ന്യൂഡല്ഹി: ശിവന് പാവപ്പെട്ടവരുടെയും ശ്രീരാമന് സമ്പന്നരുടെയും ദൈവമാണെന്ന തെലുങ്കാന മുഖ്യമന്ത്രി രേവന്ത് റെഡ്ഡിയുടെ പരാമര്ശം വിവാദത്തില്.
ഡല്ഹിയില് ഒരു മാധ്യമ ചർച്ചയ്ക്കിടെയാണ്, ബിജെപി പതിവായി ഉപയോഗിക്കുന്ന ‘ജയ് ശ്രീറാം’എന്ന മുദ്രാവാക്യത്തെക്കുറിച്ച് രേവന്ത് റെഡ്ഢി പരാമർശം നടത്തിയത്.
രേവന്ത് പറഞ്ഞത്: ജയ് ശ്രീറാം എന്ന് ഉരുവിടുന്ന പ്രധാനമന്ത്രി മോദിയും ബിജെപി നേതാക്കളും എന്തുകൊണ്ട് ഹര് ഹര് മഹാദേവ് എന്നു പറയുന്നില്ല. ഞങ്ങള് ദ്രാവിഡരാണ്. അവര് ആര്യന്മാരാണ്. ഞങ്ങള് ശിവഭക്തരാണ്, അവര് രാമഭക്തരും.
ദക്ഷിണേന്ത്യന് സംസ്ഥാനങ്ങളില് മാത്രമാണു കോണ്ഗ്രസിന് വിജയിക്കാന് കഴിയുന്നത്. വടക്കേ ഇന്ത്യയിൽ തിരിച്ചടി കിട്ടുന്നത് ഭഗവാന് ശ്രീരാമനെ ബിജെപി കൈക്കലാക്കിയതുകൊണ്ടാണ്. ദക്ഷിണേന്ത്യയില് കൂടുതൽ ആരാധിക്കപ്പെടുന്നത് ശിവനാണ്. ശിവന് പാവപ്പെട്ടവരുടെ ദൈവവും രാമന് സമ്പന്നരുടെ ദൈവവുമാണ്. ബിജെപി സമ്പന്നരുടെ പാര്ട്ടിയാണ്.
അതേസമയം, രേവന്തിന്റെ പ്രസ്താവനയെ വിമര്ശിച്ച് ബിജെപി ഇന്നലെ രംഗത്തെത്തി. ഇന്ത്യയെ തെക്കും വടക്കും വിഭജിച്ചു വോട്ട് തട്ടാനുള്ള കോൺഗ്രസ് അടവുനയമാണിതെന്ന് തെലുങ്കാന ബിജെപി അധ്യക്ഷൻ എൻ. രാമചന്ദ്ര റാവു കുറ്റപ്പെടുത്തി.
ശിവന്റെയും രാമന്റെയും പേരില് വേര്തിരിവ് ഉണ്ടാക്കാനാണ് രേവന്തിന്റെ നീക്കമെന്ന് ബിജെപി നേതാവും കേന്ദ്രമന്ത്രിയുമായ ബന്ഡി സഞ്ജയ് കുമാര് ആരോപിച്ചു. തെലുങ്കാനയിൽ ബിജെപി പ്രവർത്തകർ രേവന്തിന്റെ കോലം കത്തിച്ചു പ്രതിഷേധിച്ചു.
Deepika
E-paper LOGIN
LOGIN
