കൊച്ചി: വീട്ടിലിരുന്ന് ഉയര്ന്ന വരുമാനം നേടാവുന്ന ഓണ്ലൈന് ജോലി, നിക്ഷേപത്തിന് ഉയര്ന്ന ലാഭം തുടങ്ങിയവ വാഗ്ദാനം ചെയ്ത് തട്ടിപ്പു നടത്തുന്ന സംഘങ്ങള്ക്കെതിരേ ജാഗ്രത പാലിക്കണമെന്ന് കേരള പോലീസിന്റെ മുന്നറിയിപ്പ്. എന്ടിഎല് എന്ന പേരിലുള്ള വ്യാജ ആപ്പ് ഉപയോഗിച്ച് വാട്സ്ആപ്പ്, ടെലിഗ്രാം തുടങ്ങിയ പ്ലാറ്റ്ഫോമുകള് വഴിയാണ് തട്ടിപ്പ്.
തട്ടിപ്പു രീതി
വ്യാജപരസ്യങ്ങളില് ആകൃഷ്ടരായി തട്ടിപ്പുകാരെ സമീപിക്കുന്നവരെ തന്ത്രപരമായി എന്ടിഎല് ആപ്പ് ഡൗണ്ലോഡ് ചെയ്യിക്കുന്നു. തുടര്ന്ന് ആപ്പില് രജിസ്റ്റര് ചെയ്യാനും ആപ്പിലൂടെ വിവിധ ഓണ്ലൈന് ജോലികളുടെയും നിക്ഷേപ പദ്ധതികളുടെയും പേരിലുള്ള വിവിധ ടാസ്ക്, കമ്മീഷന്, നിക്ഷേപ പദ്ധതികള് എന്നിവ പരിചയപ്പെടുത്തുന്നു. ഇതുകണ്ടു ചെറിയ തുക നിക്ഷേപിക്കുന്നവര്ക്കു കമ്മീഷന് ലഭിക്കുന്നതായി വ്യാജമായി പ്രദര്ശിപ്പിക്കുകയും ചില സന്ദര്ഭങ്ങളില് ചെറിയ തുക പിന്വലിക്കാനും നിക്ഷേപകര്ക്ക് അവസരം നല്കും.
നിക്ഷേപകരുടെ വിശ്വാസം നേടിയെടുത്ത് തുടരെത്തുടരെ ഉയര്ന്ന തുക നിക്ഷേപിക്കാന് പ്രേരിപ്പിക്കും. കൂടുതല് ലാഭം പ്രതീക്ഷിച്ച് നിക്ഷേപകര് കൂടുതല് തുക നിക്ഷേപിക്കുന്നു. ഈ തുക പിന്വലിക്കാന് ശ്രമിക്കുമ്പോള് പെന്ഡിംഗ് ഫോര് റിവ്യൂ, പ്രോസസിംഗ്, ഹോളിഡേ തുടങ്ങിയ കാരണങ്ങള് കാണിക്കും.
പണം പിന്വലിക്കാനായി അധിക ഫീസ്, നികുതി, വെരിഫിക്കേഷന് ഫീസ് തുടങ്ങിയ പേരുകളില് കൂടുതല് പണം ആവശ്യപ്പെടുകയും ചെയ്യും. നിശ്ചിത സമയത്തിനുള്ളില് വ്യാജ ആപ്പ് പ്രവര്ത്തനം നിലയ്ക്കുകയോ അക്കൗണ്ട് ബ്ലോക്ക് ആകുകയോ ചെയ്യും.
Deepika
E-paper LOGIN
LOGIN
