ഹൈദരബാദ്: തെലുങ്കാനയില് സര്ക്കാര് ആശുപത്രിയില് സൂക്ഷിച്ചിരുന്ന മൃതദേഹം നായ കടിച്ചുകീറി. മഹാബൂബ്നഗര് ജില്ലയിലെ ജഡ്ചര്ല സര്ക്കാര് ആശുപത്രിയിലാണ് സംഭവം.
കായലില് മരിച്ച നിലയില് കണ്ടെത്തിയ പുരുഷന്റെ മൃതദേഹം തിങ്കളാഴ്ച പോസ്റ്റ്മോര്ട്ടം നടപടികളുടെ ഭാഗമായാണ് മോര്ച്ചറിയില് സൂക്ഷിച്ചത്. പിന്നീട് പോസ്റ്റ്മോര്ട്ടം നടപടികള്ക്കായി ജീവനക്കാര് എത്തിയപ്പോഴാണു മൃതദേഹം നായ കടിച്ചുകീറിയ നിലയില് കണ്ടത്. നായയെ ജീവനക്കാര് ഓടിച്ചെങ്കിലും സിസിടിവി ദൃശ്യങ്ങള് സമൂഹമാധ്യമങ്ങളില് ചര്ച്ചായതോടെയാണ് സംഭവം വിവാദമായത്.
വിഷയം പ്രതിപക്ഷ കക്ഷികള് ഏറ്റെടുത്തതോടെ ഉന്നതതല അന്വേഷണത്തിന് സംസ്ഥാന ആരോഗ്യമന്ത്രി സി. ദാമോദര് രാജാ നരസിംഹ ഉത്തരവിട്ടു. ആശൂപത്രി ആര്എംഒ ഉള്പ്പടെ നാലു ജീവനക്കാരെ അന്വേഷണ വിധേയമായി സസ്പെന്ഡ് ചെയ്തു.
അതേസമയം, മോര്ച്ചറിയില് ഫ്രീസര് സംവിധാനം ഉള്പ്പെടെയുള്ളവ പ്രവര്ത്തിക്കുന്നില്ലെന്ന് സ്ഥലത്തെത്തിയ പോലീസ് പറഞ്ഞു. മൃതദേഹങ്ങള് അഴുകിയ നിലയിലാണെന്നും പോലീസ് നടത്തിയ പ്രാഥമികാന്വേഷണത്തില് കണ്ടെത്തി. 30 കിടക്കകളുള്ള ജഡ്ചര്ലയിലെ സര്ക്കാര് ആശുപത്രി അടുത്തിടെയാണു നവീകരിച്ചത്.
E-paper LOGIN
LOGIN
