അമ്പലപ്പുഴ: പുന്നപ്ര സെന്റ് ജോൺ മരിയ വിയാനി ക്രിസ്തുരാജ തീർഥാടന കേന്ദ്രത്തിൽ ഇന്ന് തിരുനാൾ കൊടിയേറും. ഇടവകയിലെ വിവിധ മേഖലകളിൽ നിന്ന് പുറപ്പെടുന്ന തിരുനാൾ വിളംബര റാലികൾ വൈകുന്നേരം 5.30ന് ക്രിസ്തുരാജ മണ്ഡപത്തിൽ എത്തിച്ചേരും. തുടർന്ന് കൊടിയേറ്റു കർമം നടക്കും. 6.30ന് ആലപ്പുഴ രൂപത ബിഷപ് ജെയിംസ് ആനാപറമ്പിലിന്റെ മുഖ്യകാർമികത്വത്തിൽ പൊന്തിഫിക്കൽ സമൂഹ ദിവ്യബലി നടക്കും.
19ന് തിരുക്കർമങ്ങൾക്ക് ഫാ. ജൂഡോ മൂപ്പശേരി കാർമികനാകും ഫാ.ഡോ. ജോസി കുരിശിങ്കൽ വചന പ്രഘോഷണം നടത്തും. 20ന് രാവിലെ ആറിനും ഏഴിനും ദിവ്യബലി. രാവിലെ11ന് സീറോ മലബാർ റീത്തിൽ ദിവ്യബലിക്ക് ഫാ. ചെറിയാൻ കാരിക്കൊമ്പിൽ കാർമികനാകും. തുടർന്ന് ക്രിസ്തുരാജ ആരാധന. വൈകിട്ട് ആറിന് ആലപ്പുഴ രൂപത വികാരി ജനറൽ ഡോ. ജോയ് പുത്തൻ വീട്ടിലിന്റെ കാർമികത്വത്തിൽ സമൂഹദിവ്യബലിയും ഫാ.ഡോ. ജോഷി മയാറ്റിൽ വചന പ്രഘോഷണവും നടത്തും.
21ന് രാവിലെ ആറിനും ഏഴിനും ദിവ്യബലി നടക്കും. വൈകുന്നേരം ഫാ. സുനിൽ മാർട്ടിന്റെ കാർമികത്വത്തിൽ ദിവ്യബലിയും ഫാ. ജോൺസൺ പുത്തൻ വീട്ടിൽ വചന പ്രഘോഷണവും നടത്തും. തുടർന്ന് ദേവാലയമുറ്റത്ത് ഒരുക്കുന്ന പ്രസിദ്ധമായ ക്രിസ്തുരാജ ജ്യോതി എ.ഡി. തോമസ് എംഎൽഎ ഉദ്ഘാടനം ചെയ്യും. പുന്നപ്ര യൂനിക്ക് യൂത്ത് ക്രിസ്തുരാജ ജ്യോതി ഒരുക്കും. കത്തിച്ച ദീപങ്ങൾക്കിടയിലൂടെ നടത്തുന്ന ദിവ്യകാരുണ്യപ്രദക്ഷിണത്തിന് വികാരി ഫാ. ക്ലീറ്റസ് കാരക്കാട്ടും സഹവികാരി ഫാ. ജോഫിൻ ചുള്ളിക്കലും കാർമികരാകും.
22ന് രാവിലെ 5.30, ഏഴ്, ഒൻപത്, 11:30 എന്നീ സമയങ്ങളിൽ ദിവ്യബലി. 3.30ന് നടക്കുന്ന ആഘോഷമായ തിരുനാൾ ദിവ്യബലിക്ക് ഫാ. പ്രദീപ് സേവ്യർ ഒസിഡി മുഖ്യകാർമികനാകും. ഫാ. പോൾ തൂണ്ടുപറമ്പിൽ സിഎംഐ വചനപ്രഘോഷണം നടത്തും. തുടർന്ന് ആയിരക്കണക്കിന് തീർഥാടകരും വിശ്വാസികളും പങ്കെടുക്കുന്ന ക്രിസ്തുരാജ റാലിയുണ്ടാകും.
സമാപന ദിവ്യകാരുണ്യ ആശിർവാദവും സ്നേഹവിരുന്നും നടത്തി തിരുനാൾ കൊടിയിറക്കും. ഇടവക വികാരി ഫാ. ക്ലീറ്റസ് കാരക്കാട്ട്, സഹവികാരി ഫാ. ജോഫിൻ ചുള്ളിക്കൽ, കൈക്കാരൻമാരായ കെ. സാജൻ ലിയോൺ, ബിജോ ഫ്രാൻസിസ്, റോബർട്ട് സോളമൻ, സ്നേഹസമൂഹ ഭാരവാഹികൾ, പാരിഷ് കൗൺസിൽ തുടങ്ങിയവർ നേതൃത്വം നൽകും.