കൊച്ചി: മദ്യത്തിനു പേരും ലോഗോയും ക്ഷണിക്കുന്ന നടപടി മദ്യപാനത്തിനു പ്രേരണയാകുന്നതല്ലേയെന്ന് ഹൈക്കോടതി. ഇക്കാര്യത്തില് നിലപാട് വ്യക്തമാക്കി സത്യവാങ്മൂലം ഫയല് ചെയ്യാനും ചീഫ് ജസ്റ്റീസ് അധ്യക്ഷനായ ബെഞ്ച് നിര്ദേശിച്ചു.
പൊതുമേഖലാസ്ഥാപനമായ പാലക്കാട് മലബാര് ഡിസ്റ്റിലറീസ് നിര്മിക്കുന്ന പുതിയ വിദേശമദ്യ ബ്രാന്ഡിന് പേരും ലോഗോയും നല്കാന് ജനങ്ങളില്നിന്ന് അഭിപ്രായം തേടുന്ന പരസ്യങ്ങള് തടയണമെന്നാവശ്യപ്പെടുന്ന ഹര്ജികള് പരിഗണിക്കുകയായിരുന്നു ചീഫ് ജസ്റ്റീസ് സൗമെന് സെന്, ജസ്റ്റീസ് വി.എം.ശ്യാംകുമാര് എന്നിവരടങ്ങിയ ഡിവിഷന് ബെഞ്ച്.
വിഷയം ഫെബ്രുവരി 12ന് വീണ്ടും പരിഗണിക്കും. കോട്ടയം ഡിസിസി വൈസ് പ്രസിഡന്റ് ചിന്തു കുര്യന് ജോയ് അടക്കമുള്ളവര് സമര്പ്പിച്ച പൊതുതാത്പര്യ ഹര്ജികളാണു കോടതിയുടെ പരിഗണനയിലുള്ളത്. മലബാര് ഡിസ്റ്റിലറീസിനും നോട്ടീസിന് നിര്ദേശിച്ചിട്ടുണ്ട്.
Deepika
E-paper LOGIN
LOGIN
