4

ഡോ​ണ​ൾ​ഡ് ട്രം​പ് ര​ണ്ടാ​മ​തും അ​മേ​രി​ക്ക​ൻ പ്ര​സി​ഡ​ന്‍റാ​യി ചു​മ​ത​ല​യേ​റ്റ​തി​നു ശേ​ഷം ന​ട​ത്തു​ന്ന കൈ​വി​ട്ട തീ​രു​വ​ക്ക​ളി​ക​ളും നി​ർ​ദി​ഷ്ട ഇ​ന്ത്യ-​അ​മേ​രി​ക്ക ഉ​ഭ​യക​ക്ഷി വ്യാ​പാ​രക്ക​രാ​റും ഇ​ന്ത്യ​യി​ലെ പാ​വ​പ്പെ​ട്ട ക​ർ​ഷ​ക​ർ​ക്കു കു​രു​ക്കാ​യി മാ​റു​ക​യാ​ണ്. പ​തി​റ്റാ​ണ്ടു​ക​ളാ​യി അ​മേ​രി​ക്ക​ൻ സ​മ്മ​ർ​ദ​ത്തെ ചെ​റു​ത്ത് അ​ട​ച്ചി​ട്ടി​രു​ന്ന ഇ​ന്ത്യ​ൻ കാ​ർ​ഷി​കവി​പ​ണി അ​മേ​രി​ക്ക​യ്ക്ക് വ​ൻ​തോ​തി​ൽ തു​റ​ന്നു​കൊ​ടു​ക്കു​ന്നു​വെ​ന്ന​താ​ണ് ഇ​ന്ത്യ-​യു​എ​സ് ഉ​ഭ​യ​ക​ക്ഷി വ്യാ​പാ​രക്ക​രാ​റി​ന്‍റെ ഏ​റ്റ​വും വ​ലി​യ പ്ര​ത്യാ​ഘാ​തം. ഫെ​ബ്രു​വ​രി ആ​ദ്യം പ്ര​ഖ്യാ​പി​ച്ച ഇ​ന്ത്യ-​യു​എ​സ് വ്യാ​പാ​രക്ക​രാ​റി​ന്‍റെ ച​ട്ട​ക്കൂ​ട് പ്ര​കാ​രം ഇ​ന്ത്യ അ​മേ​രി​ക്ക​യി​ൽ​നി​ന്ന് ഇ​റ​ക്കു​മ​തി ചെ​യ്യു​ന്ന നി​ര​വ​ധി ഭ​ക്ഷ്യ- കാ​ർ​ഷി​ക ഉ​ത്പ​ന്ന​ങ്ങ​ളു​ടെ തീ​രു​വ ഇ​ല്ലാ​താ​ക്കു​ക​യോ കു​റ​യ്ക്കു​ക​യോ ചെ​യ്യ​ണം.

അ​ണ്ടി​പ്പ​രി​പ്പു​ക​ൾ, പു​തി​യ​തും സം​സ്ക​രി​ച്ച​തു​മാ​യ പ​ഴ​ങ്ങ​ൾ, സോ​യാ​ബീ​ൻ എ​ണ്ണ, വൈ​ൻ, സ്പി​രി​റ്റു​ക​ൾ, ഡ്രൈ​ഡ് ഡി​സ്റ്റി​ലേ​ഴ്സ് ഗ്രെ​യി​ൻ​സ് വി​ത്ത് സൊ​ലു​ബി​ൾ​സ് (ഡി​ഡി​ജി​എ​സ്), കാ​ലി​ത്തീ​റ്റ​യ്ക്കു​ള്ള ചു​വ​ന്ന ചോ​ളം എ​ന്നി​വ ഈ ​ഉ​ത്പ​ന്ന​ങ്ങ​ളി​ൽ ഉ​ൾ​പ്പെ​ടു​ന്നു. അ​ന്തി​മക​രാ​ർ ഒ​പ്പി​ടു​മ്പോ​ൾ കൂ​ടു​ത​ൽ കാ​ർ​ഷി​കോ​ത്പ​ന്ന​ങ്ങ​ൾ അ​ധി​ക​മാ​യി ക​ട​ന്നു​വ​രാ​നു​ള്ള സാ​ധ്യ​ത​യും ച​ട്ട​ക്കൂ​ട് തു​റ​ന്നി​ടു​ന്നു. ഗോ​ത​മ്പ്, അ​രി, ചോ​ളം, പ​ഞ്ച​സാ​ര, പാ​ൽ, കോ​ഴി​യി​റ​ച്ചി തു​ട​ങ്ങി​യ പ്ര​ധാ​ന ഉ​ത്പ​ന്ന​ങ്ങ​ളെ ക​രാ​റി​ൽ​നി​ന്ന് ഒ​ഴി​വാ​ക്കി​യെ​ന്നും കാ​ർ​ഷി​കമേ​ഖ​ല​യെ സം​ര​ക്ഷി​ച്ചു​വെ​ന്നു​മാ​ണ് കേ​ന്ദ്ര ഗ​വ​ൺ‌​മെ​ന്‍റി​ന്‍റെ അ​വ​കാ​ശ​വാ​ദം. എ​ന്നാ​ൽ, സോ​യാ​ബീ​ൻ, മ​റ്റ് എ​ണ്ണ​ക്കു​രു​ക്ക​ൾ, മ​ക്ക​ച്ചോ​ളം, ചോ​ളം, ആ​പ്പി​ൾ തു​ട​ങ്ങി​യ പ​ഴ​വ​ർ​ഗ​ങ്ങ​ൾ, ആ​ൽ​മ​ണ്ട്സ്, വാ​ൽ​ന​ട്സ് തു​ട​ങ്ങി​യ അ​ണ്ടി​പ്പ​രി​പ്പു​ക​ൾ, പ​രു​ത്തി തു​ട​ങ്ങി​യ​വ കൃ​ഷി​ചെ​യ്യു​ന്ന കോ​ടി​ക്ക​ണ​ക്കി​ന് ഇ​ന്ത്യ​ൻ ക​ർ​ഷ​ക​ർ ക​രാ​ർ ന​ട​പ്പാ​യാ​ൽ ഗു​രു​ത​ര​മാ​യ പ്ര​ത്യാ​ഘാ​ത​ങ്ങ​ൾ നേ​രി​ടേ​ണ്ടി വ​രും.

►ട്രം​പി​ന്‍റെ തീ​രു​വ​ക്ക​ളി​ക​ൾ◄

ച​രി​ത്ര​പ​ര​മാ​യി, ഇ​ന്ത്യ അ​മേ​രി​ക്ക​ൻ കാ​ർ​ഷി​കോ​ത്പ​ന്ന​ങ്ങ​ൾ​ക്ക് 30 മു​ത​ൽ 150 ശ​ത​മാ​നം വ​രെ ഇ​റ​ക്കു​മ​തി​ത്തീ​രു​വ ചു​മ​ത്തി​യി​രു​ന്നു. ഇ​ത് ലോ​ക വ്യാ​പാ​രസം​ഘ​ട​ന​യു​ടെ വ്യ​വ​സ്ഥ​ക​ൾ പ്ര​കാ​രം നി​യ​മ​പ​ര​വു​മാ​യി​രു​ന്നു. അ​തേ​സ​മ​യം, 2025ന് ​മു​മ്പ് അ​മേ​രി​ക്ക ഇ​ന്ത്യ​ൻ കാ​ർ​ഷി​കോ​ത്പ​ന്ന​ങ്ങ​ൾ​ക്ക് ശ​രാ​ശ​രി 5.3 ശ​ത​മാ​നം ഇ​റ​ക്കു​മ​തി​ത്തീ​രു​വ മാ​ത്ര​മേ ചു​മ​ത്തി​യി​രു​ന്നു​ള്ളൂ. 2025 ഏ​പ്രി​ൽ ര​ണ്ടി​ന് ട്രം​പ് രാ​ജ്യാ​ടി​സ്ഥാ​ന​ത്തി​ൽ പ്ര​ഖ്യാ​പി​ച്ച പ​ര​സ്പ​ര തീ​രു​വ പ്ര​കാ​രം ഇ​ന്ത്യ​ൻ ഉ​ത്പ​ന്ന​ങ്ങ​ളു​ടെ പ​ര​സ്പ​ര തീ​രു​വ 26 ശ​ത​മാ​ന​മാ​യി ഉ​യ​ർ​ത്തി. 2025 ഏ​പ്രി​ൽ ഒ​മ്പ​തി​ന് ഇ​ത് മൂ​ന്നു മാ​സ​ത്തേ​ക്കും ജൂ​ലൈ എ​ട്ടി​ന് ഓ​ഗ​സ്റ്റ് ഒ​ന്നു വ​രെ​യും മ​ര​വി​പ്പി​ച്ചു. 2025 ജൂ​ലൈ 31ന് ​എ​ല്ലാ ഇ​ന്ത്യ​ൻ ഉ​ത്പ​ന്ന​ങ്ങ​ൾ​ക്കും 25 ശ​ത​മാ​നം തീ​രു​വ ഏ​ർ​പ്പെ​ടു​ത്തി​യ​താ​യി ട്രം​പ് പ്ര​ഖ്യാ​പി​ച്ചു. ഓ​ഗ​സ്റ്റ് ഏ​ഴി​ന് റ​ഷ്യ​ൻ എ​ണ്ണ വാ​ങ്ങു​ന്ന​തി​ന്‍റെ പേ​രി​ൽ 25 ശ​ത​മാ​നം പി​ഴ​ത്തീ​രു​വ അ​ധി​ക​മാ​യി ഏ​ർ​പ്പെ​ടു​ത്തി. അ​ങ്ങ​നെ ഇ​ന്ത്യ​ൻ ഉ​ത്പ​ന്ന​ങ്ങ​ൾ​ക്ക് 50 ശ​ത​മാ​നം അ​ധി​കതീ​രു​വ നി​ല​വി​ൽ​വ​ന്നു.

2026 ഫെ​ബ്രു​വ​രി ആ​റി​ന് സം​യു​ക്ത പ്ര​സ്താ​വ​ന​യി​ലൂ​ടെ ഉ​ഭ​യ​ക​ക്ഷി ക​രാ​റി​ന്‍റെ ഭാ​ഗ​മാ​യി ഇ​ന്ത്യ​ൻ ഉ​ത്പ​ന്ന​ങ്ങ​ളു​ടെ അ​മേ​രി​ക്ക​യി​ലേ​ക്കു​ള്ള ഇ​റ​ക്കു​മ​തി​ത്തീ​രു​വ 18 ശ​ത​മാ​ന​മാ​യി കു​റ​ച്ച​താ​യി അ​മേ​രി​ക്ക അ​റി​യി​ച്ചു. ഫെ​ബ്രു​വ​രി ഏ​ഴി​ന് റ​ഷ്യ​ൻ എ​ണ്ണ വാ​ങ്ങു​ന്ന​തി​ന്‍റെ പേ​രി​ൽ ഇ​ന്ത്യ​ക്ക് ഏ​ർ​പ്പെ​ടു​ത്തി​യി​രു​ന്ന 25 ശ​ത​മാ​നം പി​ഴ​ത്തീ​രു​വ ട്രം​പ് റ​ദ്ദാ​ക്കി. ക​രാ​ർ പ്ര​ഖ്യാ​പ​നം വ​ന്ന​തോ​ടെ, 2025ന് ​മു​മ്പ് ദ​ശ​ക​ങ്ങ​ളാ​യി ഇ​ന്ത്യ​ൻ കാ​ർ​ഷി​കോ​ത്പ​ന്ന​ങ്ങ​ൾ​ക്ക് അ​മേ​രി​ക്ക ചു​മ​ത്തി​യി​രു​ന്ന ശ​രാ​ശ​രി ചു​ങ്കം 5.3 ശ​ത​മാ​ന​ത്തി​ൽ​നി​ന്ന് 18 ശ​ത​മാ​ന​മാ​യി ഉ​യ​ർ​ന്നു. 30 മു​ത​ൽ 150 ശ​ത​മാ​നം വ​രെ തീ​രു​വ ചു​മ​ത്തി സം​ര​ക്ഷി​ച്ചി​രു​ന്ന ഇ​ന്ത്യ​ൻ കാ​ർ​ഷി​കവി​പ​ണി തീ​രു​വ​യി​ല്ലാ​തെ​യോ കു​റ​ഞ്ഞ തീ​രു​വ​യ്ക്കോ അ​മേ​രി​ക്ക​യ്ക്കു തു​റ​ന്നു​കൊ​ടു​ക്കേ​ണ്ടി​വ​ന്നു.

ഫെ​ബ്രു​വ​രി 20ന് ​അ​മേ​രി​ക്ക​ൻ സു​പ്രീം​കോ​ട​തി ട്രം​പി​ന്‍റെ പ​ര​സ്പ​ര തീ​രു​വ റ​ദ്ദാ​ക്കി​യ​തോ​ടെ ചി​ത്രം വീ​ണ്ടും മാ​റി. സു​പ്രീം​കോ​ട​തി വി​ധി വ​ന്ന ഉ​ട​നെ എ​ല്ലാ രാ​ജ്യ​ങ്ങ​ൾ​ക്കും ആ​ഗോ​ള​ത​ല​ത്തി​ൽ ഒ​രേ​പോ​ലെ 10 ശ​ത​മാ​നം തീ​രു​വ ചു​മ​ത്തി ട്രം​പ് ഉ​ത്ത​ര​വി​റ​ക്കി. ഒ​രു ദി​വ​സ​ത്തി​നു​ള്ളി​ൽ ഇ​തു വീ​ണ്ടും 15 ശ​ത​മാ​ന​മാ​യി ഉ​യ​ർ​ത്തി. 150 ദി​വ​സ​ത്തേ​ക്കാ​ണ് 15 ശ​ത​മാ​നം തീ​രു​വ​യ്ക്ക് പ്രാ​ബ​ല്യം. ആ​ഗോ​ള​ത​ല​ത്തി​ൽ പു​തി​യ തീ​രു​വ പ്രാ​ബ​ല്യ​ത്തി​ൽ വ​ന്നാ​ലും ഇ​ന്ത്യ-​അ​മേ​രി​ക്ക വ്യാ​പ​രക്ക​രാ​റു​മാ​യി മു​ന്നോ​ട്ടു പോ​കു​മെ​ന്നും ഇ​ന്ത്യ അ​മേ​രി​ക്ക​യി​ലേ​ക്കു തീ​രു​വ ന​ൽ​കി​യും അ​മേ​രി​ക്ക ഇ​ന്ത്യ​യി​ലേ​ക്കു തീ​രു​വ ന​ൽ​കാ​തെ​യും വ്യാ​പാ​രം ന​ട​ത്തു​മെ​ന്നു​മാ​ണ് ട്രം​പി​ന്‍റെ പ്ര​ഖ്യാ​പ​നം. അ​മേ​രി​ക്ക​യി​ലേ​ക്ക് ഇ​റ​ക്കു​മ​തി ചെ​യ്യു​ന്ന ഇ​ന്ത്യ​ൻ ഉ​ത്പ​ന്ന​ങ്ങ​ൾ​ക്ക് ഇ​നി ആ​ഗോ​ള​ത​ല​ത്തി​ൽ ബാ​ധ​ക​മാ​യ 15 ശ​ത​മാ​ന​മാ​ണോ അ​തോ ക​രാ​റി​ന്‍റെ ഭാ​ഗ​മാ​യ 18 ശ​ത​മാ​ന​മാ​ണോ തീ​രു​വ​യാ​യി ന​ൽ​കേ​ണ്ടി​വ​രി​ക എ​ന്ന് കാ​ത്തി​രു​ന്നു കാ​ണേ​ണ്ടിവ​രും. ബം​ഗ്ലാ​ദേ​ശ്, ഇ​ന്തോ​നേ​ഷ്യ, വി​യ​റ്റ്നാം തു​ട​ങ്ങി​യ രാ​ജ്യ​ങ്ങ​ൾ​ക്ക് ഇ​ന്ത്യ​യേ​ക്കാ​ൾ അ​ല്പം ഉ​യ​ർ​ന്ന നി​ര​ക്കി​ൽ ആ ​രാ​ജ്യ​ങ്ങ​ളു​മാ​യു​ള്ള വ്യാ​പാ​രക്ക​രാ​റു​ക​ളി​ൽ തീ​രു​വ ചു​മ​ത്തി​യി​രു​ന്ന​ത് ഇ​ന്ത്യ​ക്ക് നേ​ട്ട​മാ​യി ഉ​യ​ർ​ത്തി​ക്കാ​ട്ടി​യി​രു​ന്നു. എ​ല്ലാ രാ​ജ്യ​ങ്ങ​ൾ​ക്കും 15 ശ​ത​മാ​നം തീ​രു​വ വ​രു​ന്ന​തോ​ടെ ചൈ​ന​യ്ക്കും ഈ ​രാ​ജ്യ​ങ്ങ​ൾ​ക്കും മേ​ൽ ഇ​ന്ത്യ​ക്കു​ണ്ടെ​ന്നു പ​റ​യ​പ്പെ​ട്ടി​രു​ന്ന മേ​ൽ​ക്കൈ ന​ഷ്ട​പ്പെ​ട്ടു. ഈ ​രാ​ജ്യ​ങ്ങ​ളി​ൽ ഇ​ന്ത്യ​യേ​ക്കാ​ൾ 30 ശ​ത​മാ​ന​ത്തോ​ളം ഉ​ത്പാ​ദ​ന​ച്ചെ​ല​വ് കു​റ​വാ​യ​തി​നാ​ൽ അ​വ​ർ​ക്ക് കൂ​ടു​ത​ൽ മ​ത്സ​ര​ക്ഷ​മ​ത​യോ​ടെ ക​യ​റ്റു​മ​തി ന​ട​ത്താ​നാ​കും.

►സു​ഗ​ന്ധവ്യ​ഞ്ജന​ങ്ങ​ൾ​ക്ക് മു​മ്പേ ഇ​ള​വ്◄

സു​ഗ​ന്ധവ്യ​ഞ്ജ​ന​ങ്ങ​ൾ, കാ​പ്പി, തേ​യി​ല, വാ​ഴ​പ്പ​ഴം, മാ​മ്പ​ഴ ഉ​ത്പ​ന്ന​ങ്ങ​ൾ, ഓ​റ​ഞ്ച്, പൈ​നാ​പ്പി​ൾ തു​ട​ങ്ങി​യ കാ​ർ​ഷി​കോ​ത്പ​ന്ന​ങ്ങ​ളെ അ​മേ​രി​ക്ക പ​ര​സ്പ​ര ഇ​റ​ക്കു​മ​തി തീ​രു​വ​യി​ൽ​നി​ന്ന് മു​മ്പു​ത​ന്നെ ഒ​ഴി​വാ​ക്കി​യ​താ​ണ്. ഈ ​ഉ​ത്പ​ന്ന​ങ്ങ​ൾ​ക്ക് ഇ​ന്ത്യ-​അ​മേ​രി​ക്ക​ൻ ഉ​ഭ​യ​ക​ക്ഷി ക​രാ​ർ​കൊ​ണ്ട് പ്ര​ത്യേ​കി​ച്ചൊ​രു നേ​ട്ട​വു​മി​ല്ല. വാ​ഴ​പ്പ​ഴം, പൈ​നാ​പ്പി​ൾ, മാ​മ്പ​ഴം തു​ട​ങ്ങി​യ എ​ല്ലാ സീ​സ​ണ​ൽ പ​ഴ​ങ്ങ​ൾ​ക്കും 2025നു മു​മ്പ് അ​മേ​രി​ക്ക തീ​രു​വ ര​ഹി​ത ഇ​റ​ക്കു​മ​തി അ​നു​വ​ദി​ച്ചി​രു​ന്നു. 2025 ഓ​ഗ​സ്റ്റോ​ടെ ഈ ​ഉ​ത്പ​ന്ന​ങ്ങ​ൾ​ക്ക് ട്രം​പ് പി​ഴ​ത്തീ​രു​വ ഉ​ൾ​പ്പെ​ടെ 50 ശ​ത​മാ​നം അ​ധി​കതീ​രു​വ ഏ​ർ​പ്പെ​ടു​ത്തി. വി​ല​ക്ക​യ​റ്റ​ത്തെ തു​ട​ർ​ന്ന് അ​മേ​രി​ക്ക​യി​ലെ സാ​ധാ​ര​ണ പൗ​ര​ന്മാ​ർ തെ​രു​വി​ലി​റ​ങ്ങി​യ​തോ​ടെ ഈ ​തീ​രു​മാ​നം പു​നഃ​പ​രി​ശോ​ധി​ക്കാ​ൻ ട്രം​പ് നി​ർ​ബ​ന്ധി​ത​നാ​യി.

2025 ന​വം​ബ​ർ 14ന് ​പു​റ​ത്തി​റ​ക്കി​യ എ​ക്സി​ക്യൂ​ട്ടീ​വ് ഓ​ർ​ഡ​റി​ൽ പൈ​നാ​പ്പി​ൾ, അ​വ​ക്കാ​ഡോ, മ​ങ്കോ​സ്റ്റി​ൻ, ഓ​റ​ഞ്ച് തു​ട​ങ്ങി​യ ഉ​ഷ്ണ​മേ​ഖ​ലാ പ​ഴ​ങ്ങ​ൾ, പ​ഴ​ച്ചാ​റു​ക​ൾ, തേ​യി​ല, കാ​പ്പി, കു​രു​മു​ള​ക്, ഏ​ലം, മ​ഞ്ഞ​ൾ, ഇ​ഞ്ചി, ഗ്രാ​മ്പൂ, ജാ​തി​ക്ക തു​ട​ങ്ങി​യ സു​ഗ​ന്ധ​വ്യ​ഞ്ജ​ന​ങ്ങ​ൾ എ​ന്നി​വ​യ​ട​ക്കം 200 കാ​ർ​ഷി​കോ​ത്പ​ന്ന​ങ്ങ​ളെ അ​ധി​ക തീ​രു​വ​യി​ൽ​നി​ന്ന് ഒ​ഴി​വാ​ക്കി​യി​രു​ന്നു. മ​റ്റെ​ല്ലാ ഉ​ത്പ​ന്ന​ങ്ങ​ൾ​ക്കും 50 ശ​ത​മാ​നം തീ​രു​വ നി​ല​നി​ന്ന​പ്പോ​ഴാ​യി​രു​ന്നു ഈ ​ഇ​ള​വ്. ഈ ​ഉ​ത്പ​ന്ന​ങ്ങ​ൾ​ക്ക് 2025 ന​വം​ബ​ർ 13 മു​ത​ൽ സ്റ്റാ​ൻ​ഡേ​ർ​ഡ് എം​എ​ഫ്എ​ൻ (മോ​സ്റ്റ് ഫേ​വേ​ഡ് നേ​ഷ​ൻ) നി​ര​ക്കി​ലു​ള്ള തീ​രു​വ മാ​ത്ര​മാ​ണ് ബാ​ധ​കം. ഇ​ന്ത്യ​ക്കു മാ​ത്ര​മ​ല്ല, മ​റ്റെ​ല്ലാ രാ​ജ്യ​ങ്ങ​ൾ​ക്കും ഈ ​തീ​രു​വ ഇ​ള​വ് ബാ​ധ​ക​മാ​ണ്. ക​ഴി​ഞ്ഞ വ​ർ​ഷം ന​വം​ബ​ർ മു​ത​ലേ നി​ല​വി​ലു​ള്ള ഈ ​ഇ​ള​വ് ഇ​ന്ത്യ-​അ​മേ​രി​ക്ക ഉ​ഭ​യ​ക​ക്ഷി വ്യാ​പാ​രക്ക​രാ​റി​ന്‍റെ നേ​ട്ട​മ​ല്ല.

►പി​ൻ​വാ​തി​ലി​ലൂ​ടെ ജി​എം ഉ​ത്പ​ന്ന​ങ്ങ​ൾ◄

തീ​രു​വ​യി​ല്ലാ​തെ ഡി​ഡി​ജി​എ​സ് ഇ​റ​ക്കു​മ​തി അ​നു​വ​ദി​ക്കാ​നു​ള്ള തീ​രു​മാ​നം പി​ൻ​വാ​തി​ലി​ലൂ​ടെ ജ​നി​ത​ക പ​രി​വ​ർ​ത്ത​നം വ​രു​ത്തി​യ വി​ള​ക​ളെ ഇ​ന്ത്യ​യി​ൽ പ്ര​വേ​ശി​പ്പി​ക്കാ​നു​ള്ള നീ​ക്ക​മാ​ണെ​ന്നാ​ണ് ക​ർ​ഷ​കസം​ഘ​ട​ന​ക​ളു​ടെ ആ​രോ​പ​ണം. ചോ​ള​വും മ​റ്റു ധാ​ന്യ​ങ്ങ​ളും ഉ​പ​യോ​ഗി​ച്ച് എ​ത്ത​നോ​ൾ ഉ​ത്പാ​ദി​പ്പി​ക്കു​മ്പോ​ൾ ല​ഭി​ക്കു​ന്ന പ്രോ​ട്ടീ​ൻ സ​മ്പു​ഷ്ട ഉ​പോ​ത്പ​ന്ന​മാ​ണ് ഡി​സ്റ്റി​ലേ​ഴ്സ് ഡ്രൈ​ഡ് ഗ്രെ​യി​ൻ​സ് വി​ത്ത് സൊ​ലു​ബി​ൾ​സ് എ​ന്ന ഡി​ഡി​ജി​എ​സ്. കാ​ലി​ത്തീ​റ്റ, കോ​ഴി​ത്തീ​റ്റ, മ​ത്സ്യ​ത്തീ​റ്റ എ​ന്നി​വ​യാ​യി ഉ​പ​യോ​ഗി​ക്കു​ന്ന​തി​നു തീ​രു​വ​യി​ല്ലാ​തെ, ക്വോ​ട്ട അ​ടി​സ്ഥാ​ന​ത്തി​ൽ ഡി​ഡി​ജി​എ​സ് ഇ​റ​ക്കു​മ​തി അ​നു​വ​ദി​ക്കും. അ​മേ​രി​ക്ക​ൻ ഡി​ഡി​ജി​എ​സ് ജ​നി​ത​ക പ​രി​വ​ർ​ത്ത​നം വ​രു​ത്തി​യ മ​ക്ക​ച്ചോ​ളം ഉ​പ​യോ​ഗി​ച്ചാ​ണ് ഉ​ത്പാ​ദി​പ്പി​ക്കു​ന്ന​ത്.

ജി​എം ഭ​ക്ഷ്യ​വി​ള​ക​ളും ഉ​ത്പ​ന്ന​ങ്ങ​ളും മ​നു​ഷ്യ​രു​ടെ​യും മൃ​ഗ​ങ്ങ​ളു​ടെ​യും ആ​രോ​ഗ്യ​ത്തി​നു സു​ര​ക്ഷി​ത​മാ​ണോ എ​ന്ന് സം​ശ​യ​ര​ഹി​ത​മാ​യി തെ​ളി​ഞ്ഞി​ട്ടി​ല്ല. അ​തി​നാ​ൽ സു​ര​ക്ഷാ​പ​ര​മാ​യ ഒ​രു മു​ൻ​ക​രു​ത​ലാ​യി അ​വ​യ്ക്ക് ഇ​ന്ത്യ ഇ​തു​വ​രെ അ​നു​മ​തി ന​ൽ​കി​യി​ട്ടി​ല്ല. 2017 മു​ത​ൽ ഡി​ഡി​ജി​എ​സ് ഇ​റ​ക്കു​മ​തി​ക്കുവേ​ണ്ടി അ​മേ​രി​ക്ക സ​മ്മ​ർ​ദം ചെ​ലു​ത്തി​യി​രു​ന്നു​വെ​ങ്കി​ലും ഇ​ന്ത്യ വ​ഴ​ങ്ങി​യി​രു​ന്നി​ല്ല. ജ​നി​ത​ക പ​രി​വ​ർ​ത്ത​നം വ​രു​ത്തി​യ ഉ​ത്പ​ന്ന​ങ്ങ​ൾ​ക്ക് അ​നു​മ​തി ന​ൽ​കേ​ണ്ട കേ​ന്ദ്ര സ​മി​തി​യാ​യ ജ​ന​റ്റി​ക് എ​ൻ​ജി​നിയ​റിം​ഗ് അ​പ്രൂ​വ​ൽ ക​മ്മി​റ്റി (ജി​ഇ​എ​സി) ഇ​തു സം​ബ​ന്ധി​ച്ച അ​പേ​ക്ഷ​ക​ളി​ൽ ഇ​തു​വ​രെ​യും അ​ന്തി​മ തീ​രു​മാ​നം പ്ര​ഖ്യ​പി​ച്ചി​ട്ടി​ല്ല.

2018ൽ ​ജ​നി​ത​ക പ​രി​വ​ർ​ത്ത​നം വ​രു​ത്തി​യ ഡി​ഡി​ജി​എ​സ് ഇ​റ​ക്കു​മ​തി​ക്ക് ജി​ഇ​എ​സി ക​ര​ട് മാ​ർ​ഗ​നി​ർ​ദേ​ശ​ങ്ങ​ൾ പ്ര​സി​ദ്ധീ​ക​രി​ച്ചു. 2025ൽ ​ഡോ. ല​ളി​ത ഗൗ​ഡ​യു​ടെ നേ​തൃ​ത്വ​ത്തി​ലു​ള്ള ഉ​പ​സ​മി​തി ഈ ​മാ​ർ​ഗ​നി​ർ​ദേ​ശ​ങ്ങ​ൾ പ​രി​ഷ്ക​രി​ച്ചു. എ​ന്നാ​ൽ, ജി​എം വി​ള​ക​ൾ സം​ബ​ന്ധി​ച്ച ഇ​ന്ത്യ​യു​ടെ ക​ർ​ശ​ന ന​ട​പ​ടി​ക​ൾ തീ​രു​വേ​ത​ര വ്യാ​പാ​ര ത​ട​സ​മാ​ണെ​ന്നാ​ണ് അ​മേ​രി​ക്ക​യു​ടെ നി​ല​പാ​ട്. ഇ​ത് അം​ഗീ​ക​രി​ച്ചു​കൊ​ണ്ടാ​ണ് ഇ​ന്ത്യ ഇ​പ്പോ​ൾ അ​മേ​രി​ക്ക​ൻ ഡി​ഡി​ജി​എ​സ് ഇ​റ​ക്കു​മ​തി​ക്ക് വ​ഴ​ങ്ങി​യി​രി​ക്കു​ന്ന​ത്.

ഇ​ത് ഭാ​വി​യി​ൽ അ​മേ​രി​ക്ക​യി​ൽ​നി​ന്നു വ​ൻ​തോ​തി​ൽ സോ​യാ​പ്പ​യ​ർ, മ​ക്ക​ച്ചോ​ളം എ​ന്നി​വ ഉ​ൾ​പ്പെ​ടെ ജി​എം ഭ​ക്ഷ്യോ​ത്പ​ന്ന ഇ​റ​ക്കു​മ​തി​ക്കു വാ​തി​ൽ തു​റ​ക്കു​മെ​ന്നാ​ണ് ക​ർ​ഷ​ക സം​ഘ​ട​ന​ക​ളു​ടെ ആ​ശ​ങ്ക. ഭ​ക്ഷ്യ എ​ണ്ണ സം​സ്ക​ര​ണ​ത്തി​ൽ ഉ​ത്പാ​ദി​പ്പി​ക്കു​ന്ന വി​വി​ധ​ ത​രം പി​ണ്ണാ​ക്കു​ക​ളും മ​ക്ക​ച്ചോ​ള​വും ആ​ഭ്യ​ന്ത​രവി​പ​ണി​യി​ൽ കാ​ലി​ത്തീ​റ്റ​യാ​യി ഉ​പ​യോ​ഗി​ക്കു​ന്നു​ണ്ട്. ഇ​ന്ത്യ​യി​ൽ എ​ത്ത​നോ​ൾ ഉ​ത്പാ​ദ​ന​ത്തി​ൽ​നി​ന്ന് ഉ​പോ​ത്പ​ന്ന​മാ​യി ഡി​ഡി​ജി​എ​സ് വ​ൻ​തോ​തി​ൽ ല​ഭ്യ​മാ​ണ്. സോ​യാ​പ്പ​യ​റി​നെ വ​ൻ​തോ​തി​ലു​ള്ള വി​ല​ത്ത​ക​ർ​ച്ച​യി​ൽ​നി​ന്നു സം​ര​ക്ഷി​ച്ചു നി​ർ​ത്തു​ന്ന​ത് കാ​ലി​ത്തീ​റ്റ​യാ​യി ഉ​പ​യോ​ഗി​ക്കു​ന്ന സോ​യാ​മീ​ലാ​ണ്. അ​മേ​രി​ക്ക​ൻ ഡി​ഡി​ജി​എ​സ് ഇ​റ​ക്കു​മ​തി ഈ ​മേ​ഖ​ല​ക​ളെ ത​ക​ർ​ക്കും.

രാ​ജ്യ​ത്ത് 170 ല​ക്ഷം ക​ർ​ഷ​ക​രാ​ണ് മ​ക്ക​ച്ചോ​ളം കൃ​ഷി ചെ​യ്യു​ന്ന​ത്. ക​രാ​ർ പ്ര​ഖ്യാ​പ​നം വ​ന്ന് ഒ​രാ​ഴ്ചയ്​ക്കു​ള്ളി​ൽ കാ​ലി​ത്തീ​റ്റ​യു​മാ​യി ബ​ന്ധ​പ്പെ​ട്ട് ഉ​ത്പാ​ദി​പ്പി​ക്കു​ന്ന മ​ക്ക​ച്ചോ​ള​ത്തി​ന്‍റെ വി​പ​ണി​വി​ല ത​മി​ഴ്നാ​ട്ടി​ലും ക​ർ​ണാ​ട​ക​ത്തി​ലും അ​ഞ്ചു ശ​ത​മാ​ന​ത്തോ​ളം ഇ​ടി​ഞ്ഞു. ഇ​ന്ത്യ​ൻ ക്ഷീ​രോ​ത്പാ​ദ​ന മേ​ഖ​ല​യെ അ​മേ​രി​ക്ക​ൻ കാ​ലി​ത്തീ​റ്റ​യു​മാ​യി ബ​ന്ധി​പ്പി​ക്കു​ന്ന​ത് ഭാ​വി​യി​ൽ പ്ര​ശ്ന​ങ്ങ​ൾ സൃ​ഷ്ടി​ക്കു​മെ​ന്നും ക​ർ​ഷ​ക​ർ​ക്ക് ആ​ശ​ങ്ക​യു​ണ്ട്.

(തു​ട​രും)