തിരുവനന്തപുരം: റേഷന്കാര്ഡ് അടിസ്ഥാന രേഖയാണെന്നും ആര്ക്കും നിഷേധിക്കാനാവില്ലെന്നും മന്ത്രി അനൂപ് ജേക്കബ്. റേഷന് കാര്ഡുകള് സംരക്ഷിച്ചു നിര്ത്താന് നടപടി സ്വീകരിക്കുമെന്നും അദ്ദേഹം കൂട്ടിച്ചേർത്തു.
ആറുമാസമായി റേഷന് വാങ്ങാത്തവരുടെ കാര്ഡുകള് സജീവമാക്കാനുള്ള നീക്കം നടത്തിവരികയാണ്. റേഷന് കാര്ഡ് മരവിപ്പിക്കുന്ന വിവരം കേന്ദ്രസര്ക്കാര് ഔപചാരികമായി ഇതുവരെ അറിയിച്ചിട്ടില്ല. കേന്ദ്രം ഇക്കാര്യം ഔദ്യോഗികമായി അറിയിക്കുന്ന സാഹചര്യം വന്നാല് സംസ്ഥാനം നടപടികള് സ്വീകരിക്കും. അരലക്ഷത്തോളം മുന്ഗണന കാര്ഡുകളുടെ കാര്യത്തിലാണ് ഇപ്പോള് പ്രതിസന്ധിയുള്ളതെന്നും അദ്ദേഹം പറഞ്ഞു.
റേഷന് വാങ്ങാത്തവരുടെ വിവരങ്ങള് റേഷന്കടകള് വഴി ശേഖരിച്ചുവരികയാണ്. അവരെ കണ്ടെത്തി കേന്ദ്രനീക്കം അറിയിക്കും. റേഷന്കടകള് വഴി കാമ്പയിന് തുടങ്ങിയതോടെ റേഷന് വാങ്ങാതിരുന്നവര് രണ്ടുമൂന്നു ദിവസമായി വാങ്ങാനെത്തുന്നുണ്ട്. റേഷന് വാങ്ങിയാല് റേഷന് കാര്ഡ് മരവിപ്പിക്കുന്ന ആശങ്ക ഉണ്ടാവുന്നില്ല. ഇ കെവൈസി ഫോറം പൂരിപ്പിച്ച് നല്കിയാല് വീണ്ടും റേഷന് കാര്ഡ് ആക്ടീവ് ആകും. അതിനാല്, കാര്ഡുകള് മരവിപ്പിക്കേണ്ട സാഹചര്യം വരില്ലെന്നാണു കരുതുന്നത്.
അഞ്ചു ലക്ഷത്തോളം നീല, വെള്ള കാര്ഡുകളാണു മരവിപ്പിക്കല് ഗണത്തില് വരുന്നത്. ഈ കാര്ഡുകാര്ക്ക് ടൈഡ്ഓവര് വിഹിതത്തില് നിന്നാണു സംസ്ഥാനം ഭക്ഷ്യധാന്യങ്ങള് നല്കിവരുന്നത്. ഇവരെ ഒഴിവാക്കുന്നതു കേന്ദ്രം ഇപ്പോള് പരിഗണിക്കാത്തതിനാല് ഇവരുടെ കാര്യത്തില് ആശങ്ക നിലവിലില്ല.
കേന്ദ്രസര്ക്കാര് നടപ്പാക്കുന്ന സ്മാര്ട്ട് പിഡിഎസ് പദ്ധതിയോട് സംസ്ഥാനത്തിന് എതിര്പ്പില്ല. സംസ്ഥാന 2024 പദ്ധതിയില് ഒപ്പിട്ടതാണ്. അതിനാല് പിന്വാങ്ങാനുമാകില്ല. പിന്വാങ്ങേണ്ട സാഹചര്യവുമില്ല.
മുന്ഗണന വിഭാഗത്തിലേക്കു കാര്ഡുകള് മാറ്റാനുള്ള അവകാശവും അധികാരവും സംസ്ഥാനത്തിനു നിലനിര്ത്തണമെന്ന ആവശ്യം കഴിഞ്ഞദിവസം കേന്ദ്രഭക്ഷ്യമന്ത്രാലയ ഉദ്യോഗസ്ഥരുമായി നടത്തിയ വീഡിയോ കോണ്ഫറന്സില് അറിയിച്ചിട്ടുണ്ടെന്നും മന്ത്രി അറിയിച്ചു.
Deepika
E-paper LOGIN
LOGIN
