കൊച്ചി: പ്രൊപ്പല്ലറില് വല കുടുങ്ങിയതിനെ തുടര്ന്ന് എന്ജിന് നിലച്ച് കടലില് ഒഴുകിയ മത്സ്യബന്ധന വള്ളത്തിന് ഫിഷറീസും കോസ്റ്റല് പോലീസും രക്ഷകരായി.
കഴിഞ്ഞ ദിവസം 40 തൊഴിലാളികളുമായി കാളമുക്ക് ഫിഷ് ലാന്ഡിംഗ് സെന്ററില് നിന്നും കടലില് മത്സ്യബന്ധനത്തിന് പോയ വാടയില് എന്ന ഇന്ബോഡ് വള്ളം കൊച്ചി തീരത്തിന് പടിഞ്ഞാറ് വച്ച് വൈകുന്നേരം അഞ്ചോടെയാണ് അപകടത്തില്പ്പെട്ടത്.
ഫിഷറീസ് സ്റ്റേഷനില് വിവരം ലഭിച്ചതിനെ തുടര്ന്ന് അസിസ്റ്റന്റ് ഡയറക്ടര് ജിബിനയുടെ നിര്ദേശ പ്രകാരം കോസ്റ്റല് സിപിഒ ജോര്ജ് ഗ്ലാഡിന്, റെസ്ക്യൂ ഗാര്ഡുമാരായ ബൈജു, ജിപ്സണ് എന്നിവര് കടലിലെത്തി അഞ്ചു മണിക്കൂര് നീണ്ട പ്രയത്നത്തിലൂടെ വള്ളം കെട്ടിവലിച്ച് രാത്രി പത്തോടെ വൈപ്പിന് ഫിഷറീസ് ജെട്ടിയില് എത്തിക്കുകയായിരുന്നു.
E-paper LOGIN
LOGIN
