ന്യൂഡൽഹി: സമൂഹമാധ്യമമായ ഇൻസ്റ്റഗ്രാമിൽ 100 ദശലക്ഷം (10 കോടി) ഫോളോവേഴ്സ് എന്ന ചരിത്ര നേട്ടം പിന്നിടുന്ന ലോകത്തിലെ ആദ്യ നേതാവായി പ്രധാനമന്ത്രി നരേന്ദ്ര മോദി. വ്യാഴാഴ്ചയാണ് മോദി ഈ നേട്ടം കൈവരിച്ചത്. ഇതോടെ ലോകത്തെ ഏറ്റവും കൂടുതൽ ആളുകൾ പിന്തുടരുന്ന രാഷ്ട്രീയ നേതാവായി അദ്ദേഹം മാറി. യുഎസ് പ്രസിഡന്റ് ഡൊണാൾഡ് ട്രംപാണ് പട്ടികയിൽ രണ്ടാം സ്ഥാനത്ത് (43.2 ദശലക്ഷം).
ട്രംപിനേക്കാൾ ഇരട്ടിയിലധികം ഫോളോവേഴ്സ് ഇപ്പോൾ മോദിക്കുണ്ട്. ഇന്തോനേഷ്യൻ പ്രസിഡന്റ് പ്രബോവോ സുബിയാന്തോ (15 ദശലക്ഷം), ബ്രസീൽ പ്രസിഡന്റ് ലുല ഡസിൽവ (14.4 ദശലക്ഷം) എന്നിവരാണ് തൊട്ടുപിന്നിലുള്ളത്. 2014-ലാണ് പ്രധാനമന്ത്രി ഇൻസ്റ്റഗ്രാമിൽ അക്കൗണ്ട് ആരംഭിച്ചത്. കഴിഞ്ഞ പത്ത് വർഷത്തിനിടെ ആഗോളതലത്തിൽ ഏറ്റവും കൂടുതൽ ഇടപെടലുകൾ നടക്കുന്ന ഡിജിറ്റൽ ഇടങ്ങളിലൊന്നായി അദ്ദേഹത്തിന്റെ അക്കൗണ്ട് മാറി.
രാജ്യത്തെ മറ്റ് നേതാക്കളുമായി താരതമ്യം ചെയ്യുമ്പോഴും മോദി ഏറെ മുന്നിലാണ്. ഉത്തർപ്രദേശ് മുഖ്യമന്ത്രി യോഗി ആദിത്യനാഥിന് 16.1 ദശലക്ഷവും പ്രതിപക്ഷ നേതാവ് രാഹുൽ ഗാന്ധിക്ക് 12.6 ദശലക്ഷവും ഫോളോവേഴ്സാണുള്ളത്. ഇൻസ്റ്റഗ്രാമിന് പുറമെ എക്സിൽ 106 ദശലക്ഷവും ഫേസ്ബുക്കിൽ 54 ദശലക്ഷവും ഫോളോവേഴ്സ് മോദിക്കുണ്ട്
Deepika
E-paper LOGIN
LOGIN
