രവേശന പരീക്ഷ നിശ്ചയിച്ചതിലൂടെ ബിജെപിയുടെ ക്രൈസ്തവ വിരുദ്ധത മറനീക്കി പുറത്തുവന്നിരിക്കുകയാണെന്ന് കേരള കോണ്ഗ്രസ്-എം ചെയര്മാന് ജോസ് കെ. മാണി. രാജ്യവ്യാപകമായി നടക്കുന്ന ക്രൈസ്തവ പീഡനങ്ങളുടെ തുടര്ച്ചയായി മാത്രമേ ഈ നടപടിയെ കാണാന് സാധിക്കൂ.
കേന്ദ്ര ബജറ്റ് പാര്ലമെന്റില് അവതരിപ്പിച്ചത് ഞായറാഴ്ച ദിനമായിരുന്നു എന്ന വസ്തുതകൂടി വിശ്വാസികള് കണ്ണു തുറന്നു കാണണം. പെസഹ, ഈസ്റ്റര് ദിനങ്ങളിലെ എന്ജിനിയറിംഗ് പ്രവേശന പരീക്ഷ മാറ്റിവയ്ക്കണമെന്ന് ആവശ്യപ്പെട്ട് കേന്ദ്ര മാനവ വിഭവശേഷി മന്ത്രിക്ക് ജോസ് കെ. മാണി കത്തയച്ചു.