വാഷിംഗ്ടൺ ഡിസി: പ്രസിഡന്‍റ് ഡോണൾഡ് ട്രംപിന്‍റെ രണ്ടാം ഭരണകാലത്തെ ആദ്യ രണ്ടു വർഷത്തെ വിലയിരുത്തുന്ന ഇടക്കാല തെരഞ്ഞെടുപ്പിൽ ജനങ്ങൾ വിധിയെഴുതിത്തുടങ്ങി. ഇന്ത്യൻ സമയം ഇന്നു പുലർച്ചെ 5.30നാണ് വോട്ടെടുപ്പ് അവസാനിക്കുക. തുടര്‍ന്ന് വോട്ടെണ്ണൽ ആരംഭിക്കും.
ജനപ്രതിനിധി സഭയിലെ 435 സീറ്റുകളിലേക്കും സെനറ്റിലെ 35 സീറ്റുകളിലേക്കും 36 സംസ്ഥാനങ്ങളിലെ ഗവർണർ പദവികളിലേക്കുമാണ് വോട്ടെടുപ്പ് നടക്കുന്നത്.
ഭരണകക്ഷിയായ റിപ്പബ്ലിക്കൻ പാർട്ടിയെ അട്ടിമറിച്ച് ജനപ്രതിനിധി സഭ ഡെമോക്രാറ്റുകൾ പിടിച്ചെടുക്കാൻ സാധ്യതയുണ്ടെന്ന് സർവേകളും രാഷ്‌ട്രീയനിരീക്ഷകരും വിലയിരുത്തുമ്പോൾ, സെനറ്റിലെ ഭൂരിപക്ഷം സംബന്ധിച്ച് കടുത്ത അനിശ്ചിതത്വം നിലനിൽക്കുന്നു.
രണ്ടാം ലോകമഹായുദ്ധത്തിനുശേഷം രണ്ടു തവണയൊഴികെയുള്ള ഇടക്കാല തെരഞ്ഞെടുപ്പുകളിൽ ഭരണകക്ഷിക്കു കോൺഗ്രസിൽ തിരിച്ചടി നേരിട്ടു. ഇറാനുമായുള്ള യുദ്ധവും ഇന്ധനവില വർധനയും പണപ്പെരുപ്പവും ട്രംപിന്‍റെ ജനപ്രീതിയെ ബാധിച്ചിട്ടുണ്ട്.
അതേസമയം, ജനങ്ങളുടെ പ്രധാന വേവലാതിയായ പണപ്പെരുപ്പം പരിഹരിക്കപ്പെട്ടെന്നും ഫലം പ്രതീക്ഷിച്ചതിലും മികച്ചതായിരിക്കുമെന്നും ട്രംപ് അവ കാശപ്പെട്ടു.
Deepika
Corehub Solutions
E-paper LOGIN
LOGIN