മുംബൈ: നാഗ്പുരിൽ കാമുകിമാർക്ക് ഐഫോൺ സമ്മാനിക്കാൻ വിലപിടിപ്പുള്ള ഡിസൈനർ ടാപ്പുകൾ മോഷ്ടിച്ച് യുവാക്കൾ. 6.5 ലക്ഷം രൂപ വിലമതിക്കുന്ന ടാപ്പുകളാണ് മോഷ്ടിച്ചത്. തുടർന്ന് 20,000 രൂപയ്ക്ക് ഇവര് പ്രദേശത്തെ ആക്രി വ്യാപാരിക്ക് വിറ്റു.
കാമുകിമാര്ക്ക് ഐഫോണുകള് സമ്മാനമായി നല്കണമെന്ന ഏറെനാള് നീണ്ട ആഗ്രഹത്തിനൊടുവിലാണ് ആണ്കുട്ടികള് വെയര്ഹൗസ് കേന്ദ്രീകരിച്ച് വന് കൊള്ള നടത്തുകയും വിലകൂടിയ സാനിറ്ററി ഉല്പ്പന്നങ്ങള് മോഷ്ടിക്കുകയും ചെയ്തത്.
രാഹുല് സെറാമിക്സ് പ്രൈവറ്റ് ലിമിറ്റഡ് എന്ന വെയര്ഹൗസിന്റെ ഉടമ രാഹുല് ജയ്ചന്ദ് ബത്ര പോലീസില് പരാതി നല്കിയതോടെയാണ് മോഷണം വിവരം പുറത്തറിയുന്നത്.
മേയ് 27, 28 തീയതികളില് രാത്രി കള്ളന്മാര് വെയര്ഹൗസിന്റെ മേല്ക്കൂരയിലെ ടിന് ഷീറ്റുകള് ഇളക്കിമാറ്റി ഉള്ളില് കടന്നെന്നും അവിടെ നിന്ന് 6.5 ലക്ഷം രൂപ വിലവരുന്ന ലക്ഷ്വറി സാനിറ്ററി ഉല്പ്പന്നങ്ങള് മോഷ്ടിക്കുകയും ചെയ്തു.
പരാതിയുടെ അടിസ്ഥാനത്തില് പോലീസ് പ്രത്യേക അന്വേഷണസംഘം രൂപികരിച്ചു. സംഭവസ്ഥലത്തെയും പരിസരപ്രദേശങ്ങളിലെയും 35ഓളം സിസിടിവി കാമറകള് പരിശോധിച്ചാണ് പ്രതികളിലേക്ക് എത്തിയത്. നാട്ടുകാരില് നിന്ന് ശേഖരിച്ച വിവരങ്ങളുടെ അടിസ്ഥാനത്തില് കെണിയൊരുക്കി പോലീസ് പ്രതികളെ കസ്റ്റഡിയിലെടുക്കുകയായിരുന്നു.
പിടിയിലായ മൂന്ന് പേരില് രണ്ടുപേര് പ്രായപൂര്ത്തിയാകാത്തവരാണെന്ന് പോലീസ് പറഞ്ഞു. കൂടുതല് ചോദ്യം ചെയ്തതോടെയാണ് കാമുകിമാര്ക്ക് ഐ ഫോണുകള് വാങ്ങി നല്കാനാണ് മോഷണം നടത്തിയതെന്ന് ആണ്കുട്ടികള് സമ്മതിച്ചു.
ലക്ഷങ്ങള് വിലവരുന്ന ഈ ലക്ഷ്വറി ഡിസൈനര് ടാപ്പുകള് വെറും 20,000 രൂപയ്ക്കാണ് വിറ്റതെന്നും കുട്ടികള് വെളിപ്പെടുത്തി. വെറും പന്ത്രണ്ട് മണിക്കൂറിനുള്ളില് പ്രതികളെ പിടികൂടാനായെന്ന് കലാംന സ്റ്റേഷനിലെ സബ് ഇന്സ്പെക്ടര് സന്തോഷ് കുമാര് പറഞ്ഞു.
ലക്ഷങ്ങള് വിലമതിക്കുന്ന ലക്ഷ്വറി സാനിറ്ററി സാധനങ്ങള് വീണ്ടെടുത്തിട്ടുണ്ടെന്നും തുടര് നിയമനടപടികള് പുരോഗമിക്കുകയാണെന്നും അദ്ദേഹം കൂട്ടിച്ചേര്ത്തു.
E-paper LOGIN
LOGIN
