4

വീ​ട്ടി​ൽ നി​ന്ന് മോ​ഷ​ണം ന​ട​ത്തി​യെ​ന്ന ആ​രോ​പ​ണ​ത്തി​ന് പി​ന്നാ​ലെ വീ​ട്ടു​ജോ​ലി​ക്കാ​രി​യെ വീ​ട്ടു​ട​മ​സ്ഥ​ൻ ചോ​ദ്യം ചെ​യ്യു​ന്ന ദൃ​ശ്യ​ങ്ങ​ൾ സ​മൂ​ഹ​മാ​ധ്യ​മ​ങ്ങ​ളി​ൽ വ​ലി​യ രീ​തി​യി​ലു​ള്ള ച​ർ​ച്ച​ക​ൾ​ക്ക് വ​ഴി​വെ​ച്ചി​രി​ക്കു​ക​യാ​ണ്.

ജോ​ലി ചെ​യ്ത ദി​വ​സ​ങ്ങ​ളി​ലെ വേ​ത​നം കു​ടി​ശി​ക തീ​ർ​ത്തു​ന​ൽ​കി അ​വ​സാ​നി​പ്പി​ക്കു​ന്ന​താ​ണ് പു​റ​ത്തു​വ​ന്ന ദൃ​ശ്യ​ങ്ങ​ളി​ലു​ള്ള​ത്. തൊ​ഴി​ലു​ട​മ​യു​ടെ മു​ന്നി​ൽ കൈ​കൂ​പ്പി മാ​പ്പ​പേ​ക്ഷി​ക്കു​ന്ന തൊ​ഴി​ലാ​ളി​യോ​ട് അ​നാ​വ​ശ്യ നാ​ട​ക​ങ്ങ​ൾ ഒ​ഴി​വാ​ക്കി ഔ​ദ്യോ​ഗി​ക ന​ട​പ​ടി​ക​ൾ പൂ​ർ​ത്തി​യാ​ക്കി തു​ക കൈ​പ്പ​റ്റാ​ൻ ഉ​ട​മ ആ​വ​ശ്യ​പ്പെ​ടു​ന്ന​തും കാ​ണാം.

പൊ​ലി​സി​ൽ പ​രാ​തി​പ്പെ​ടു​ക​യോ പ​ര​സ്യ​മാ​യി അ​പ​മാ​നി​ക്കു​ക​യോ ചെ​യ്യാ​തെ വി​ഷ​യം ശാ​ന്ത​മാ​യി പ​രി​ഹ​രി​ക്കാ​ൻ വീ​ട്ടു​ട​മ​സ്ഥ​ൻ ത​യ്യാ​റാ​യ​തി​നെ ഒ​രു​വി​ഭാ​ഗം ആ​ളു​ക​ൾ പ്ര​ശം​സി​ക്കു​മ്പോ​ൾ, സം​ഭ​വ​ത്തി​ന്‍റെ പ​ശ്ചാ​ത്ത​ല​ത്തെ​യും വീ​ഡി​യോ ചി​ത്രീ​ക​രി​ച്ച രീ​തി​യെ​യും ചൊ​ല്ലി മ​റു​വി​ഭാ​ഗം വി​മ​ർ​ശ​നം ഉ​ന്ന​യി​ക്കു​ന്നു​ണ്ട്.

വ്യ​ക്തി​പ​ര​മാ​യ ത​ർ​ക്കം സ്വ​കാ​ര്യ​മാ​യി പ​രി​ഹ​രി​ച്ചു​വെ​ന്ന് അ​വ​കാ​ശ​പ്പെ​ടു​മ്പോ​ഴും തൊ​ഴി​ലാ​ളി​യു​ടെ മു​ഖം വ്യ​ക്ത​മാ​കു​ന്ന രീ​തി​യി​ലു​ള്ള ദൃ​ശ്യ​ങ്ങ​ൾ പ​ക​ർ​ത്തി പ്ര​ച​രി​പ്പി​ച്ച​ത് ശ​രി​യാ​യ ന​ട​പ​ടി​യ​ല്ലെ​ന്നാ​ണ് പ്ര​ധാ​ന വി​മ​ർ​ശ​നം.

സ​മാ​ന സാ​ഹ​ച​ര്യ​ങ്ങ​ളി​ൽ തൊ​ഴി​ലാ​ളി​ക​ൾ ക്രൂ​ര​മാ​യ ശാ​രീ​രി​ക പീ​ഡ​ന​ങ്ങ​ൾ​ക്കോ കൂ​ലി നി​ഷേ​ധി​ക്ക​പ്പെ​ടു​ന്ന​തി​നോ ഇ​ര​യാ​കാ​റു​ള്ള​പ്പോ​ൾ, കു​ടി​ശി​ക ന​ൽ​കി മ​ട​ക്കി അ​യ​ച്ച​ത് മ​നു​ഷ്യ​ത്വ​പ​ര​മാ​യ സ​മീ​പ​ന​മാ​ണെ​ന്നും ഭാ​വി​യി​ലെ നി​യ​മ​പ്ര​ശ്ന​ങ്ങ​ൾ ഒ​ഴി​വാ​ക്കാ​നാ​കാം ദൃ​ശ്യ​ങ്ങ​ൾ പ​ക​ർ​ത്തി​യ​തെ​ന്നും അ​നു​കൂ​ലി​ക്കു​ന്ന​വ​ർ വാ​ദി​ക്കു​ന്നു.

എ​ന്നാ​ൽ യ​ഥാ​ർ​ഥ​ത്തി​ൽ കു​റ്റം ന​ട​ന്നി​ട്ടു​ണ്ടെ​ങ്കി​ൽ നി​യ​മ​പ​ര​മാ​യ വ​ഴി​ക​ളാ​ണ് സ്വീ​ക​രി​ക്കേ​ണ്ടി​യി​രു​ന്ന​തെ​ന്നും, അ​നു​മ​തി​യി​ല്ലാ​തെ ദൃ​ശ്യ​ങ്ങ​ൾ പ​ര​സ്യ​പ്പെ​ടു​ത്തു​ന്ന​ത് വ്യ​ക്തി​ഗ​ത അ​വ​കാ​ശ​ങ്ങ​ളു​ടെ ലം​ഘ​ന​മാ​ണെ​ന്നും എ​തി​ർ​പ​ക്ഷ​വും ചൂ​ണ്ടി​ക്കാ​ട്ടു​ന്നു.

വീ​ട്ടു​ജോ​ലി​ക്കാ​രും ഉ​ട​മ​ക​ളും ത​മ്മി​ലു​ള്ള പ​ര​സ്പ​ര​വി​ശ്വാ​സം, ത​ർ​ക്ക​പ​രി​ഹാ​ര രീ​തി​ക​ൾ, സാ​മൂ​ഹി​ക​മാ​ധ്യ​മ​ങ്ങ​ളി​ലെ ഇ​ത്ത​രം ദൃ​ശ്യ​പ്ര​ചാ​ര​ണ​ങ്ങ​ളു​ടെ ധാ​ർ​മ്മി​ക​ത എ​ന്നി​വ​യെ​ക്കു​റി​ച്ചു​ള്ള വി​പു​ല​മാ​യ സം​വാ​ദ​ങ്ങ​ൾ​ക്കാ​ണ് ഈ ​സം​ഭ​വം ഇ​പ്പോ​ൾ വ​ഴി​യൊ​രു​ക്കി​യി​രി​ക്കു​ന്ന​ത്.