ചങ്ങനാശേരി: കൈയിൽ ജപമാലയും അധരങ്ങളിൽ ആവേ മരിയ സ്തുതി ഗീതങ്ങളുമായി മാതാവിന്റെ മാധ്യ സ്ഥ്യം യാചിച്ച് ഇടയനോടൊപ്പം യുവജനങ്ങളും പാറേൽ ബസിലിക്കയിലേക്ക് നിരയായി അണിചേർന്നപ്പോൾ ചങ്ങനാശേരി നഗരം ഭക്തിസാന്ദ്രമായി.
അതിരൂപത യുവദീപ്തി-എസ്എംവൈഎമ്മിന്റെ നേതൃത്വത്തില് ഇന്നലെ നടത്തിയ ജപമാല മഹാറാലിയിൽ ആയിരങ്ങൾ അണിചേർന്നു. അതിരൂപതയിലെ 18 ഫൊറോനകളില്നിന്നുള്ള പതിനായിരത്തിലധികം വരുന്ന യുവജനങ്ങളും മുതിര്ന്നവരും ജപമാല ചൊല്ലിയാണ് ചങ്ങനാശേരി ചന്തക്കടവ് കുരിശുപള്ളിയില്നിന്നു പാറേല് ബസിലിക്കയിലേക്ക് നടന്നുനീങ്ങിയത്.
ആര്ച്ച്ബിഷപ് മാര് തോമസ് തറയില്, മുഖ്യ വികാരി ജനറാള് മോണ്. ആന്റണി എത്തയ്ക്കാട്ട് എന്നിവര് റാലിയില് പങ്കുചേര്ന്നു.പാറേല് മാതാവിന്റെ നാമധേയത്തില് 122 വര്ഷംമുമ്പ് സ്ഥാപിച്ച കപ്പേളയില് മാതാവിന്റെ തിരുസ്വരൂപം സ്ഥാപിച്ചതിന്റെ ഓര്മ പുതുക്കിയാണ് പുതിയ പള്ളി കൂദാശയുടെയും ബസിലിക്ക പ്രഖ്യാപനത്തിന്റെയും തൊട്ടടുത്ത ദിവസം അതിരൂപതയുടെ നേതൃത്വത്തില് യുവജനദിനമായി ആചരിച്ച് ജപമാല മഹാറാലി സംഘടിപ്പിച്ചത്.
റാലി പാറേൽ ബസിലിക്കയിൽ എത്തിച്ചേര്ന്നപ്പോള് ബസിലിക്ക വികാരി ഫാ. ജേക്കബ് വാരിക്കാട്ടിന്റ് നേതൃത്വത്തില് സ്വീകരിച്ചു.തുടർന്ന് ജപമാലയുടെ രൂപത്തില് തയാറാക്കിയ ബലൂണ്മാല ആകാശത്തേക്കു പറത്തി എംഎല്എ വിനു ജോബ് യുവജനദിനത്തിന് ആശംസകള് നേര്ന്നു. തുടർന്ന് ആര്ച്ച്ബിഷപ് മാര് തോമസ് തറയിൽ വിശുദ്ധകുര്ബാന അര്പ്പിച്ച് സന്ദേശം നല്കി.
എസ്എംവൈഎം സംസ്ഥാന ഡയറക്ടര് ഫാ. മാണി കൊഴുപ്പന്കുറ്റിയിൽ, കാഞ്ഞിപ്പള്ളി രൂപത ഡയറക്ടര് ഫാ. ജിക്കു നരിപ്പാറ, വിവിധ ഫൊറോന ഡയറക്ടര്മാര് എന്നിവര് സഹകാര്മികരായിരുന്നു.യുവജന സംഗമത്തോടനുബന്ധിച്ച് അൽഫോൺസ് ജോസഫ്, സ്റ്റീഫൻ ദേവസി എന്നിവർ നയിച്ച മ്യൂസിക് ബാൻഡും അരങ്ങേറി.