ന്യൂഡൽഹി: ഫെഡറേഷൻ ഓഫ് ഇൻഡസ്ട്രീസ് റിസർച്ച് ആൻഡ് ഡെവലപ്മെന്റിന്റെ (എഫ്ഐആർഡി) ഇന്റർനാഷണൽ ട്രേഡ് ചാൻസലർ-യുഎസ് ആയി ഡോ. ഫ്രാൻസിസ് ക്ലീറ്റസ് നിയമിതനായി.
ന്യൂ മഹാരാഷ്ട്ര സദനിൽ സംഘടിപ്പിച്ച ദേശീയ കോണ്ക്ലേവിൽവച്ച് കേന്ദ്രമന്ത്രി രാംദാസ് അഠാവലെ നിയമനപത്രം നൽകി. രാഷ്ട്രദീപിക ലിമിറ്റഡ് ചെയര്മാനാണ് ഡോ. ഫ്രാന്സിസ് ക്ലീറ്റസ്.
ഇന്ത്യൻ ബിസിനസുകൾക്ക് ആഗോള ദൃശ്യത നൽകുക, അവരെ ആഭ്യന്തര വിപണികൾക്കപ്പുറം വികസിപ്പിക്കാനും അന്താരാഷ്ട്ര വ്യാപാര അവസരങ്ങൾ കെട്ടിപ്പടുക്കാനും സഹായിക്കുക എന്നതാണ് പ്ലാറ്റ്ഫോമിന്റെ ലക്ഷ്യം.അന്താരാഷ്ട്ര കൗൺസിലിൽ ജയപ്രകാശൻ ബാഹുലേയനും ദേശീയ കൗൺസിലിൽ വി. മഞ്ജുനാഥചാർ, അർവിന്ദ് പൂജാർ, ജെ. ജോൺ എഡ്വേർഡ് വിശ്വാസം എന്നിവരും നിയമിതരായി.
കോണ്ക്ലേവിൽ ഫെഡറേഷൻ ഓഫ് ഇൻഡസ്ട്രീസ് റിസർച്ച് ആൻഡ് ഡെവലപ്മെന്റിന്റെ ആദ്യ ഭരണസമിതിയുടെ ഉദ്ഘാടനവും ഭാവി ബിസിനസ് ദർശനവും വികസന റോഡ്മാപ്പും പ്രഖ്യാപിക്കുകയും ചെയ്തു. കേന്ദ്രമന്ത്രി രാംദാസ് അഠാവലെ മുഖ്യാതിഥിയായിരുന്നു.
ഇന്ത്യയിലെ വ്യാവസായിക വളർച്ച, ഗവേഷണ സഹകരണം, ഉൾക്കൊള്ളുന്ന വികസനം എന്നിവയുടെ ഭാവിയെക്കുറിച്ച് ചർച്ച ചെയ്യാൻ വ്യവസായപ്രമുഖർ, ഗവേഷകർ, സംരംഭകർ, തുടങ്ങിയവർ യോഗത്തിൽ പങ്കെടുത്തു. സർക്കാർ സ്ഥാപനങ്ങൾ, ഗവേഷണ സ്ഥാപനങ്ങൾ, കോർപറേറ്റ് സ്ഥാപനങ്ങൾ, എംഎസ്എംഇകൾ, സ്റ്റാർട്ടപ്പുകൾ, സാമൂഹിക സംഘടനകൾ എന്നിവയിൽനിന്നുള്ള പ്രമുഖരും കോൺക്ലേവിൽ പങ്കെടുത്തു.
ഗവേഷണ-ഉത്തേജിത വ്യാവസായിക വികസനം, വൈദഗ്ധ്യ വർധന, നവീകരണം, ഉൾക്കൊള്ളുന്ന വളർച്ച എന്നിവ ഇന്ത്യയുടെ ആഗോള മത്സരശേഷി ശക്തിപ്പെടുത്തുന്നതിന് അനിവാര്യമാണെന്ന് മുഖ്യപ്രഭാഷണത്തിൽ കേന്ദ്രമന്ത്രി രാംദാസ് അഠാവലെ പറഞ്ഞു. വ്യാവസായിക മേഖല, അക്കഡേമിക് സ്ഥാപനങ്ങൾ, സർക്കാർ എന്നിവ തമ്മിലുള്ള വിടവ് നികത്തുന്ന സഹകരണ വേദി സൃഷ്ടിക്കുന്നതിൽ ഫിർഡിന്റെ ശ്രമങ്ങളെ അദ്ദേഹം ശ്ലാഘിച്ചു.
വിവിധ ദേശീയ വികസന പരിപാടികൾക്കു കീഴിൽ എംഎസ്എംഇകൾ, സ്റ്റാർട്ടപ്പുകൾ, ഗവേഷണ-ഉത്തേജിത വ്യാവസായിക സംരംഭങ്ങൾ എന്നിവയെ പിന്തുണയ്ക്കുന്നതിനുള്ള സർക്കാരിന്റെ പ്രതിബദ്ധത മന്ത്രി എടുത്തുപറഞ്ഞു.
Deepika
E-paper LOGIN
LOGIN
