തിരുവനന്തപുരം: നെടുമങ്ങാട് -നഗരസഭ കൗൺസിലിന്റെ നിർദേശപ്രകാരം നഗരസഭയിലെ ഠൗൺ റോഡിലും കല്ലിംഗൽ കരിപ്പൂർ റോഡിലും റോഡ് കൈയ്യേറിയും ലൈസൻസ് ഇല്ലാതെയും അനധികൃതമായും പ്രവർത്തിച്ച കച്ചവടസ്ഥാപനങ്ങളും ബങ്കുകളും നഗരസഭ ആരോഗ്യവിഭാഗം ഒഴിപ്പിച്ചു.
നഗരസഭ ക്ലീൻസിറ്റി മാനേജർ പ്രേംനവാസ്, സീനിയർ ഹെൽത്ത് ഇൻസ്പെക്ടർ എസ് ബിന്ദു, ഹെൽത്ത് ഇൻസ്പെക്ടർമാരായ ബി എസ് സബിത, എൽ ഷീന, എൽ മീര, ജി ഗീതു എന്നിവരും കണ്ടിജൻ്റ് വിഭാഗം ജീവനക്കാരും നേതൃത്വം നൽകി. ഒരു കാരണവശാലും റോഡും ഫുട്ട്പാത്തും കൈയേറി അനധികൃത കച്ചവടം അനുവദിക്കില്ലെന്ന് മുനിസിപ്പൽ സെക്രട്ടറി അറിയിച്ചു.