പെരിന്തൽമണ്ണ: ദേശീയ സേവാഭാരതി ജില്ലാ കമ്മിറ്റിയുടെ ആഭിമുഖ്യത്തിൽ പെരിന്തൽമണ്ണയിൽ പുനർജനി സൗജന്യ കൗൺസലിംഗ് സെന്റർ തുടങ്ങി. മഞ്ചേരിക്ക് പുറമേ ജില്ലയിൽ ആരംഭിക്കുന്ന രണ്ടാമത്തെ കേന്ദ്രമാണിത്. പെരിന്തൽമണ്ണ ഗോകുലം ബാലസദനത്തിലാണ് സെന്റർ പ്രവർത്തിക്കുന്നത്.
പഠനവൈകല്യം, കുടുംബജീവിതത്തിലെ പൊരുത്തക്കേടുകൾ, മാനസിക സമ്മർദം, മദ്യത്തിനും മറ്റ് ലഹരിവസ്തുക്കൾക്കും അടിമപ്പെടൽ തുടങ്ങി വിവിധ മാനസിക പ്രശ്നങ്ങൾ നേരിടുന്നവർക്ക് സെന്ററിന്റെ സേവനം പ്രയോജനപ്പെടുത്താം.
പെരിന്തൽമണ്ണ ഗവണ്മെന്റ് ജില്ലാ ആശുപത്രി സൈക്യാട്രിസ്റ്റ് ഡോ. ദീപു സി. നായർ സെന്റർ ഉദ്ഘാടനം ചെയ്തു. ദേശീയ സേവാഭാരതി ജില്ലാ പ്രസിഡന്റ് സി. സന്തോഷ് കുമാർ അധ്യക്ഷത വഹിച്ചു. ഒ. ഹരിദാസൻ, സി. മുരളീധരൻ, സേതുമാധവൻ എന്നിവർ പ്രസംഗിച്ചു.