കൊച്ചി: മാറുന്ന കാലാവസ്ഥയും മത്സ്യമേഖലയുടെ ഭാവിയും ചര്‍ച്ച ചെയ്യുന്നതിനായി 30 രാജ്യങ്ങളില്‍നിന്നുള്ള വിദഗ്ധര്‍ പങ്കെടുക്കുന്ന രാജ്യാന്തര സിമ്പോസിയം നാളെ കേന്ദ്ര സമുദ്രമത്സ്യഗവേഷണ സ്ഥാപനത്തില്‍ (സിഎംഎഫ്ആര്‍ഐ) തുടങ്ങും.
സമുദ്ര ആവാസ വ്യവസ്ഥയും മത്സ്യബന്ധന മേഖലയും സംരക്ഷിക്കാന്‍ ഉപഗ്രഹ സാങ്കേതികവിദ്യ പ്രയോജനപ്പെടുത്തുന്നതിന് സിമ്പോസിയം ഊന്നല്‍ നല്‍കും. സമുദ്രോപരിതല താപനിലയിലെ വര്‍ധന, കാലവര്‍ഷത്തിലെ മാറ്റം, ചുഴലിക്കാറ്റ് പോലുള്ള തീവ്ര കാലാവസ്ഥാ സംഭവങ്ങള്‍, സമുദ്ര ജൈവവൈവിധ്യം എന്നിവ മുതല്‍ പരമ്പരാഗത കടലറിവുകള്‍ വരെയുള്ള വിവിധ വിഷയങ്ങള്‍ സമ്മേളനത്തില്‍ ചര്‍ച്ചയാകും. ജലാശയ പരിസ്ഥിതിയുമായി ബന്ധപ്പെട്ട് കേന്ദ്ര ബയോടെക്‌നോളജി വകുപ്പിന്‍റെ ധനസഹായത്തോടെ പ്രത്യേക സെഷനുണ്ടാകും.
കൊച്ചി ശാസ്ത്ര-സാങ്കേതിക സര്‍വകലാശാലയിലെ കെമിക്കല്‍ ഓഷ്യനോഗ്രഫി വകുപ്പ്, ട്രെവര്‍ പ്ലാറ്റ് സയന്‍സ് ഫൗണ്ടേഷന്‍, സിഎംഎഫ്ആര്‍ഐ, മറൈന്‍ ബയോളജിക്കല്‍ അസോസിയേഷന്‍ ഓഫ് ഇന്ത്യ എന്നിവര്‍ സംയുക്തമായാണ് സിമ്പോസിയം സംഘടിപ്പിക്കുന്നത്.
Deepika
Corehub Solutions
E-paper LOGIN
LOGIN
