കൊച്ചി: ഓശാനഞായര്, പെസഹാവ്യാഴം, ഈസ്റ്റര് ദിവസങ്ങളില് ദേശീയതല പരീക്ഷകളും മറ്റു പരിശീലനപരിപാടികളും നടത്താനുള്ള സര്ക്കാര് നടപടിയില് പ്രതിഷേധം രേഖപ്പെടുത്തി സീറോമലബാര് സഭ.
ക്രൈസ്തവ വിശ്വാസികളെ സംബന്ധിച്ചിടത്തോളം ഏറ്റവും പവിത്രമായ വിശുദ്ധ ദിവസങ്ങളില് പരീക്ഷകള് ക്രമീകരിക്കുന്നത് ആരാധനാസ്വാതന്ത്ര്യത്തിന്റെ നേരിട്ടുള്ള ലംഘനമാണ്. ഇത്തരം തീരുമാനങ്ങള് ന്യൂനപക്ഷങ്ങള്ക്കെതിരേയുള്ള ആസൂത്രിത നീക്കമായിട്ടാണ് മനസിലാക്കേണ്ടത്.
ക്രൈസ്തവവിശ്വാസത്തില് ഏറ്റവും പ്രധാനപ്പെട്ട പ്രാര്ഥനാദിനങ്ങളെ തുടര്ച്ചയായി സര്ക്കാര് അവഗണിക്കുന്നത് ഗൗവരമായ വിവേചനമാണ്.
ലക്ഷക്കണക്കിനു വിദ്യാര്ഥികളെയും അധ്യാപകരെയും ഉദ്യോഗസ്ഥരെയും ഒരേപോലെ പ്രതിസന്ധിയിലാക്കുന്ന ഈ നടപടി മതേതര രാജ്യത്തിന്റെ മര്യാദകള്ക്കു നിരക്കാത്തതാണ്.
ആരാധനാലയങ്ങളിലെ ശുശ്രൂഷകളില് പങ്കെടുക്കാനുള്ള ക്രൈസ്തവരുടെ അവകാശത്തെ അവഗണിക്കുന്ന ഇത്തരം നീക്കങ്ങളില്നിന്നു ബന്ധപ്പെട്ടവര് പിന്തിരിയണം.
ക്രൈസ്തവ സമൂഹത്തിന്റെ വികാരങ്ങളെ മാനിച്ചുകൊണ്ട് ഈ ദിവസങ്ങളിലെ പരീക്ഷകളും മറ്റു പരിപാടികളും പുനഃക്രമീകരിക്കാന് ബന്ധപ്പെട്ട സര്ക്കാരുകള് അടിയന്തരമായി ഇടപെടണമെന്നും സീറോമലബാര് സഭ ആവശ്യപ്പെട്ടു.
Deepika
E-paper LOGIN
LOGIN
