ലിയോൺ: ഫ്രാൻസിലെ ലിയോണിൽ നടന്ന ബൈറോക്സ് ഫിറ്റ്നസ് മത്സരത്തിനിടെ കനത്ത ചൂട് അനുഭവപ്പെട്ടതിനെത്തുടർന്ന് ഇരുപത്തെട്ടുകാരിയായ മത്സരാർഥി കുഴഞ്ഞുവീണ് മരിച്ചു. ഞായറാഴ്ചയായിരുന്നു സംഭവം.
ഹൈപ്പർതെർമിയ (ശരീരത്തിന് ആഗിരണം ചെയ്യാന് കഴിയുന്നതിനേക്കാള് കൂടുതല് ചൂട് ഉത്പാദിപ്പിക്കുകയോ ആഗിരണം ചെയ്യുകയോ ചെയ്യുന്ന ഒരു രോഗാവസ്ഥ) മൂലമു ണ്ടായ ഹീറ്റ് സ്ട്രോക്കാണു മരണകാരണം.
തളർച്ച അനുഭവപ്പെട്ട താരത്തിന് ഹീറ്റ്സ്ട്രോക്ക് അനുഭവപ്പെട്ടതാണ് പെട്ടന്നു മരണം സംഭവിക്കാൻ ഇടവരുത്തിയതെന്ന് മെഡിക്കൽ റിപ്പോർട്ടിലുണ്ട്. തളർച്ച അനുഭവപ്പെട്ടപ്പോൾത്തന്നെ താരത്തെ സ്ഥലത്തുണ്ടായിരുന്ന മെഡിക്കൽ സംഘം ചികിത്സിക്കുകയും അടിയന്തരമായി ആശുപത്രിയിലേക്ക് കൊണ്ടുപോകുകയും ചെയ്തെങ്കിലും ജീവൻ രക്ഷിക്കാനായില്ല.
ഫ്രാന്സിലുടനീളം അസാധാര ണമായ വിധം 37 ഡി ഗ്രിവരെ ഉയർന്ന താപനിലയാണ് ഈ ദിവസങ്ങളിൽ രേഖപ്പെടുത്തിയത്. ലിയോണ് പരിപാടിയില് പങ്കെടുത്ത മറ്റു നിരവധി താരങ്ങൾക്കും കടുത്ത ചൂടു കാരണം ആരോഗ്യപ്രശ്നങ്ങള് അനുഭവപ്പെട്ടിരുന്നു.