കൊച്ചി: ഹോട്ടല്സ്, റിസോര്ട്ട്സ്, റസ്റ്ററന്റ്സ്, കേറ്ററിംഗ് മേഖലയ്ക്കാവശ്യമായ ഉത്പന്നങ്ങളും സേവനങ്ങളും പ്രദര്ശിപ്പിക്കുന്ന ഹോട്ടല്ടെക് കേരള പ്രദര്ശനത്തിന്റെ 16-ാം പതിപ്പ് 15, 16, 17 തീയതികളില് കൊച്ചിയിലെ ഗോകുലം കണ്വന്ഷന് സെന്ററില് നടക്കും.
ഭക്ഷ്യോത്പന്നങ്ങള്, ചേരുവകള്, ഹോട്ടല് ഉപകരണങ്ങള്, ലിനന് ആന്ഡ് ഫര്ണിഷിംഗ്, ഹോട്ടല്വെയര്, ടേബിള്വെയര്, വാണിജ്യ അടുക്കള ഉപകരണങ്ങള് തുടങ്ങിയവയുമായി 50ലേറെ പ്രദര്ശകര് ഹോട്ടല്ടെക്കില് പങ്കെടുക്കുമെന്ന് സംഘാടകരായ ക്രൂസ് എക്സ്പോസ് ഡയറക്ടര് ജോസഫ് കുര്യാക്കോസ് പറഞ്ഞു.
കേരള ടൂറിസം, അസോസിയേഷന് ഓഫ് അപ്രൂവ്ഡ് ആന്ഡ് ക്ലാസിഫൈസ് ഹോട്ടല്സ് ഓഫ് കേരള (എഎസിഎച്ച്കെ), കേരള പ്രഫഷണല് ഹൗസ്കീപ്പേഴ്സ് അസോസിയേഷന് (കെപിഎച്ച്എ), ദി ഹോസ്പിറ്റാലിറ്റി പര്ച്ചേസ് മാനേജേഴ്സ് ഫോറം (എച്ച്പിഎംഎഫ്) കേരള ചാപ്റ്റര്, സൗത്ത് ഇന്ത്യ ഷെഫ്സ് അസോസിയേഷന്(സിക) കേരള ചാപ്റ്റര്, ചീഫ് എന്ജിനിയേഴ്സ് ഫോറം എന്നീ സംഘടനകളുടെയും സ്ഥാപനങ്ങളുടെയും പിന്തുണയോടെയാണു പരിപാടി സംഘടിപ്പിക്കുന്നത്. ഹൗസ്കീപ്പേഴ്സ് ചലഞ്ചിന്റെ ഏഴാമത് പതിപ്പും കോഫി ബോര്ഡ് സംഘടിപ്പിക്കുന്ന പഞ്ചദിന ബറിസ്റ്റ വര്ക്ക്ഷോപ്പും പ്രദര്ശനത്തിന്റെ ഭാഗമായുണ്ടാകും.
വിവിധ ഹോട്ടല് ജോലികള് ചെയ്യുന്നവര് അതത് യൂണിഫോമണിഞ്ഞ് പങ്കെടുക്കുന്ന ഫാഷന് ഷോയും ഇത്തവണ അരങ്ങേറുമെന്ന് സംഘാടകർ അറിയിച്ചു.
Deepika
E-paper LOGIN
LOGIN
