9

ക​ല്‍​പ്പ​റ്റ: മേ​പ്പാ​ടി പ​ഞ്ചാ​യ​ത്തി​ലെ പ​ച്ച​ക്കാ​ട് മ​ല​യി​ല്‍ 2019 ഓ​ഗ​സ്റ്റ് എ​ട്ടി​നു വൈ​കു​ന്നേ​രം ഉ​രു​ള്‍​പൊ​ട്ടി മ​ണ്ണി​ല്‍ പു​ത​ഞ്ഞ പു​ത്തു​മ​ല ഗ്രാ​മ​ത്തി​ല്‍​നി​ന്നു ഏ​ക​ദേ​ശം 11 കി​ലോ​മീ​റ്റ​ര്‍ അ​ക​ലെ പൂ​ത്ത​കൊ​ല്ലി​യി​ല്‍ പു​ന​ര​ധി​വ​സി​പ്പി​ച്ച കു​ടും​ബ​ങ്ങ​ള്‍ യാ​ത​ന​ക​ള്‍​ക്ക് ന​ടു​വി​ല്‍. ഹ​ര്‍​ഷം എ​ന്നു നാ​മ​ക​ര​ണം ചെ​യ്ത പു​ന​ര​ധി​വാ​സ പ​ദ്ധ​തി പ്ര​ദേ​ശ​ത്ത് നി​ര്‍​മി​ച്ച വീ​ടു​ക​ളു​ടെ ദു​ര​വ​സ്ഥ ദു​ര​ന്ത​ബാ​ധി​ത കു​ടും​ബ​ങ്ങ​ളു​ടെ ജീ​വി​തം ദു​രി​ത​പൂ​ര്‍​ണ​മാ​ക്കു​ക​യാ​ണ്.

രൂ​പ​ക​ല്‍​പ​ന​യി​ലെ അ​ശാ​സ്ത്രീ​യ​ത​യും നി​ര്‍​മാ​ണ​ത്തി​ലെ അ​പാ​ക​ത​യും​മൂ​ലം മ​ഴ​യ​ത്ത് ചോ​ര്‍​ന്നൊ​ലി​ക്കു​ക​യാ​ണ് പ​ദ്ധ​തി പ്ര​ദേ​ശ​ത്തെ വീ​ടു​ക​ള്‍. മ​ഴ ക​ന​ത്തു​പെ​യ്യു​മ്പോ​ള്‍ വീ​ടി​ന​ക​ത്ത് കു​ട ചൂ​ടേ​ണ്ട സ്ഥി​തി​യി​ലാ​ണ് മി​ക്ക കു​ടും​ബ​ങ്ങ​ളും. ഈ ​അ​വ​സ്ഥ ജി​ല്ലാ ഭ​ര​ണ​കൂ​ട​ത്തി​ന്റേ​യും ബ്ലോ​ക്ക് പ​ഞ്ചാ​യ​ത്തി​ന്‍റെ​യും പ​ഞ്ചാ​യ​ത്തി​ന്‍റെയും ശ്ര​ദ്ധ​യി​ല്‍ പ​ല​വ​ട്ടം കൊ​ണ്ടു​വ​ന്നി​ട്ടും പ​രി​ഹാ​ര ന​ട​പ​ടി​ക​ളി​ല്ല.

പ​ദ്ധ​തി പ്ര​ദേ​ശ​ത്ത് വാ​സ​യോ​ഗ്യ​മ​ല്ലാ​താ​യ 10 വീ​ടു​ക​ളി​ല്‍ ഏ​ഴെ​ണ്ണം ഉ​ട​മ​ക​ള്‍ സ്വ​ന്തം നി​ല​യി​ലാ​ണ് ന​ന്നാ​ക്കി​യ​ത്. മൂ​ന്ന് കു​ടും​ബ​ങ്ങ​ള്‍ പൂ​ത്ത​കൊ​ല്ലി​ക്ക് പു​റ​ത്ത് വാ​ട​ക​യ്ക്കാ​ണ് താ​മ​സം. അ​ധി​കൃ​ത​രു​ടെ അ​വ​ഗ​ണ​ന​യി​ല്‍ സ​ഹി​കെ​ട്ട കു​ടും​ബ​ങ്ങ​ള്‍ ദു​ര​ന്ത​ത്തി​ന്‍റെ ഏ​ഴാം വാ​ര്‍​ഷി​ക ദി​ന​മാ​യ ഇ​ന്ന​ലെ വീ​ടു​ക​ള്‍​ക്കു പു​റ​ത്ത് സം​ഘ​ടി​ച്ച് വാ​യ മൂ​ടി​ക്കെ​ട്ടി പ്ര​തി​ഷേ​ധം അ​റി​യി​ച്ചു. ദു​ര​ന്ത​ബാ​ധി​ത​രു​ടെ പ്ര​യാ​സ​ങ്ങ​ള്‍ ഉ​ത്ത​ര​വാ​ദ​പ്പെ​ട്ട​വ​ര്‍ ഇ​നി​യും ക​ണ്ടി​ല്ലെ​ന്നു ന​ടി​ച്ചാ​ല്‍ ക​ള​ക്ട​റേ​റ്റ് പ​ടി​ക്ക​ല്‍ അ​നി​ശ്ചി​ത​കാ​ല സ​മ​രം സം​ഘ​ടി​പ്പി​ക്കു​മെ​ന്ന് ഹ​ര്‍​ഷം റ​സി​ഡ​ന്‍റ്സ് അ​സോ​സി​യേ​ഷ​ന്‍ പ്ര​സി​ഡ​ന്‍റ് സ​ലീ​മ​മ​യും സെ​ക്ര​ട്ട​റി ജൂ​നൈ​ദ് പ​ച്ച​ക്കാ​ടും പ​റ​ഞ്ഞു.

പ​ച്ച​ക്കാ​ട് മ​ല​യി​ല്‍​നി​ന്നു കു​ത്തി​യൊ​ഴു​കി​യ ഉ​രു​ള്‍​വെ​ള്ളം പു​ത്തു​മ​ല​യി​ല്‍ ക​ന​ത്ത നാ​ശ​മാ​ണ് വി​ത​ച്ച​ത്. ദു​ര​ന്ത​ത്തി​ല്‍ മ​രി​ച്ച​താ​യി ക​ണ​ക്കാ​ക്കു​ന്ന 17 ആ​ളു​ക​ളി​ല്‍ 12 പേ​രു​ടെ മൃ​ത​ദേ​ഹ​മാ​ണ് ക​ണ്ടെ​ത്താ​നാ​യ​ത്. പു​ത്തു​മ​ല മു​തി​ര​ത്തൊ​ടി ഹം​സ(58), പ​ച്ച​ക്കാ​ട് നാ​ച്ചി​വീ​ട്ടി​ല്‍ അ​വ​റാ​ന്‍(62), പ​ച്ച​ക്കാ​ട് ക​ണ്ണ​ന്‍​കാ​ട​ന്‍ അ​ബൂ​ബ​ക്ക​ര്‍ (62), പു​ത്തു​മ​ല എ​സ്റ്റേ​റ്റി​ലെ അ​ണ്ണ​യ്യ(54), പ​ച്ച​ക്കാ​ട് എ​ട​ക്ക​ണ്ട​ത്തി​ല്‍ ന​ബീ​സ(74)​എ​ന്നി​വ​ര്‍​ക്കാ​യു​ള്ള തെ​ര​ച്ചി​ല്‍ വൃ​ഥാ​വി​ലാ​യി.

പു​ത്തു​മ​ല ദു​ര​ന്ത​ബാ​ധി​ത​രാ​യി മേ​പ്പാ​ടി പ​ഞ്ചാ​യ​ത്ത് ലി​സ്റ്റ് ചെ​യ്ത​തി​ല്‍ 49 കു​ടും​ബ​ങ്ങ​ളാ​ണ് പ​ദ്ധ​തി പ്ര​ദേ​ശ​ത്ത് താ​മ​സം. മ​റ്റു കു​ടും​ബ​ങ്ങ​ള്‍ സ​ര്‍​ക്കാ​ര്‍ സ​ഹാ​യം കൈ​പ്പ​റ്റി മ​റ്റി​ട​ങ്ങ​ളി​ലേ​ക്ക് മാ​റി. മേ​പ്പാ​ടി ടൗ​ണി​ന് ഏ​ക​ദേ​ശം മൂ​ന്നു കി​ലോ​മീ​റ്റ​ര്‍ അ​ക​ലെ പൂ​ത്ത​കൊ​ല്ലി​യി​ല്‍ ഓ​രോ കു​ടും​ബ​ത്തി​നും ഏ​ഴ് സെ​ന്റ് വീ​തം സ്ഥ​ല​വും 750 ച​തു​ര​ശ്ര അ​ടി വി​സ്തീ​ര്‍​ണ​വു​മു​ള്ള വീ​ടു​മാ​

ണ് അ​നു​വ​ദി​ച്ച​ത്. വീ​ട് ഒ​ന്നി​ന് നാ​ല് ല​ക്ഷം രൂ​പ​യാ​യി​രു​ന്നു സ​ര്‍​ക്കാ​ര്‍ സ​ഹാ​യം. ബാ​ക്കി ചെ​ല​വ് വി​വി​ധ സ്ഥാ​പ​ന​ങ്ങ​ളും സ​ന്ന​ദ്ധ സം​ഘ​ട​ന​ക​ളു​മാ​ണ് വ​ഹി​ച്ച​ത്. പു​ന​ര​ധി​വാ പ​ദ്ധ​തി​യു​ടെ ഭാ​ഗ​മാ​യി വി​ഭാ​വ​നം ചെ​യ്ത അ​ങ്ക​ണ​വാ​ടി​യും ഹെ​ല്‍​ത്ത് സെ​ന്‍ററും ഇ​നി​യും യാ​ഥാ​ര്‍​ഥ്യ​മാ​യി​ല്ല. എ​ള​മ​രം ക​രീം എം​പി​യു​ടെ ഫ​ണ്ടി​ല്‍​നി​ന്നു ല​ഭ്യ​മാ​ക്കി​യ 1.4 കോ​ടി രൂ​പ വി​നി​യോ​ഗി​ച്ചാ​ണ് ഹ​ര്‍​ഷം പ​ദ്ധ​തി പ്ര​ദേ​ശ​ത്ത് റോ​ഡ് ടാ​റിം​ഗ് ന​ട​ത്തി​യ​ത്. 2021ലാ​ണ് പൂ​ത്ത​കൊ​ല്ലി​യി​ല്‍ ഭ​വ​ന നി​ര്‍​മാ​ണം ന​ട​ന്ന​ത്.