തിരുവനന്തപുരം: രാജ്യത്തെ ഏറ്റവും വലിയ ടെക്നോളജി എക്സ്പോ ആയ 33-ാമത് കണ്വെർജൻസ് ഇന്ത്യ എക്സ്പോയിൽ കേരളത്തിൽ നിന്നുള്ള ഐടി പ്രതിനിധി സംഘം പങ്കെടുക്കും. ന്യൂഡൽഹിയിൽ 23 മുതൽ 25 വരെയാണ് എക്സ്പോ.
സംസ്ഥാന ഇലക്ട്രോണിക്സ് ഐടി സ്പെഷൽ സെക്രട്ടറി സീറാം സാംബശിവ റാവു, മൂന്ന് ഐടി പാർക്കുകളുടെ സിഇഒമാർ, 15 ഐടി കന്പനി പ്രതിനിധികൾ എന്നിവർക്കൊപ്പം ഇന്ത്യൻ ഇൻസ്റ്റിറ്റ്യൂട്ട് ഓഫ് ഇൻഫർമേഷൻ ടെക്നോളജി ആൻഡ് മാനേജ്മെന്റ് കേരള (ഐഐഐടിഎംകെ), കേരള സ്പേസ്പാർക്ക് (കെസ്പേസ്), ടെക്നോപാർക്ക്, ഇൻഫോപാർക്ക്, സൈബർപാർക്ക് ഉദ്യോഗസ്ഥർ എന്നിവരാണ് കേരള സംഘത്തിലുള്ളത്.
ഭാരത് മണ്ഡപത്തിൽ നടക്കുന്ന എക്സ്പോയിലെ കേരള പവലിയനിൽ സംസ്ഥാനത്തെ അഭിവൃദ്ധി പ്രാപിക്കുന്ന ഡിജിറ്റൽ, ഇന്നൊവേഷൻ ആവാസവ്യവസ്ഥയും അവസരങ്ങളും പ്രദർശിപ്പിക്കും.
ആഗോള നിക്ഷേപകർ, സാങ്കേതിക മേഖലയിലെ പ്രമുഖർ, വ്യവസായ പങ്കാളികൾ എന്നിവരുമായി സഹകരണം, നവീകരണം, നിക്ഷേപ അവസരങ്ങൾ എന്നിവ തേടുന്നതിനുള്ള വേദിയായി ഈ പരിപാടി കേരള ഐടി കന്പനികളെ മാറ്റും. രാജ്യത്തെ ഏറ്റവും സ്വാധീനമുള്ള ടെക്നോളജി എക്സ്പോയാണ് കണ്വെർജൻസ് ഇന്ത്യ എക്സ്പോ.
Deepika
E-paper LOGIN
LOGIN
