മുംബൈ: അടുത്ത വർഷം നടക്കുന്ന ട്വന്റി20 ലോകകപ്പ് ക്രിക്കറ്റിൽ ഇന്ത്യയും പാക്കിസ്ഥാനും ഒരേ ഗ്രൂപ്പിൽ. 20 ടീമുകൾ മാറ്റുരയ്ക്കുന്ന ടൂർണമെന്റിൽ ടീമുകളെ നാല് ഗ്രൂപ്പുകളായാണ് തിരിച്ചിരിക്കുന്നത്. ഒരു ഗ്രൂപ്പിൽ അഞ്ച് ടീമുകളാണ്.
ഇന്ത്യക്കൊപ്പം പാകിസ്ഥാൻ, നെതർലൻഡ്സ്, നമീബിയ, യുഎസ്എ ടീമുകളാണ് ഗ്രൂപ്പിലുള്ളത്. ഇന്ത്യ- പാക്കിസ്ഥാൻ ഗ്രൂപ്പ് ഘട്ട പോരാട്ടം ഫെബ്രുവരി 15ന് നടക്കും.
ഇന്ത്യയിലും ശ്രീലങ്കയിലുമായി നടക്കുന്ന ലോകകപ്പ് പോരാട്ടങ്ങൾ 2026 ഫെബ്രുവരി ഏഴിന് ആരംഭിക്കും. ഫൈനൽ പോരാട്ടം മാർച്ച് എട്ടിന്. അഹമ്മദാബാദിലെ നരേന്ദ്ര മോദി സ്റ്റേഡിയമാണ് നിലവിൽ ഫൈനലിനു വേദിയായി തീരുമാനിച്ചിരിക്കുന്നത്. പാക്കിസ്ഥാൻ ഫൈനലിലെത്തുകയാണെങ്കിൽ മാത്രം വേദി മാറും.
Deepika
E-paper LOGIN
LOGIN
