28

കൊച്ചി: ഞാറക്കലിൽ കാറിടിച്ച് റോഡിൽ വീണ സ്കൂട്ടർ യാത്രികയുടെ കൈവിരലുകൾ അറ്റുപോയി. നായരമ്പലം വാടേല്‍ മേനാച്ചേരി ശാന്ത തോമസിനാണ് (70) ഗുരുതര പരിക്കേറ്റത്.

കഴിഞ്ഞ ദിവസം രാവിലെ ഞാറക്കല്‍ പെരുമ്പിള്ളി ഭാഗത്ത് വച്ചായിരുന്നു അപകടം. പിന്നാലെയെത്തിയ കാര്‍ ഓവര്‍ടേക്ക് ചെയ്യുന്നതിനിടെ സ്‌കൂട്ടറില്‍ ഇടിക്കുകയായിരുന്നു. റോഡിൽ തെറിച്ചുവീണ ശാന്തയുടെ കൈയിലൂടെ എതിരെ വരികയായിരുന്നു ബസിന്‍റെ ചക്രം കയറിയിറങ്ങി.

സ്‌കൂട്ടറിന്‍റെ പിന്നിലിരുന്ന് യാത്ര ചെയ്തിരുന്ന നായരമ്പലം സ്വദേശി വാസന്തിയുടെ (35) കൈകാലുകൾക്കും പരിക്കേറ്റു. ഇരുവരും ആശുപത്രിയില്‍ ചികിത്സയിലാണ്.