കൊച്ചി: സാക്ഷാല് റൊണാള്ഡീഞ്ഞോയും ഐ.എം. വിജയനും ഒരു പന്തിനു പിന്നാലെയോടുന്ന കാഴ്ച കാണാന് ഇനി മണിക്കൂറുകള് മാത്രം ബാക്കി. ഇതിഹാസ താരങ്ങളെ കാണാന് ഫുട്ബോള് പ്രേമികളും കട്ട വെയ്റ്റിംഗിലാണ്. ഫുട്ബോള് ആരാധകരായ പലരും കളി കാണുന്നതിനോടനുബന്ധിച്ച് കൊച്ചിയിലേക്ക് എത്തിതുടങ്ങി.
സ്ക്രീനില് മാത്രം കണ്ടിരുന്ന താരങ്ങള് കണ്മുന്നില് എത്തുന്നത് കാണാന് നിരവധി ആളുകളെത്തുമെന്നതിനാല് കൊച്ചിയില് അധികൃതരും വിപുലമായ ഒരുങ്ങളാണു നടത്തിവരുന്നത്. കലൂര് ജെഎന്എല് സ്റ്റേഡിയത്തില് നടക്കുന്ന മത്സരം കാണുന്നതിനുള്ള ടിക്കറ്റ് വില്പ്പന പുരോഗമിക്കുകയാണ്.
‘റിട്ടേണ് ഓഫ് ദ ടൈറ്റന്സ്’ എന്ന പേരില് 23ന് രാത്രി 7.30ന് നടക്കുന്ന മത്സരം മന്ത്രി ഒ.ജെ. ജനീഷ് ഉദ്ഘാടനം ചെയ്യും. ബ്രസീല് ലെജന്ഡ്, ഇന്ത്യന് ഓള് സ്റ്റാര്സ് എന്നീ പേരിലാണു ടീമുകള് അണിനിരക്കുക.
2002 ലോകകപ്പ് ജേതാക്കളായ റൊണാള്ഡീഞ്ഞോ, റിവാള്ഡോ എന്നിവരാണ് ഈ വമ്പന് പോരാട്ടത്തിന്റെ പ്രധാന ആകര്ഷണം. ഇവര്ക്കൊപ്പം എഡ്മില്സണ് ജോസ് ഗോമസ് ഡി മൊറായസ്, പൗലോ സെര്ജിയോ സില്വെസ്ട്രെ ദോ നാസിമെന്റോ, ജിയോവാനി സില്വ ഡി ഒലിവെയ്റ, ജെനില്സണ് ആഞ്ചലോ ഡിസൂസ (ജൂനിയര്), പൗലോ സെര്ജിയോ റോസ (വിയോള), ഗോള്കീപ്പര് ഹ്യൂറെല്ഹോ ദ സില്വ ഗോമസ്, അലക്സാന്ദ്രെ ദ സില്വ മരിയാനോ (അമാരല്), ഗുസ്താവോ നെറി ഡി സാ ദ സില്വ, റിക്കാര്ഡോ ഡി ഒലിവെയ്റ, ജോര്ജ് ഡി അമൊറിം കാമ്പോസ് (ജോര്ജീഞ്ഞോ), മാര്സെലോ ഫെറെയ്റ ഫെര്ണാണ്ടസ് (കമാന്ഡുകായ), എലിവെല്ട്ടണ് ആല്വസ് റൂഫിനോ, എല്സണ് റൊഡ്രിഗസ് ഡി സൂസ, മാര്ക്കോസ് അന്റോണിയോ ഡി ലിമ (പാരാ), ഡിയോഗോ കോറിയ ഡി ഒലിവെയ്റ എന്നിവരടങ്ങുന്ന പ്രമുഖ താരനിര ബ്രസീലിനായി പന്തുതട്ടും.
ഇന്ത്യന് ഫുട്ബോളിന്റെ പ്രശസ്ത താരങ്ങളായ ഐ.എം. വിജയന്, ജോ പോള് അഞ്ചേരി, സി.കെ. വിനീത്, കെ.ടി. ചാക്കോ തുടങ്ങിയവര് അണിനിരക്കുന്ന ശക്തമായ നിരയാണ് ഇന്ത്യന് ഓള് സ്റ്റാര്സിനായി കളത്തിലിറങ്ങുന്നത്.ഗ്ലോബല് ടൂറിലെ രണ്ടാമത്തെ മത്സരത്തിനാകും 23ന് കൊച്ചി സാക്ഷ്യം വഹിക്കുക.
Deepika
E-paper LOGIN
LOGIN