കോഴിക്കോട്: കേരള സർക്കാരിന് ഓഹരി പങ്കാളിത്തമുള്ള ഇൻകെൽ 2022-23 മുതൽ തുടർച്ചയായി നാലാം വര്‍ഷവും ഓഹരി ഉടമകൾക്ക് ലാഭവിഹിതം നല്‍കി. മന്ത്രി പി.കെ. കുഞ്ഞാലിക്കുട്ടിയുടെ അധ്യക്ഷതയില്‍ എറണാകുളം ഐഎംഎ ഹാളിൽ നടന്ന യോഗത്തിൽ ഇൻകെലിന്‍റെ പ്രവർത്തനങ്ങൾക്കു പുതിയ ദിശാബോധം നൽകി വ്യവസായ വികസനത്തിന് ഉതകുന്നതരത്തിൽ പുതിയ പദ്ധതികൾക്ക് രൂപം നൽകാന്‍ തീരുമാനിച്ചു.
പ്രോജക്ട് മാനേജ്മെന്‍റ് കൺസൾട്ടൻസി മേഖലയിൽ ഇപ്പോൾ ഇൻകെൽ ഒന്നാം സ്ഥാനത്താണ്.
2025-26 സാമ്പത്തിക വർഷം നൽകുന്ന 5.50 ശതമാനം ലാഭവിഹിതമായ 2.88 കോടി ഉൾപ്പടെ കഴിഞ്ഞ നാലു വർഷങ്ങളിലായി കേരള സർക്കാരിലേക്ക് 8.20 കോടി ലാഭവിഹിതമായി ഇൻകെൽ നൽകി. കേരള സർക്കാരിന് പുറമേ കെഎസ്ഐഡിസിക്കും കിൻഫ്രക്കും 1.21 കോടി രൂപ വീതം ലാഭ വിഹിതംനൽകിയിട്ടുണ്ട്.
36 കോടിയോളം രൂപ ലാഭവിഹിതമായി ഇൻകെൽ നൽകിക്കഴിഞ്ഞു. വിറ്റു വരവ് കഴിഞ്ഞ സാമ്പത്തിക വർഷത്തെ 65.24 കോടിയിൽനിന്ന് 37.51 ശതമാനം വളർച്ചയോടെ 89.71കോടി രൂപയായി ഉയർന്നു. കമ്പനിയുടെ ചരിത്രത്തിലെ രണ്ടാമത്തെ ഉയർന്ന ലാഭമാണ് 2025-26ൽ രേഖപ്പെടുത്തിയത്.
കമ്പനിയുടെ ബിസിനസ് മോഡലിന്റെ കരുത്തും വൈവിധ്യവത്കരണവുമാണ് ഈ റിക്കാർഡ് നേട്ടത്തിന് പിന്നിലെന്ന് യോഗത്തിനു ശേഷം ഇൻകെൽ മാനേജിംഗ് ഡയറക്‌ടർ, ഡോ. കെ. ഇളങ്കോവൻ അറിയിച്ചു.
Deepika
Corehub Solutions
E-paper LOGIN
LOGIN
