തിരുവനന്തപുരം: കസ്തൂരിരംഗന് റിപ്പോര്ട്ടുമായി ബന്ധപ്പെട്ട് കഴിഞ്ഞ ജൂലൈ 26ന് പുറപ്പെടുവിച്ച ഏഴാമത് കരട് നോട്ടിഫിക്കേഷനില് മതിയായ ഭേദഗതികള് വരുത്തി ജനവാസ മേഖലകളെയും കൃഷിസ്ഥലങ്ങളെയും തോട്ടങ്ങളെയും പൂര്ണമായും ഒഴിവാക്കണമെന്നു കേരളം കേന്ദ്ര വനം- പരിസ്ഥിതി മന്ത്രാലയത്തോട് അവശ്യപ്പെടുമെന്നു പരിസ്ഥിതി മന്ത്രി സണ്ണി ജോസഫ്.
കേരളത്തിന്റെ സവിശേഷ സാഹചര്യങ്ങള് കേന്ദ്രസമിതിയെ ബോധ്യപ്പെടുത്തുന്നതിനും ആവശ്യമായ അനുകൂല തീരുമാനങ്ങള് സ്വീകരിക്കുന്നതിനും സര്ക്കാര് പ്രതിജ്ഞാബദ്ധമാണ്. ഇതു സംബന്ധിച്ച് ജനപ്രതിനിധികളും വിവിധ സംഘടനകളും ഉന്നയിച്ചിട്ടുള്ള ആവശ്യങ്ങളും നിര്ദേശങ്ങളും വിശദമായി പഠിച്ചും മനസിലാക്കിയും കര്ഷകരുടെ താത്പര്യങ്ങള് സംരക്ഷിക്കുന്ന നടപടികളുമായി സര്ക്കാര് മുന്നോട്ട ു പോകും.
കസ്തൂരിരംഗന് റിപ്പോര്ട്ടിനെത്തുടര്ന്ന് കേരളത്തിലെ 123 വില്ലേജുകളെ പൂര്ണമായും 13,108 ചതുരശ്ര കിലോമീറ്റര് ഇഎസ്എ പരിസ്ഥിതി പ്രാധാന്യ പ്രദേശമായി നിര്ദേശിക്കപ്പെട്ടതിനെതിരേ ഉയര്ന്ന പ്രതിഷേധങ്ങളും ജനവികാരവും കണക്കിലെടുത്ത് ജനവാസമേഖലകളെയും കൃഷിസ്ഥലങ്ങളെയും തോട്ടങ്ങളെയും പൂര്ണമായും ഇഎസ്എ പരിധിയില്നിന്ന് ഒഴിവാക്കുന്നതിനുള്ള പരിശ്രമങ്ങളും നടപടികളും ഉമ്മന് ചാണ്ടി സര്ക്കാരിന്റെ കാലത്തു തന്നെ ആരംഭിച്ചിരുന്നതായും മന്ത്രി സണ്ണി ജോസഫ് പറഞ്ഞു.
Deepika
E-paper LOGIN
LOGIN
