1

കൊച്ചി: ഗൂഗിള്‍ പേ വഴി പണം നല്‍കിയെന്ന് വിശ്വസിപ്പിച്ച് 16,000 രൂപയുടെ ആഭരണങ്ങള്‍ തട്ടിയെടുത്തു. മൂവാറ്റുപുഴയിലെ ലിപ്‌സി സില്‍വര്‍ പാലസ് എന്ന സ്ഥാപനത്തിലാണ് തട്ടിപ്പ് നടന്നത്. മാന്യമായി വസ്ത്രം ധരിച്ചെത്തിയ യുവാവ് 16,000 രൂപ വില വരുന്ന കൈച്ചെയിന്‍ വാങ്ങിയ ശേഷം ഗൂഗിള്‍ പേ വഴി പണം അയച്ചതായി അവകാശപ്പെടുകയായിരുന്നു.

തുക അയച്ചതിന്‍റെ സ്‌ക്രീന്‍ ഷോട്ട് ഉടമയെ കാണിച്ച ശേഷം കടന്നു കളയുകയും ചെയ്തു. പിന്നീട് ഉടമ ബാങ്ക് അക്കൗണ്ട് പരിശോധിച്ചപ്പോഴാണ് പണം ലഭിച്ചില്ലെന്നത് മനസിലായത്. ഇതോടെ മൂവാറ്റുപുഴ പോലീസിലും വ്യാപാരി വ്യവസായ സംഘടനയിലും പരാതി നല്‍കി. സിസിടിവി ദൃശ്യങ്ങളടക്കം പരിശോധിച്ച് പ്രതിക്കായുള്ള അന്വേഷണത്തിലാണ് പോലീസ്.