തിരുവനന്തപുരം: മന്ത്രിയായിരിക്കുന്നതും സാധാരണ ജനപ്രതിനിധിയായിരിക്കുന്നതും തമ്മില് വലിയ വ്യത്യാസമില്ലെന്ന് തിരിച്ചറിഞ്ഞ ആളാണ് താനെന്ന് മന്ത്രി ജി.ആര്. അനില്. തിരുവനന്തപുരത്ത് നടന്ന മെഗാ മെഡിക്കല് ക്യാമ്പ് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
എല്ഡിഎഫ് സര്ക്കാര് അധികാരത്തില് വന്നാല് താന് വീണ്ടും മന്ത്രിയാകാൻ സാധ്യതയില്ലെന്നും ജി.ആര്. അനില് പറഞ്ഞു. പാര്ട്ടിയുടെ ഇപ്പോഴത്തെ രീതി അതാണെന്നും മന്ത്രി അഭിപ്രായപ്പെട്ടു. മാധ്യമപ്രവര്ത്തകര്ക്കായി നിംസ് ഏര്പ്പെടുത്തിയ പ്രിവിലേജ് കാര്ഡിന്റെ വിതരണോദ്ഘാടനവും മന്ത്രി നിര്വഹിച്ചു.
അതേസമയം, രാഷ്ട്രീയ കേരളം ഉറ്റുനോക്കുന്ന മണ്ഡലമാണ് തിരുവനന്തപുരം ജില്ലയിലെ നെടുമങ്ങാട്. തിരുവനന്തപുരം ജില്ലയിൽ ശക്തമായ ത്രികോണ മത്സരം നടക്കുന്ന മണ്ഡലങ്ങളിലൊന്നാണിത്.