ആലപ്പുഴ: കായംകുളത്ത് എൽഡിഎഫ് സ്ഥാനാർഥി യു. പ്രതിഭയ്ക്ക് എതിരെ സ്ത്രീ വിരുദ്ധ പരമാർശവുമായി മുസ്ലിം ലീഗ് നേതാവും കായംകുളം യുഡിഎഫ് കൺവീനറുമായ എ. ഇർഷാദ്. കഴിഞ്ഞ പത്ത് വർഷമായി കായംകുളം മണ്ഡലത്തിൽ പ്രത്യേകിച്ച് യാതൊരു വികസനപ്രവർത്തനവും നടത്തിയിട്ടില്ലാത്ത യു. പ്രതിഭ വാക്ചാതുരി കൊണ്ടും ശരീര അഴകും കൊണ്ടാണ് വോട്ട് നേടി അധികാരത്തിൽ വരുന്നതെന്നായിരുന്നു യുഡിഎഫ് നേതാവിന്റെ അധിക്ഷേപ പരമാർശം. കായംകുളത്ത് ഇന്നലെ ചേർന്ന യുഡിഎഫ് കൺവെൻഷനിലായിരുന്നു പരമാർശം. യു. പ്രതിഭയുടെ മകന്റെ കഞ്ചാവ് കേസ് ഉൾപ്പെടെയുള്ള കാര്യങ്ങൾ ഉയർത്തിയായിരുന്നു എ. ഇർഷാദിന്റെ പ്രസംഗം.