മങ്കട: ബജറ്റില് പ്രഖ്യാപിച്ച് വിഹിതം വകയിരുത്തിയ 35 ശതമാനം ഡിഎ കുടിശിക ഉടന് അനുവദിക്കണമെന്നും അഞ്ചു വര്ഷം കൂടുമ്പോഴുള്ള ശമ്പള പരിഷ്കരണം അട്ടിമറിക്കാതെ കമ്മീഷന് ശുപാര്ശ അംഗീകരിച്ച് നടപ്പാക്കണമെന്നും കെഎസ്ടിഎ മങ്കട ഉപജില്ലാ 36-ാം സമ്മേളനം ആവശ്യപ്പെട്ടു. മങ്കട ജിഎച്ച്എസ്എസില് നടന്ന സമ്മേളനം കെഎസ്ടിഎ ജില്ലാ സെക്രട്ടറി കെ. സരിത ഉദ്ഘാടനം ചെയ്തു.
സബ്ജില്ലാ പ്രസിഡന്റ് പി. നജീബ് അധ്യക്ഷനായി. ടി. അനില്കുമാര് രക്തസാക്ഷി പ്രമേയവും പി.എസ്. പ്രീതി അനുശോചന പ്രമേയവും അവതരിപ്പിച്ചു. ജില്ലാ ജോയിന്റ് സെക്രട്ടറി സി. ഹരിദാസ് സംഘടനാ റിപ്പോര്ട്ടും സബ്ജില്ലാ സെക്രട്ടറി കെ. ശ്രീജ പ്രവര്ത്തന റിപ്പോര്ട്ടും സബ്ജില്ലാ ട്രഷറര് കെ. അഹമ്മദ്കുട്ടി വരവുചെലവ് കണക്കും അവതരിപ്പിച്ചു.
ജില്ലാ എക്സിക്യൂട്ടീവ് അംഗങ്ങളായ കെ.പി. ഷാജി, അജീഷ്, കെ. ഫാത്തിമ സുഹറ, എം. പി. നസീമ, സ്വാഗതസംഘം ചെയര്മാന് സി. അരവിന്ദന്, ആര്. അഖില് എന്നിവര് പ്രസംഗിച്ചു. ജില്ലാ എക്സിക്യൂട്ടീവ് അംഗം എ.പി. ബിജു തിരഞ്ഞെടുപ്പ് നിയന്ത്രിച്ചു. കെ. വിജി, പി. മിനി, കെ. പ്രമോദ്, ഇ. ഗൗരി, കെ. സിന്ധു, കെ.കെ. സംഗീത് എന്നിവര് ചര്ച്ചയില് പങ്കെടുത്തു.
പുതിയ ഭാരവാഹികളായി പി. നജീബ് (പ്രസിഡന്റ്), പി. ഹേമ, ടി. അനില്കുമാര്, ഇ. കെ. സുമിത (വൈ. പ്രസിഡന്റ്), കെ. ശ്രീജ (സെക്രട്ടറി), പി. എസ്. പ്രീതി, എസ്. സുരേന്ദ്രന്, പി. സബിന് (ജോ.സെക്രട്ടറി), കെ. അഹമ്മദ്കുട്ടി (ട്രഷറർ) എന്നിവരെ തിരഞ്ഞെടുത്തു.